Marrazkirri
Nafarroa Behereko Oztibarreko Izura herrian 1990 urtetik aurrera Haize Berri Kulturetxean antolatu zen umore-marrazki topaketa da, 2007 urtea bitarte ia 20 urtez antolatu zena eta 2024 urtean berreskuratu dena.
15 urte eta gero, 2024ko otsailean Marrazkirri berriz antolatuko da Nafarroa Behereko Oztibarre eskualdean dagoen Larzabale-Arroze-Zibitzen, zehazki Lartzabalen kokatzen den Ezpeletenia ostatutuan.
Jarduera nagusia umore-marrazkien erakusketa bat da, non edozeinek A3 edo A4 formatuko bere marrazki originalak eskaini ditzaken.
Otsailaren 9an gaualdia antolatuko da 19:30etatik aurrera: Margolaritza, musika eta bertsularitza jadueretaz gozatu ahal izango da eta bertan afaltzerko aukera egongo da.
Irulegiko Irratian elkarrizketa Alain Pessans eta Piarres Erdozaintzi Etxartekin
Elkarrizketak,erakusketak eta beste hainbat jarduera egiten ziren bere baitan.
Euskonews atarian egin zuen Piarres Erdozaintzik 1998 urtea bitarteko topaketen kronika
2007 urtea bitarte 18 topaketa antolatu zituzten.
Herria: Larzabale-Arroze-Zibitze (Ezpeletenia);
MARRAZKIRRI URTEZ URTE
(Atal hau osatzen ari gara, informaziorik badukezu gehitu zerrendara, milesker!)
- 2024: «Bota’zank hori!» da aurtengo gaia
xxxxxxxxxxxxxxxxxxxxxxxxxxxxxxxxxxxxxxxxxxxxxxx
- 2007:otsailaren 23tik martxoaren 24raino egon zen ikusgai erakusketa.
"Heiagora ozenez, goraki luzatzen eta zabaltzen dugu Emil Michel CIORANen adierazpena : “GIZONA, LURRAREN MINBIZIA” Beraz, Ezaxol hutsa bazara, ala alderantziz, lurzale akatsgabea gonbidatzen zaitugu, kolorez edo beltzez, arkatzez, lumaz, pintzelez, markagailuz edo beste edozein lanabesez lurraren alde egitera
20 bat pertsonen marrazkiak ikusi ahal izan ziren erakusketan, egile amateurrak (Janber Iribarne, Alain Pessans, Xabi Lopepe, Eneko Iriart-Arkotxa, Arantxa Idieder...) eta irudigintzan aritzen diren "Marko" Armspach, Asisko Urmeneta, Mikel Duvert, Piarres Erdozaintzi, Jon Manzisidor... Azken urteetan bezala, Donaixtiko Erdozaintzi Etxart ikastegiko ikasleek egindako lanak ere ikusi ahal izan ziren. Gonbidatu berezia Buffalon sortu eta Italian bizi zen Mikel marrazkilaria izan zen.
Peio Gutierrezek «Knossosseko ondarea» komikiaren berri eman zuen. Jon Maia eta Igor Elortza bertsotan eta eta Asisko eta "Marko" irudiginmtzan aritu ziren bat bakotan.
Beñat Bidegainek eta Jean Mari Irigoinek antzerki lan bat egin zuten.
Irudigintza ohiko zeregin ez duten eskualdeko herritarrek parte hartu zuten eta hauekin batera hainbat irudigile: Marko Armspach, Asisko, Irene Borda, Alain Pessans, Janber Iribarne, Claude Labat, Paskal Bourgoin, Louis Codine, Helene Dolhare, Irene Berhokohirigoin, Piarres Erdozainzi, Xavier Dupin, lon Lucas, Mixel Dulhost...
"Mattin"-ek aipamen berezia izan zuen edizo honetan eta bere hamar bat marrazki paratu ziren.
Beste jardueren artean, gazteentzako ikastaro bat antolatu zen eta Roger Idiart eta Patricia Etxepare kantariak, Alkat eta Ezponde bertsolariak eta Gil Haran akordeoilariak parte hartu zuten, eta Haize Berri etxeko kideek testuak irakurri zituzten.
- 1995: Urrutia marrazkilari umoristikoa izan zen omendua.
