Garazi Albizua
Garazi Albizua Castelao Santurtzin 1985 urtean jaiotako idazle, irudigile eta komikigilea da. Tailer eta ikastaroak ere gidatzen ditu, adibidez Santurtzi eta Erandioko literatura taldeak, Bilboko Louise Michel liburutegiko sormen tailerra eta hainbat jardueratan parte hartzen du zenbait Emakumeen Etxeetan ere.
Fantasia irakurtzen nuen zientzia fikzioa baino gehiago. Irakurri nuen lehenbiziko liburua Sorgin txikia izan zen, izebak oparitu zidan. Ordura arte komikiak irakurtzen nituen. Horrekin estreinatu nintzen fantasian, eta sekulako deskubrimendua izan zen emakume protagonista batekin topo egitea, komikietan gizonezkoak baitziren protagonista. Fantasiaren munduan barneratzean, baina, beste emakumezko protagonistarik askorik ez zegoela ikusi nuen. Erreferente horren beharra sumatu nuen luzaroan.
Publizitate eta diseinu grafikoaren arloan goi-teknikari ikasketak egin ditu, teknologia berrietan prestatzaile gisara egin izan du lan.
2015 urtean 'Nola egiten dute dordokek?' izan zen bere lehen ipuin liburua, haur literatura arloko lana Jon Garayren marrazkiekin.
2017an Denon Artean/Cenlit argitaletxearentzako 'Kemena' komikia sortu zuen.
Fantasiazko literaturaren arloan 'Ahire Munduak' trilogiaren 2 ale argitaratu ditu, 'Izadia' 2018an eta 'Geun' 2019. Zenbait antologietan parte hartu du Jot Down eta Pamielarako.
Udalbiltzaren 'Geuretik sortuak' ekimenaren baitan Leitzan egonaldia egin zuen eta narrazio bat sortu.
Apache Editorial etxearen bidez 'Lea ipurterrea eta harmonika trebea', 'Magical girl' eta gaztelaniaz 'Lara de Altopico' argitaratu ditu (2021)
EIEko lantaldearen parte da, irrati esataria da Bizkaia Irratiko 'Irakurrieran' literatura saioan eta 'Ahots planeta' literatura feministaren podcastean. 'Atopia RPG' rol jokoa sortzen parte hartu zuen.
Irailaren 30ean, 19:00etan, Bilboko Louise Michel liburudendan eta urriaren 2an Getxoko Azokan aurkeztu da Garazi Albizua idazle santurtziarraren gidoiaz Olga Carmona marrazkigile andaluzak sortutako 'La apuesta de Cloto' komikia (Cósmica Editorial). Euskaraz Txalapartak 'Iruleak' izenburupean argitaratu du. Olga Carmonaren Story board ederra dago ikusgai
* Elkarrizketa ’Iruleak’ komikiaz Garazi Albizuarekin Bilbo Hiria irratian
* Garazi Albizua Iruleak komikiaren egilea Bizkaia Irratiako Irakurrieran saioan
Euskal Telebistako Hitzokei saioan
AUTOREAREN KOMIKIAK EUSKARAZ[aldatu]
| DATA | IZENBURUA | ARGITARATZAILEA | GIDOIA | MARRAZKIAK | JATORRIZKO HIZKUNTZA | ITZULTZAILEA | JATORRIZKOAREN URTEA |
|---|---|---|---|---|---|---|---|
| 2022 09 IRAILA | Iruleak | Txalaparta | Garazi Albizua | Olga Carmona | Euskaraz eta gazteleraz aldi berean | 2022, euskaraz Txalapartak, gazteleraz Cósmica Editorial argitaletxearen eskutik 'La apuesta de Cloto' | |
| 2017 11 AZAROA | Kemena | Denon Artean Cenlit | Garazi Albizua | Garazi Albizua | Euskaraz Jatorrizkoa | 2017 11 AZAROA |
