KOMIKIAK SORTZEKO EUSKO JAURLARITZAREN DIRU LAGUNTZA DEIALDIA

Eusko Jaurlaritzak 2017 urtean lehen aldiz diru laguntza deialdia egin zuen komikiak eta liburu ilustratuak sortzeko. 15.000 euroko 4 laguntza emango dira komiki bat edo nobela grafiko bat argitaratzea helburu duten ilustrazio-proiektuentzat. 2019 urteko oinarrietan aldaketa bat ezarri zuen Jaurlaritzak: laguntzetako bat, gutxienez, 30 urtetik beherako pertsona batentzat izango da eta bat emakume batentzat.

Eusko Jaurlaritzak 2017 urtean lehen aldiz diru laguntza deialdia egin zuen komikiak eta liburu ilustratuak sortzeko 2020 urteko deialdirako proiektuak aurkezteko ESKAERA EPEA Martxoaren 10ean amaitzen zen, baina COViD19 egoera dela eta epea luatu ote den ez dago argi....: KONFIRMATU 012 TELEFONOAN. OINARRIAK 15.000 euroko 4 laguntza emango dira komiki bat edo nobela grafiko bat argitaratzea helburu duten ilustrazio-proiektuentzat. Laguntzetako bat, gutxienez, 30 urtetik beherako pertsona batentzat izatea aurreikusi da oinarrietan, eta bat emakume batentzat izatea.

Urtez urte, hauek izan dira saritutako proiektuak:

2017

Eusko Jaurlaritzak 2017 urtean lehen aldiz diru laguntza deialdia egin zuen komikiak eta liburu ilustratuak sortzeko: 4 autorek jaso zuten diru laguntza: hauetako bi euskaraz argitaratu edo argitaratuko dira, eta gazteleraz soilik argitaratuko omen dira beste biak:

• Igor Leturiaren blogean diru laguntza deialdiari buruzko artikulua

• Dani Fanok 2018ko urriaren 18an"Migel Marmolen hamaika eta bat jaiotzak" komikia argitaratu zuen Astiberri etxearekin euskaraz zein gazteleraz, eta El Salvadorren beste edizio bat egin da. Frantsesez eta nawat hizkuntzan ere argitaratu da komikia.

• 2018an ere Alex Orbek Los Enciclopedistas komikia argitaratu zuen Astiberrirekin, Jose A. Pérez Ledoren gidoiaz.

• 2019 urtean Astiberrik euskaraz argitaratu zuen Joseba Larratxe "Joseviskyk" Yurre Ugarteren gidoiaz sortutako Joana Maiz komikia.

• 2019an Astiberrik Javier de Isusik sortutako "La Divina Comedia de Oscar Wilde2 komikia argitaratu zen.

2018

Bigarren urtez Eusko Jaurlaritzak komikiak, nobela grafikoak edo irudidun liburuak sortzeko diru laguntza deialdia antolatu zuen.

2018ko deialdian lau komikigile eta proiektu hauek jaso zuten diru laguntza.

• "BUYAN – Sadkoren itzala” proiektua aurkeztu zuten Aritz Trueba marrazkilariak, Etxeberria anaiak gidoilariak eta Buyan komikia sustatzen duen ekipoak. 2019an argitaratu zuen albuma Turko comics argitaletxeak.

• Adur Larrea eta Harkaitz Canok 2019 urtean argitaratu zuten "Antzar Eguna" komikia Txalaparta etxeari esker.

• Susanna Martín Bilbotarrak eta Miguel Angel Giner Bou-k Ofensiva final komikian ari dira lanean. Dolmen argitaletxeak aterako du gaztelaniaz eta agian euskaraz: Erdialdeko Amerikan emakumeei buruzko dokumentala egiten ari den Iratxeren ibilerak kontatuko dituzte.

• Victor Santos-ek sortuko duen komikia Akira Kurosawa zinegilearen bizitza izango du hizpide: Norma argitaletxearen eskutik iritsiko da gaztelaniazko bertsioa, eta baliteke euskaraz ere argitaratzea.

2019

Diru laguntza deialdiaren 3. urtean hauek izan ziren irabazleak komikia modalitatean:

• Alex Machok jaso zuen laguntza Harriet gidoilariarekin "Lotsa eta oroimina" komikia sortzeko. Harriet etxeak argitaratu zuen eta Getxoko Komiki Azokan aurkeztu zen.

• Iñaki Martiarena Otxotorena "Mattin" marrazkilariak "Belardo, ba al zatoz? komikia sortu zuen eta Berriak 2019an argitaratu zuen eta Durangoko Azokan aurkeztu zen.

• Iñaki Martinez Hernandez "Iñaket" marrazkilariak "Helize" proiekturako jaso zuen diru laguntza.

• Higinia Garay Zaratek "La palabra que empieza por A" komiki proiekturako jaso zuen diru laguntza.