2024 URTEKO KOMIKI LEHIAKETAK

EUSKAL HERRIKO KOMIKI LEHIAKETA NAGUSIAK

Hainbat sariketa edo dirulaguntza/beka urte hasieran izaten dira:

• Eusko Jaurlaritza
• Ikastolen Elkartea
• Elkar Ilustrazio lehiaketa
• Portugaleteko Udala
• Bilboko Azkuna Zentroak eta Angulemeko komikigintzako Nazioarteko Egoitzak
• Gipuzkoako Foru Aldundia, 'Egile' sariak.

Beste lehiaketa batzuk urtea amaitu baino lehen ixten dute lanak aurkezteko epea

• Galtzakomik
• Crash Comic

Nahiz eta aurtengo deialdia argitaratu arte ez diren behin betiko baldintzak ezagutu 2025ko deialdiei begira, sortzaileentzat interesgarria izan daiteke aurreko urteetako deialdien eduki orokorrak, baldintzak eta ohiko epeak ezagutzea.

"Epea jada itxita duten lehiaketak" atalean dago 2023an egin ziren deialdi hauei buruzko informazioa.

UDALBILTZAREN GEURETIK SORTUAK EGONALDI ETA SORMEN BEKA

EPEA Geuretik Sortuak ekimenaren hirugarren edizioaren beka deialdia urriaren 23tik azaroaren 25 arte zabalik egongo da. Hirugarren edizio honek arte alorren artean komikigitza ere hartzen du kontuan: literatura, zinegintza eta antzerkigintzako lanez gain, komiki lanak ere diruz lagunduko dira. OINARRIAK Aurki Komikipedian komikien atalari dagokion gako nagusiak laburtuko ditugu, baina gogoan izan beti ere Udalbiltzak argitaratutako oinarriak direla legezko erreferentzia bakarra

Galtzakomik

2024 urtean 17. urtez antolatu da Ibarran Galtzakomik lehiaketa, euskara hutsean Euskal Herrian antolatzen den bakarra. Galtzakomik Galtzaundi Euskara Taldeak eta Ibarrako Udalak elkarlanean antolatzen dute. Egileen jatorria ez da muga, lanak bakarka edo taldean aurkeztu daitezke. komikiek landu beharreko gaia ANIZTASUNA izango da. 2024 urteko Kategoriak: 9 urtera artekoena (2015an jaiotakoak barne). 10-12 urte bitartekoena (2014ean eta 2012an jaiotakoak barne). 13-16 urte bitartekoena (2011n eta 2008an jaiotakoak barne). 17 urtetik gorakoena (2007an jaiotakoak barne). 2024ko EDIZIOAN KOMIKIAK AURKEZTEKO AZKEN EGUNA: Azaroak 20 Oinarriak

CRASH COMIC
ARABAN BIZI DIREN GAZTEEENTZAT

	Crash komik soilik Araban bizi diren edo bertan ikasten edo lanean ari diren 30 urte bitarteko gazteentzat antolatzen den lehiaketa da: A Modalitatean 12 eta 17 urte arteko gazteek har dezakete parte, B Modalitatean 18 eta 30 urte artekoek.(garai batean 35 urte artekoek ere parte hartu zezaketen) Lanak aurkezteko azken eguna: azaroak 1 OINARRIAK

SORMEN DIGITALEKO
PROIEKTUAK GARATZEKO BEKA DEIALDIA

Bekaren ordainsari ekonomikoa 10.000€koa izango da eta 2025eko Loraldia Festibalaren egitarau barruan plazaratuko da lana. Kultura arlo guztiak onargarriak dira: musika, arte eszenikoak, arte plastikoak, dantza, komikigintza, bertsolaritza, gastronomia, rol jokoak, Interneteko baliabideak, audioa … Beka irabazleak 12 hilabete (2024ko abendutik 2025eko abendura) izango ditu proiektua martxan jartzeko. Loraldiak baliabideak jartzeko konpromisoa hartuko du, sortzailearekin akordio (aurrekontua eta kultur edukiak zehaztuz) bat sinatu ondoren. ESKAERAK AURKEZTEKO EPEA' Aurkezteko lehen eguna: 2024ko irailaren 10a. Aurkezteko azken eguna: 2024ko urriaren 18a. OINARRIAK

ESKAERA EPEA ITXITA

EUSKAL IDAZLEEN EGONALDIA
HENDAIA ETA PASAIAN

Hamalaugarren urtez segidan, Euskal kultur erakundeak, CPIE Euskal Itsasbazterrak eta Euskal Idazleen Elkarteak euskarazko literatura sorkuntza egonaldi bat proposatzen dute. Egonaldia euskal egile guziei zuzendua da eta literatur mota guztietako lanak onartzen dira, komikia barne. Deaialdiaren irabazleak 2024ko urriaren eta abenduaren artean, hilabete batez Abbadia Eremuko Nekatoenea etxean eta beste hilabete batez Pasai Donibaneko auzoaren erdi-erdian kokatua den Hugoenea etxean apartamendu bat izanen du Bere esku eta 3000 euroko dirulaguntza ukanen du Hautagaitzak aurkezteko epea: 2024ko uztailaren 4ean itxi zen. OINARRIAK

IKASTOLEN ELKARTEKO KOMIKI LEHIAKETA

Hirugarren urtez Ikastolen Elkarteak komiki lehiaketa antolatu du Lanak aurkezteko azken eguna 2024ko maiatzak 31 izan zen. 14-16 urte bitarteko gazteei zuzendua dago lehiaketa (ez da derrigorrezkoa ikastola bateko ikasle izatea). Bakarka edo taldean egin zitezkeen komikiak. Gaia: Euskaldunak eta itsasoa. Bineten txantiloiak jarri dituzte eskuragai Oinarriak IRABAZLEAK ‘Gaztelugatxeko itsaslamina’ lanak irabazi du Euskal Herriko Ikastolen Komiki Lehiaketako laugarren edizioa: Trapagarango Itxaropena Ikastolako Bera Arroyo, Ane Figuero eta June Abarrategi ikasleak dira egileak, eta euren lana ‘Xabiroi’ komiki aldizkarian argitaratuko da urriko zenbakian.

ANTOLATZAILEAK	Portugaleteko Udala.	INFORMAZIO GEHIAGO	2024 URTEKO EDIZIOKO OINARRIAK
LANAK AURKEZTEKO EPEA	Lanak aurkezteko epea 2024ko maiatzaren 3an bukatu zen.	FORMATUA	KOMIKIA: komiki kategoriako lanek launa orrialde izango dute, behar bezalako errotuluak daramatzatela, zenbaki eta guzti. DIN A-4 neurrikoa izango da, edo horren heinekoa, eta formatua, azkenik, bertikala. Inprimaturik aurkeztuko dira. KOMIKI BANDA: komiki banda kategoriako lanek, behar bezalako errotuluak daramatzatela, 19 x 8 cm-ko tamaina izango dute, edo horren heinekoa, eta horizontalak izango dira. Bineta bitan edo gehiagotan bana daitezke. Inprimaturik aurkeztuko dira.
LEHIAKIDEEN JATORRIA	Ez dago jatorri mugarik. Portugaleteko egile onenari Akzesita: 300 € eta trofeoa	HIZKUNTZAK	Euskaraz edo gazteleraz aurkeztu daitezke lanak kategoria guztietan. Akzesita, euskarazko egile onenari: 300 € eta trofeoa

KOMIKIGINTZAN NAZIOARTEKO EGOITZA

Frantziako Estatuan, Espainiako Estatuan edo Kanadako Estatuan bizi diren sortzaileentzat edo Estatu horietako nazionalitatea dutenentzat. Proiektuan parte hartu ahal izateko, hautagaiek gutxienez bi urteko praktika artistikoa izan behar dute. • Egile bakoitzari 4.500 euro edo 6.000 dolar gordin ordainduko zaie, egonaldien iraupena estaltzeko. • Mediku-aseguruak eta bestelakoak kontratatzea hautatutako egileen erantzukizuna da, ez beste inorena. • Egileak egonaldietara egindako joan- etorrien gastuak barnean hartuta daude. EGONALDIAK Egonaldi gurutzatuen programa hau jarraian garatuko da Anguleman, Bilbon eta Quebecen 2025eko urtarrilaren amaiera eta apirilaren amaiera bitartean. Hiri bakoitzean ekipatutako pisu bat –bakarka edo partekatua– eskuragarri izango dute, eta, partekatutako ostatua bada, barruan, egile bakoitzarentzako banakako gela bat. Partekatuko lan-tailer bat ere erabili ahal izango dute. PROIEKTUAK AURKEZTEKO EPEA : 2024ko maiatzaren 12an amaiatu zen. ESTATU ESPAINIARREAN BIZI DIREN KOMIKIGILEENTZAT Oinarriak ESTATU FRANTZIARREAN BIZI DIREN KOMIKIGILEENTZAT Oinarriak

NAVARRO VILLOSLADA LITERATURA SARIA:
ARGITARATU GABEKO LANEN SORKUNTZA SUSTATZEKO LEHIAKETA

Lehiaketak Foru Komunitateko sorkuntza literarioan lan bat euskaraz eta beste lan bat gazteleraz saritzea du helburu, eta lan saritua genero hauetakoa izan daiteke : poesia, antzerkia, komikia eta nobela grafikoa, entsegua eta haurren zein gazteen literatura. 15.000 euroko sari bat emango da gaztelaniazko modalitatean eta 15.000 euro euskarazko modalitatean. Bi modalitateetako bakar batean aurkeztu ahal izango da lana: gaztelaniaz edo euskaraz. Nafarroan jaiotako edo Nafarroan 2024ko urtarrilaren 1a baino lehenagotik erroldatutako adin nagusiko edozein pertsona fisiko aurkezten ahalko da sariketara. LANAK AURKEZTEKO AZKEN EGUNA: Maiatzak 30. Lanak originalak eta argitaragabeak izan behar dute: ezin izanen dira aurkeztu argitaratuta dauden lanak, paperean edo beste edozein bitartekotan, ez eta blogetan edo sare sozialetan argitaratutakoak eta autoargitaratutako lanak ere. Lanak ezin izanen dira aurretik sarituak izan ezein lehiaketa nazional edo nazioartekotan, ez eta aurkeztuta egon ere beste lehiaketa batean, horren epaia deialdi hau ebatzi aurretik plazaratu behar bada. Lanaren egile-eskubideak hirugarrenei laga gabe egonen dira, eta etorkizunean lagatzeko konpromisoa hartu gabe ere. Hedadurari dagokionez komikian eta nobela grafikoan, orri kopurua gutxienez 40koa izango da (nobelen kasuan 200, 100 nobela laburren kasuan; antzerki lanetan, 70; entseguan, 150; poesian, 500 bertso;) Komiki eta eleberri grafikoaren kasuan, DIN A4 formatuan aurkeztu beharko dira orrialde solte eta zenbakituetan, zuri-beltzean nahiz koloretan. Kultura Zuzendaritza Nagusia – Vianako Printzea Erakundeak hiru urtetan zehar bakarrik izango lituzke erreprodukzio, banaketa nahiz komunikazio publikorako eskubideak sorkuntza saritu horiek argitaratzeko eta egileak 15.000 euroko sari bat jasoko lukete; sariaren zenbatekoak argitalpenari dagozkion egile-eskubideak estaliko lituzke. Laburpen honek helburu informatiboa du, lehiaketari buruzko informazio zehatza: Oinarriak Nafarroa.eus Webgunean. Lanak maiatzak 30 arte aurkeztu ahal dira modu telematikoan Erregistro Elektroniko Orokorraren bidez edota aurrez aurre, Nafarroako Gobernuaren edozein Erregistrotan.

KOMIKIAK SORTZEKO
EUSKO JAURLARITZAREN DIRU LAGUNTZA DEIALDIA

	ESKAERAK AURKEZTEKO EPEA ITXITA': 2024ko otsailaren 16. 2023ko abenduan Eusko Jaurlaritzako Gobernu Kontseiluak 105.000 euroko partida bat onartu du 2024ko ekitaldian komiki, eleberri grafiko edo irudidun albuma osatzen duten ilustrazioak sortzeko prozesuei laguntzeko dirulaguntzak emateko Oinarriak eta eskaerak egiteko inprimakiak

14. ELKAR ILUSTRAZIO ETA IPUIN LEHIAKETA

16. ELKAR ILUSTRAZIO ETA IPUIN LEHIAKETAren baitan Komiki kategoria DBH 3 eta 4ko ikasleei zuzendua dago. Gazteek bi aukera dituzte: Raquel Samitierrek hasitako komikiari jarraipena ematea edota beronen gaia mantenduz (Mezutxo bat botilan) komikia hasieratik sortzea. Komiki edo binetak eskuz zein ordenagailuz sortuak izan daitezke eta euskaraz idatziak izan behar dute. Teknika eta materiala guztiz libreak izango dira, baina komikia edo bineta A4 tamainako orrialde bakar batean entregatu beharko da. Parte hartzaile bakoitzak komiki edo bineta bakar bat aurkeztu ahal izango du. 2024 urteko Oinarriak Lanak jasotzeko azken eguna martxoaren 22a izango da. - Edozein Elkar liburu-dendetan entrega daitezke. - Postaz bidaltzeko: Ilustrazio eta Ipuin lehiaketa; Euskal kulturgintza S.A- Haizpea Poligonoa, 1 20150 Aduna - Komikia eskaneatu daiteke eta postdata.elkar.eus atarira igo