Iker eta Ixone Bilduma

Ixone eta Iker izaki mitologikoak oraindik gizakien artean ibiltzen ziren garaian euskal herrixka batean bizi diren bi neska-mutiko dira. Ipurtarinak eta ausartak izanik, abentura bila aritzen dira eta beren ibilbidean lamiak, basandereak, Gaizkiñe, Sugaar, herensugea, Gaueko eta besterekin topaketa arriskutsuak izango dituzte. Baina elkarlana eta adimena baliatuz, eta mamarroen eta Txomintxo aztiaren laguntzarekin, onik aterako dira beti.

Gregorio Muru 'Harriet' komikigilearen lehen lanetakoak dira hauek, 70. hamarkadaren amaierakoak. Gidoia eta irudiak Harrietenak dira, baina handik gutxira irudigintza utzi eta gidoilari ibilbide oparoa jorratu zuen Murok.

Iker eta Ixone Ipurbeltz aldizkarian atalka agertu ziren, eta Ereinen eskutik argitaratu ziren liburukietan beraien abenturak: itzulpena izan gabe (Asterix, Tintin...) Euskal Herrian euskaraz sortutako lehenengo komiki albuma izan zen, eta ondoren Erein-ek maiz bildu zituen albumetan Ipurbeltzeko beste istorio batzuk.

2023an Harriet Ediciones etxeak berrargitaratu zituen Iker eta Ixoneren istorioak, hain zuzen 1978 Ipurbeltz aldizkarian atalka eta hainbat liburukitan argitaratutako 'Orrazi magikoa', 'Gaizkiñe' eta 'Zahagi urrea'. Igor Leturiak egin zuen liburuki honen hitzaurrea

Bigarren liburuki batean berrargitaratuko dira 'Lurraren bihotzeraino eta 'Ortzadarreko belarra'

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2023 AZAROA	Iker eta Ixone 1 Iker eta Ixone Bilduma (Berralgitalpena)	Harriet Ediciones	Gregorio Muro Harriet	Gregorio Muro Harriet	Euskaraz jatorrizkoa(1978)		1978 Ipurbeltz aldizkarian atalka eta hainbat liburukitan argitaratutako 'Orrazi magikoa', 'Gaizkiñe' eta 'Zahagi urrea' istorioak (Erein)