Raquel Varela

Raquel Varela 1978 urtean Portugalgo Cascaes-en jaiotako historialaria da, unibertsitateko irakaslea eta ikertzailea, Portugalgo Iraultzaren historian eta XX. mendeko iraultzen historian espezializatua.

40 liburu baino gehiago argitaratu edo editatu ditu, besteak beste, Historia do Povo Revolução Portuguesa 1974-75 (2014), Breve História da Europa (2018) eta Breve História de Portugal (2023). Irratiko eta telebistako programetan parte hartzen du eta dokumentalen gidoilaria da. Hainbat sari jaso ditu; hala nola, Asociación Iberoamericana de Comunicación/Universidad de Oviedo saria, langile eta gizarte mugimenduen historia globalari egindako ekarpenagatik. 2020an, Simone Weil ikerketa-bekaren lehen onuraduna izan zen. Portugalgo Bizi eta Lan Baldintzen Behatokiko lehendakaria da.

2024 urtean, Portugalgo Krabelinen Iraultzaren 50. urteurrenean Bertrand Editora-ren eskutik Raquel Varela historialariak eta Robson Vilalba irdugileak 'Utopia' komikia argitaratu zuten portuguesez: egun berean heldu ziren katalanez eta gazteleraz komiakren bertsioak eta baita euskaraz ere Txalapartaren eskutik 'Herriak du gehien agintzen' izenburupean.

EGILEAREN KOMIKIAK EUSKARAZ

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2024	Herriak du gehien agintzen	Txalaparta	Raquel Varela	Robson Vilalba	Portugesetik itzulia	Eskarne Mujika Gallastegi	2024, aldiberean Portuguesez (Bertrand Editora), katalanez, gazteleraz, euskaraz