Juan Luis Zabala

Juan Luis Zabala Artetxe 1963 urtean Azkoitian jaiotako euskal idazle, kazetari eta blogaria da.

Wikipedian bere biografia eta idazlanen zerrenda ezagutu daiteke

“Euskaltzaindia, euskararen 100 urteko laguna” da komikigintzarekin harremana duen bere lana. Zabalaren gidoiaz, Amaia Ballesterok egin ditu marrazkiak.

Euskaltzaindiako egoitzan eskainitako prentsaurrekoan adierazpen hauek egin zituen: "“Ezustean hartu ninduen Andres Urrutiak egindako proposamenak, baina berehala onartu nuen, lan interesgarria izango zela iritzita”, esan du Zabalak; bide batez, prozesuaren zailtasunak azpimarratu ditu: “Mamiari uko egin gabe, Euskaltzaindiaren historia ahalik eta modurik atsegin eta entretenigarrienean kontatzen saiatu naiz, Amaia Ballesterosen laguntzarekin. Gidoia lantzen ere lagundu dit Amaiak. Zailena izan da kontaketari bizitasuna ematea eszena eta pertsonaien arteko solasaldi zehatzen bidez, kontaketa orokorrari muzin egin gabe”. Idazle azkoitiarrak aitortu du Euskaltzaindiaren iraganeko irudia aldatzen saiatu dela: “Euskaldun askok Euskaltzaindia erakunde zaharkitutzat dute eta, lausoa bada ere, beldur moduko bat diotela iruditzen zait, hiztunak epaitu eta zigortzeko sortutako erakundea balitz bezala. Komikiak ikuspegi hori aldatzen laguntzea gustatuko litzaidake, erakutsiz Euskaltzaindia euskaldunoi laguntzeko sortua dela eta horretan ahalegintzen dela”. "

Komikiarekin Zabalak dituen loturei buruz bi adibide:

• 2015ean 'Hamaseigarrenean, aidanez' filma eta komikia nola sortu ziren ezagutarazteko Anjel Lertxundi eta Antton Olariagaelkarrizketatu zituen.

• Euskal Literaturaren Apalategia (ELA) Juan Luis Zabala 2000. urtean hasi zen literatura-sorkuntzako liburuen erreferentzia bibliografikoak biltzen, komikiak barne, eta urtero argitaratu izan ditu paper euskarrian. Atari honetan informazio hori guztia datu-base bakarrera ekarri da; aukera dago urtez urteko zerrendak bistaratzeko ere.

2023, KOMIKIGINTZA MATTIN-EKIN

Iñaki Martiarena "Mattin" ilustratzailearekin lankidetzan 'Memoriaren ibaia' komikia argitaratu zuen Zabalak 2023ko udazkenean

EUSKARAZ ARGITARATUTAKO KOMIKIA

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2023 AZAROA	Memoriaren ibaia	Denon Artean Cenlit	Juan Luis Zabala Iñaki Martiarena "Mattin"	Iñaki Martiarena "Mattin"	Euskaraz Jatorrizkoa		2023 Azaroa
2019 IRAILA	Euskaltzaindia, euskararen 100 urteko laguna	Euskaltzaindia	Juan Luis Zabala/Amaia Ballesteros	Amaia Ballesteros	Euskaraz Jatorrizkoa		2019ko Iraila