Imanol Etxeberria

Imanol Etxeberria, Hernanin 1983 urtean jaiotako diseinatzaile eta ilustratzailea da. Inprimaketa, Argitalpen Diseinua eta Edizioa ikasketak egin zituen eta arlo horretan lanean dirau. Besteak beste, eskoletarako marrazki eta material didaktiko ugari garatu du

Bere lehen publikazio garrantzitsua 'Tesoro y Gloria' rol jokoa izan zen, eta ordutik rol joko gehiago ilustratzen ere aritu da. Rol gaiarekin lotuta 'Tesoritos' komiki laburra sortu zuen, eta 'Makina Maixu' komikiaren egile da Noemi Gallegorekin batera.  

Eneko Azedok sortutako 'Adur' rol jokoaren diseinua eta irudiak egin ditu, Rolaldia eta Beldurrola jardunaldietako kartelak marraztu ditu, Beldurrolan "BBK ez hain live" RPG saioa gidatu du...

Bideojokoen munduan ere parte hartu du, 'Napardeath' filmaren bideojokoaren eta 'Bogholdo Bros.' plataforma jokoaren irudiak eginez.

MAKINA MAIXU

• 2021 martxoan 'Makina Maixu' komiki-zintak ostiralero Rolariak Telegram taldean zabaltzen hasi ziren.

4 binetadun orrialdeetan aurkezten da, bertikalean diseinatuak sare sozialen formatuari egokitua : gaiak era metaforikoan tratatzen dira, gure kulturako erreferentzia zipriztinekin

Urte bereko maiatzean 'Makina Maixu' komiki-zintak sare sozialetan argitaratzen hasi ziren, Twitter-en hasiera batean eta baita Mastodon-en ere.

Ordurarte interneten argitaratutako zintak 2022ko irailean paperean argitaratu ziren . Publikazio honetan MMrpg rol jokoa ere sartuta dago, Rolariak taldean garatutakoa.

• Makina Maixuren abenturek ez zuten sareetan etenik izan eta 2023ko abenduan Durangoko Azokan jarri zen salgai Makina Maixu sailaren bigarren liburukia 'Rolari maltzurrak'

• Sailaren amaiera 2024ko abenduan heldu da eta Durangoko Azokan salgai egongo da 2023ko udazkenetik sailaren amaiera bitarte argitaratutako zintekin osatutako azken liburukia 'Rol Fu-aren amaiera'.

Elkarrizketa Diario Vascon

IMANOL ETXEBERRIAREN SARE SOZIALAK

Instagram

Behance atarian

EUSKARAZ ARGITARATUTAKO KOMIKIAK

Makina Maixu Saila

2022 IRAILA	2023 ABENDUA	2024 ABENDUA	AMAIERARA IRITSI DEN SAILA
ARGITALPENAREN EPEALDIA	ARGITARATZAILEA	GIDOIA	MARRAZKIAK
2022-2023-2024	Egilea editore/Imanol Etxeberria/Noemi Gallego	Imanol Etxeberria/Noemi Gallego	Imanol Etxeberria ale guztietan eta Noemi Gallego 3. liburukian