Eñaut Aiartzaguena

Eñaut Aiartzaguena Bravo Iurretan 1988 urtean jaio zen komikigilea da.

Irribarrez webgunean bere biografian kontatzen duenez,

"Umetatik gustatu izan zait marraztea (ez horrenbeste margotzea) eta hamaika komiki irakurtzen nituen. Oroitzapen benetan polita daukat Erramun Basajauna, Gabai eta Asterixen abenturen komikiekin. Gaur egun ere esku artean izaten ditut sarri (nahiz eta sekula ez dakidan non gorde, leku faltan nabil) eta berriz bizitzen ditut bineta arteko abentura horiek.

"Ikasketetan batxilergo artistikoa aukeratu nuenean irakasleek uste izan zuten erratu egin nintzela baina nik argi nuen Arte Ederretako ikasketak egin nahi nituela. Ez dut unibertsitate garaiko abenturak kontatzen denborarik galduko. 2013. urtean bukatu nituen ikasketak eta beste lan batzuk egiten ibili eta gero 2014. urteko uda aurretxoan ekin nion komiki tirak egiteari. Egia esan ez dute halako arrakasta handirik ere, baina ongi pasatzen dut lan honetan. Eta dirurik ematen ez badu ere horrelako lanekin aurrera ateratzen saiatuko naiz, izan ere, nork behar du sosik irriz ari denean?"

Sare sozialetan #Gaurkotira traolarekin maiztasun handiz eskaintzen umore grafikoaren arloko lanak. Kutsu autobiografiko nabarmenak ditu bere lanak, egunerokotasunean oinarrituta baina inguruneari eta gizarteari buruzko iritziak tartekatuaz.

Crowfunding bidez 2017an zinta hortako asko bilduma batean argitaratu zituen.

H28n parte hartu du, eta zenbait aldizkarietan argitaratu izan ditu komikiak, HikHasi-n adibidez

Diseinu grafikorako lanak egiten ditu,muralak marraztu... Marrazki, ilustrazio eta komiki ikastaroak eskaini izan ditu..: Hainbat lanen artean 'Ezagutu Hondarribia' fitxa didaktikoak ilustratu zituen, Lore Erriondo eta Arantxa Urberen ekimenez.

Txikipedian komikien bidez zenbait gairi buruzko komikiak sortu ditu 'Ikasi Otsorekin' izenburupean.

2023/2024: KOMIKIA GEURETIK SORTUAK UDALBILTZAREN EKIMENAREN BAITAN

Udalbiltzak antolatutako Geuretik Sortuak ekimenaren bigarren edizioaren sormen egonaldi eta diru laguntza deialdia ebatzi da eta 2023 urtean zehar 39 izango dira parte hartuko duten udalerriak.

22 sortzailek hartuko dute parte, eta tartean 5 komikigile izan dira hautatuak euren proiektuak garatzeko: Iñaki Martiarena “Mattin”, Aritz Ibarra Agirrezabal, Kote Camacho de Miguel, Unai Gaztelumendi Arandia, Eñaut Aiartzaguena Bravo.

Eñautek Amasa-Villabonan haurrentzat komiki bat sortuko du, basoak, ekologia eta mitologia ardatz hartuta.

2024ko urtarriletik irailaren 30era arte burutuko da Hedapen Fasearen baitan herriz herri aurkeztuko dira komiki lanak; bestalde, liburuki batean argitaratuko dira sortzaileen Komiki guztiak eta webgune batean egongo dira eskuragarri Creative Commons lizentziapean.

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
12 ABENDUA	Irribarrez: #GaurkoTira 2016/2017 ikasturtea	Autoedizioa	Eñaut Aiartzaguena	Eñaut Aiartzaguena	Euskaraz Jatorrizkoa		2017 12 ABENDUA

AUTOREA INTERNET SAREAN

https://irribarrez.info/ https://www.facebook.com/MunduaIrribarrez/ https://twitter.com/irribarrez https://www.instagram.com/enautaiartzaguena/ https://www.verkami.com/projects/17887-gaurkotira-urteko-bilduma