Yoon-sun Park

Yoon-Sun Park Hego Koreako Seoul-en 1980 urtean jaiotako komikigile, ilustratzaile eta itzultzailea da.

Diseinu ikasketak egin zituen ikusentzunezkoen arloan Seouleko Unibertsitate Nazionalean .

Hego Korean Saï Comics taldearen baitan aldizkari batean argitaratu zituen 'La porte de la nuit s’entrouvre' lan laburrak.

2008 urtean Angoulêmeko egileen etxean erresidentzia egin zuen eta '"Sous l'eau, l'obscurité" albuma sortzeko prozesuan murgildu zen: 2011 urtean Sarbacane etxeak argitaratu zuen lan hau.

Ordudanik nagusiki Misma argitaletxearen bidez zabaldu ditu bere lanak: 2013 urtean "L'Aventure de l'homme-chien" , "Le Jardin de Mimi"...

Autoedizio bidez ere argitaratu ditu zenbait lan. Itzulpengintzan ere aritua da.

2016 urtean 'Le Club des chats' komiki sailari hasiera eman zion: Angoulêmen 2020 urtean gazteentzako komikigintza kategorian finalista izan zen, erresidentzia berri bat egin ahal izan zuen eta erakusketa batean bildu zituzten bere lanak. 2023 urtean "Le bébé du club des chats" argitaratu zuen.

2021 urtean "Boubou et ses amis" argitaratu zuen, eta 2024 urtetik aurrera euskarazko bertsioa eskuragarri dago urtean A fin de cuentos argitaletxeari esker.

2023 urtean Dupuis etxearekin "L'incroyable mademoiselle Bang !" argitaratu zuen eta gazte Komikigintzako saria irabazi zuen.