Koldo Almandoz

Koldo Almandoz Donostian 1973 urtean jaiotako zinegilea eta kazetaria da. 15 laburmetrai baino gehiago eta film luzeak zuzendu ditu. 'The Balde' aldizkariko zuzendaria izan zen eta besteak beste Egunkarian/Berrian, El País-en eta Euskadi Irratian lankidetzak egin eta egiten ditu. https://koldoalmandoz.com/ webgunean jasotzen dira bere lan gehienen erreferentziak.

Komikigintzari oso lotua egon da: 90. hamarkadan Napartheid komiki aldizkaria argitaratzen zuen kolektiboko kide izan zen, 'Rockomikiak' erakusketako komisario izan zen David Zapirainekin batera, eta Farmazia Beltza argitaletxean editore lanak egiten ditu: besteren artean 'Hondamuinean' komikiaren edizioaz arduratu zen Zapirainekin.

Koldo Almandozen gidoiaz eta Aritz Truebaren marrazkiekin, 2022ko maiatzean 'Natasha' komikia aurkeztu zen, Farmazia Beltza (euskaraz) eta Nuevo Nueve (gazteleraz)argitaletxeen eskutik.

SORTZAILE IBILBIDEA

Nafarroako Unibertsitatean Kazetaritza ikasketak burutu zituen ikus-entzunezko Komunikazioaren arloan. New Yorken zinema-ikasketak egin zituen.

https://www.usandizaga.com/design/eu/koldo-almandoz-zinemagileari-elkarrizketa/ Usandizaga ikastetxeko elkarrizketen atalean hau adierazi zuen: "Zaila da definitzea noiz hasi nintzen. Haur bat nintzenean eta osabak bideratuta, argazkilaritzarekin hasi nintzen eta nik uste gero, denbora pasa ahala, argazki horiek mugimenduan jartzeko desafioak erakarri ninduen."

1998 urtean 'Razielen itzulera' film laburra Donostiako Zinemaldiaren Zabaltegi sailean estreinatu zen eta guztira 15 laburmetrai baino gehiago eta film luzeak zuzendu izan ditu. https://eu.wikipedia.org/wiki/Koldo_Almandoz Wikipedian zerrendatzen dira Almandozen ikus-entzunezkoa lanak.

Euskaraz eta ingelesez argitaratzen zen www.thebalde.net 'The Balde' aldizkariaren zuzendari izan zen: https://eu.m.wikipedia.org/wiki/The_balde 2001ean sortutako aldizkari kultural elebiduna izan zen, euskaraz eta ingelesez argitaratua. Mota askotako arte garaikideak jorratzen zituen, hala nola musika, komikiak eta bestelako literatura arloak, moda, diseinua eta abar.

https://www.berria.eus/paperekoa/2185/028/001/2016-12-07/the_balde_k_bidea_itxi_du_15_urteren_ostean.htm 89. eta azken alea 2016ko azaroa .

https://www.usandizaga.com/design/eu/koldo-almandoz-zinemagileari-elkarrizketa/ Nondik dator the balde? galdetu zioten Usandizagako kideek.

"Napartheid fanzinea egiten genuen batzuk pentsatu genuen, hura desagertu zenean, jarraitu nahi genuela zerbait egiten. Bakoitzak interes ezberdinak zituen: arte ederrak, diseinua, zinema, kazetaritza, eta beno, guztiona batera jarrita sortu zen the balde. Euskaraz gure hizkuntza eta bertako hizkuntza delako eta ingelesez, helburua munduko edozein bazterretara iristea delako."

KOMIKIGINTZA

90eko hamarkadan Napartheid komiki aldizkariko kide izan zen.

1997an Desastre fanxineko kideekin Napartheidek bere ibilbide osoan zehar eskuratutako argitalpen en bilduma abiapuntutzat hartuta Fanxinoteka sortu zen. Herriz herri bilduma eskuragarri jari zuten, eta urte batzuetan Fanxinoteka Artelekun kokatu zen, bertan egonkortasuna eta eskuragarritasuna lortuz. http://old.arteleku.net/arteleku/publicaciones/zehar/51-resistencia-y-creacion/en-red/at_download/file

59 herrialde, 30 hizkuntza eta ia 4000 alez osatzen zen Fanxinoteka, eta Artelekun egoitza eduki ondoren  Komikigunean lekutu zen.

ROCK KOMIKIAK

Ereiten

http://kmk.gipuzkoakultura.eus/eu/component/content/article/1412-rockomikiak

«Rockomikiak. Binetak eta doinuak» David Zapirain eta Koldo Almandozek zuzendutako erakusketa izan zen, 2014 urtean Donostiako Koldo Mitxelenan ikusgai egon zena: garaiko disko azalak, fanzineak, komikiak eta bideoklipak ikus daitezke besteak beste, eta dinamismoa bilatu eta bisitariaren parte-hartzea sustatu nahian, gaiari buruzko hitzaldi zikloa eta fanzineak egiteko tailerra ere antolatu zituzten.

Erakusketa honen helburu nagusia garai bateko kultura herrikoia balioan jartzea izan zen. 80 eta 90. hamarkadetan kulturaren bi adar hauek nola bat egin zuten eta Euskal Herrian zein giro kultural sortu zen. Estetika eta etika marjinalak lortutakoaren ispilu izan nahi du eta nola nazioarteko giroan tokia egin zuen.

https://www.naiz.eus/en/hemeroteca/gara/editions/gara_2014-12-27-06-00/hemeroteca_articles/amp/rockomikiak-musika-eta-komikiaren-izpiritua-gaur-egunera-ekartzen Naiz atariak jasotako Almandozen hitzetan:

«Urtetan zehar garatu dugun fanzinetekan, orain Komikigunean dagoena, sekulako materiala dago eta nolabait hori ikustarazi nahi genuen», azaldu du Almandozek, eta 80-90eko hamarkadan komikigile eta musikarien artean zegoen lotura ikusgai jartzea proposatu zuten. «Adibidez, Ertzainak taldeak disko baten diseinua Alvarez Rabori eskatu zion, Kortatuk bere libretoetan Crumbek egindako komikiak erabili izan zituen, Tijuana in Bluek ere bazuen harremanik komikiarekin... Musika eta komikiaren arteko loturaz hausnarketa egitea da erakusketaren asmoa».

Almandoz bera zaletasun horien arteko harremanen isla da, 2009 - 2015 urteen artean Gora Gora Kids garage-punk taldeko partaidea izan bait zen.

https://www.naiz.eus/en/hemeroteca/gara/editions/gara_2014-12-27-06-00/hemeroteca_articles/amp/rockomikiak-musika-eta-komikiaren-izpiritua-gaur-egunera-ekartzen Naiz atariako artikuluak horrela jarraitzen zuen:

Nostalgiatik baino, hausnarketatik edan dute erakusketa antolatzerako orduan, aipatu lotura «transmisioaren kate begi bat» dela sinesten baitute. «Guk fanzineak egiten genituenean, fanzineak re sozialak ziren; zaletasun bat zenuen, zure fanzinea egiten zenuen eta partekatu egiten zenuen zure afizio bera zuen jendearekin. Mugimendu sozial hori bazegoen. Guk aldarrikatu nahi dugu egun existitzen den mugimendu hori nonbaitetik datorrela, gure garaikoa beste bide batzuetatik etorri zen era berean», adierazi du.

"Egun erakusketak dinamikoak izan behar direla sinesten dugu eta fanzine tailerra jarri dugu jendeak fanzinearen izpirituari ekin diezaion; fotokopiagailua ere jarri dugu nahi duenak nahi duena kopiatu eta etxera eraman dezan", azaldu zuen Almandozek..

Hauek izan ziren erakusketari lotutako jarduerak:

Hitzaldiak: Iñaki Otamendiren «Dabilen harria» bisitaldi gidatua, Garbiñe Ubeda eta Yurre Ugarteren «Non zeuden neskak?», Asisko Urmenetaren «Fanzinegintza: ERE Euskal Rock Erradikala zeneko aro alegera», Xabier Gantzarainen «Kultura popularra» eta Harkaitz Canoren «Musika euskal komikigintzan.

Erakusketa https://oihaneder.eus/albisteak/rockomikiak-binetak-doinuak-erakusketa-martxan/ Gasteizko Oihanederren Euskaren Etxearen eskutik eta Arrasaten izan zen ikusgai.

Almandozek azken urteotako sormen ibilbidearekin jarraituaz, zinemagintzan 'Sîpo Phantasma' (2016) eta 'Oreina' ( 2018) luzemetraiak egin ditu, 'Hondar Ahoak' telesaila (2020)...Cannes, Rotterdam, Donostia, Beijing, Gijón, Seattle, Málaga, Dei Popoli, Bafici, … eta beste zinema jaialdietan parte hartu du eta sariak jaso ditu.

Zinea, eta kultur gaiak ardatz dituzten ikastaro eta hitzaldi ezberdinak ematen ditu.

Farmazia Beltza argitaletxeko editore da eta bertan bere liburu batzuk ere argitaratu dira:  'Oreina Marea gora marea behera' (Aritz Truebarekin lankidetzan) , 'Argazpitituluak', 'Igeri edo Ito' ...

David Zapirainekin batera, besteren artean 'Hondamuinean' komikiaren edizioaz arduratu zen Zapirainekin.

2022ko maiatzean Koldo Almandozen gidoiaz eta Aritz Truebaren marrazkiekin 'Natasha' komikia argitaratu dute Farmazia Beltzak euskara eta Nuevo Nuevek azteleraz.