REAS

REAS Euskadi, Ekonomia Alternatibo eta Solidarioaren Sarea, 1997an sortu zen, eta ekonomia solidarioa garatu nahi du, ekonomia bere alderdi guztietan (ekoizpena, finantzaketa, merkataritza eta kontsumoa) bizitzaren iraunkortasunaren zerbitzura dagoen bitarteko gisa -eta ez amaiera gisa – aldarrikatzen duen ikuspegi eta praktika gisa ulertuta.

Sarea, mugimendu ekonomiko, sozial eta politiko baten parte da, eta egungo sistema sozioekonomiko lokala eta globala eraldatzen laguntzen du, ekimen ekonomiko alternatiboak bultzatuz.

Horretarako, lankidetza, prestakuntza eta sentsibilizazioa, elkarrizketa sozial eta instituzionala eta beste erakunde eta plataforma batzuekin sare-lana garatzen ditu. Era berean, ekimenak eta tresnak bultzatzen ditu merkatu sozial alternatibo bat hazteko, ikuspegi feministatik erakunde bizigarriak eraikitzeko, auditoria sozial propioa ezartzeko, politika publiko eraldatzaileak sustatzeko edo ekintzailetza sozial eta kooperatiborako zerbitzuak garatzeko.

REASek argitaratu dituen publikazioen artean azken urteetan komikigintzak garrantzia berezia izan du, Amaia Ballesteros irudigilearekin lankidetzan.

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2020 10 URRIA	Labirintoa	Ekonomia Alternatibo eta Solidarioaren Sarea REAS / ALBOAN	Ana Serna / Marta Gómez / Paula Iglesias (Al Borde films)	Amaia Ballesteros	Edizio elebiduna	Belaxe, Koop. Elk.	2020ko urria
2020 02 OTSAILA	Kanpoaldean	Ekonomia Alternatibo eta Solidarioaren Sarea REAS	Ana Serna (Al Borde films)	Amaia Ballesteros	Edizio elebiduna	Itziar Orbegozo	2020ko Otsaila
2015 10 URRIA	Oletakorta	Ekonomia Alternatibo eta Solidarioaren Sarea REAS/ALBOAN	Amaia Ballesteros	Amaia Ballesteros	Edizio elebiduna	Labayru Fundazioa	2015 urria