Maite Gurrutxaga

Maite Gurrutxaga Otamendi Amezketan 1983 urtean jaiotako marrazkilari eta ilustratzailea da. Komikigintzan ezaguna da Habiak lanaren autorea delako, "Gizona ez da txoria" antzezlanaren gidoian oinarrituta 2014 urteko Ilustrazio arloko Euskadi Saria irabazi zuena.

Arte Ederrak Leioako EHUko Fakultatean eta Bartzelonako UBn ikasi zituen. Bartzelonako Escola de la Donan Ilustrazio ikasketak egin zituen.

Wikipediaren arabera 2008an hasi zen liburuak ilustratzen, eta Joseba Sarrionaindiaren Gau ilunekoak liburua izan zen lehen ilustratu zuena: ondoren etorri ziren Zein beste mundukoa (Karlos Linazasoro), Izarren artzaina (Josu Waliño Pizarro), Ipurtargiak paradisuan(Mariasun Landa Etxebeste) Amattoren uzta(Mayi Ariztia)... azken liburu honetan oinarrituta, 2018an Galtzagorri elkarteak App bat sortu zuen:

Mayi Ariztiak Ipar Euskal Herriko ipuin kontalari zenbaiti entzun eta bildutako ipuinak 1934an argitaratu zituen Baionan Gure herria aldizkariaren gehigarri gisa, eta, ondoren, 1982an, Elkar argitaletxearekin. XXI. Mendean, Galtzagorri Elkarteko Klik-Klasikoak proiektuari esker, Patxi Zubizarretak gaurkotu eta egokitu zituen eta Maite Gurrutxaga ilustratzaileak ilustratu. "Amattoren Uzta app”an Patxi Zubizarreta izan da gidoigile eta Maite Gurrutxagak ilustratu ditu honen animazioak, eszenak eta pertsonaiak istorio horiei interaktibitatea eta animazioa emateko asmoz. Joserra Senperenak sortu die musika, Amaia Hennebutek Patxi Zubizarretarekin batera ahotsa jarri die. Eta Oreka Interactive enpresak egin du garapen informatiko osoa.

Elkar, Txalaparta, Alberdania, Erein... eta beste zenbait argitaletxeentzako egin du lan. Liburuetarako ilustrazioaz gain, aldizkarietarako lan egin du eta diskak, kartelak eta beste ilustrazio lanak egin ditu, baita hotel batetako pareten irudi bidezko diseinua eta Amezketako frontoi berriaren sarrerako beiratea.

HABIAK KOMIKIA

Tolosaldeko Atariari eskainitako elkarrizketa batean kontatu zuen Habiak komikia sortzeko prozesua:

"Orain dela bi urte Dejabu panpin laborategiaren e-mail bat jaso nuen, «Gizona ez da txoria» antzezlana nola edo hala argitaratuta ikusteko gogoa zutela esanez, eta komikia bide egokia iruditzen zitzaien." 

"Komikigintzan lehen aldiz murgildu naiz horrelako proiektu handi batean. Zatirik zailena gidoia egokitzea izan da, erabakiak hartzeko momentua izan baita, baina baita ederrena ere. Lana nire esku egon da; erabakiak hartzea, lengoaiaren bilaketa, moldaketak... Benetako sormen lana eman da orduan."

Bi urteko lan prozesuaren ondoren, 2013 urtean Txalapartak argitaratu zuen komikia eta album honek Ilustrazioko Euskadi Saria jaso zuen 2014an.

Nafarroako komiki azokan erakusketa paratu zuten Habiak komikia osatzen duten akuarela, arkatz, akriliko txuri eta ixipuen laguntzarekin osatutako originalen aukeraketa batekin.

2013. urtean ere Edo! argitaletxearekin «Alderik alde» lan-koadernoa argitaratu zen.

Ondoren ilustratu zituen betseren artean Nora joan da aitona?(Alaine Agirre), Printzesa guztiek dute bere ipuina (Antxine Mendizabal), La enorme nada(María Baranda), Martin(Alaine Agirrerekin, Lazarillo Saria), La inmortal... Tigre batekin bizi argitaratu zuen 2017an (Harkaitz Cano) eta 2018an Inari, Laponiako lore (Joseba Ossa) Cascanueces y el rey ratón (Hoffmanen ipuinia Isabel Hernándezek itzulita)...

2019an Donostian Tabakalerako Kutxa Kultur Plazan "Txori bat lehioan" erakusketa jarri zuten.