Juan Luis Zabala
Juan Luis Zabala Artetxe 1963 urtean Azkoitian jaiotako euskal idazle, kazetari eta blogaria da.
Wikipedian
“Euskaltzaindia, euskararen 100 urteko laguna” da komikigintzarekin harremana duen bere lan garrantzizkoena.
Euskaltzaindiako egoitzan eskainitako prentsaurrekoan adierazpen hauek egin zituen.
"“Ezustean hartu ninduen Andres Urrutiak egindako proposamenak, baina berehala onartu nuen, lan interesgarria izango zela iritzita”, esan du Zabalak; bide batez, prozesuaren zailtasunak azpimarratu ditu: “Mamiari uko egin gabe, Euskaltzaindiaren historia ahalik eta modurik atsegin eta entretenigarrienean kontatzen saiatu naiz, Amaia Ballesterosen laguntzarekin. Gidoia lantzen ere lagundu dit Amaiak. Zailena izan da kontaketari bizitasuna ematea eszena eta pertsonaien arteko solasaldi zehatzen bidez, kontaketa orokorrari muzin egin gabe”. Idazle azkoitiarrak aitortu du Euskaltzaindiaren iraganeko irudia aldatzen saiatu dela: “Euskaldun askok Euskaltzaindia erakunde zaharkitutzat dute eta, lausoa bada ere, beldur moduko bat diotela iruditzen zait, hiztunak epaitu eta zigortzeko sortutako erakundea balitz bezala. Komikiak ikuspegi hori aldatzen laguntzea gustatuko litzaidake, erakutsiz Euskaltzaindia euskaldunoi laguntzeko sortua dela eta horretan ahalegintzen dela”. "
Komikiarekin Zabalak dituen loturei buruz bi adibide:
- Euskal Literaturaren Apalategia (ELA) Juan Luis Zabala 2000. urtean hasi zen literatura-sorkuntzako liburuen erreferentzia bibliografikoak biltzen, komikiak barne, eta urtero argitaratu izan ditu paper euskarrian. Atari honetan informazio hori guztia datu-base bakarrera ekarri da; aukera dago urtez urteko zerrendak bistaratzeko ere.
