Alex Sanvi

Álex San Vicente 'Sanvi' Portugaleten jaio zen 1970 urtean. Arte Ederrak ikasi zituen.

Marrazki bizidunen arloan lan egin zuen Merlin produkzio-etxean.

'El Balanzin', 'Mister K', 'Xabiroi', 'Buenafuente' eta Astiberriren 'Trama' aldizkarietan argitaratu ditu komikiak, baita ere 'L’Inedit' eta 'Spirou aldizkarietan.

Beste autore batzuekin 'Cambio Climático' eta 'Dos Veces Breve especial Euskadi' lanetan pate hartu zuen. Koldo Azpitarte eta beste gidoilariekin lan egin izan du.

Frantzian 'L´Étrange Cas du docteur Jekyll et de Mr Hyde' lanean koloreztatze lanak egin zituen.

2007an hasi zen Xabiroi Aldizkarian komikiak argitaratzen, azaroko 10. alean, Unai Iturriagaren gidoia duen 'Haur Besoetakoa' sailarekin, eta hurrengo zenbakitik aurrera, 2008ko Otsailetik, 'Auzomorro' atalaz arduratzen hasi zen ere, hasieran eta ale solte batzuetan Guakaipuroren gidoiekin eta azken urtetakoetan Sanviren gidoi propioekin.

Xabiroin istorio labur hauek ere argitaratu ditu: 'Turistak' (2008ko Maiatza, 12. zenbakian) 'Lauburu Sarjentua' (2009 Otsaila, 15. zenbakian) eta 'Bushido' (2014ko abendua, 34 zenbakian)

Unai Iturriagarekin 2011 urtean 'Udaberririk ankerrena' komikia egin zuen, Durangok Gerra Zibilean jasan zituen bonbardaketak gaitzat hartuta 'Durango 1936' Kultur Elkartearen ekimenez.

2014 urtean argitaratu zen albumean 'Haur besoetakoa: Litxarrerien jauna', 2007ko azarotik 2012ko otsailera Xabiroi aldizkarian argitaratutako atalen bilduma.

2018ko urrian kaleratu zen Haur Besoetakoa sailaren album berria: Paristik datorren artista.

2019ko otsaileko Xabiroi aldizkariaren 51. zenbakian 'Haur Besoetakoa' pertsonaiaren komikien istorioekin osatutako 3. istorio zikloari hasiera eman zioten Iturriagak eta Sanvi-k.

2022an argitaratu zen 'Itsasoan urak handi' Haur Besoetakoa Sailaren 3. liburukia, eta urte berean berrargitaratu zen ere 'Udaberririk ankerrena' komikia.

2021/2022 ARTXIPELAGOA PODCAST-A ETA KOMIKI DIGITALA, 2023 PAPEREAN

"Artxipelagoa" EITBPodkast plataformarako Ulu Mediak ekoitzitako telesaila da. Ulu Media 2020. urtearen amaieran jaiotako ekoiztetxea da. Kazetaritzan, literaturan eta zineman eskarmentu handia duten bost lagunek osatzen dute: Oier Aranzabalek, Xabier eta Martin Etxeberriak, Cristina Tapiak eta Juan G. Andresek.

Bigarren denboraldia hastearekin batera, Xabier eta Martin Etxeberria anaiek komiki formatura egokitu zuten gidoia eta Alex San Vicente ilustratzailearen eta Sedyas koloristaren elkarlanean komiki digitala eta papereko bertsioa sortzen hasi ziren.  prozesu honen amaieran, Donostiakulturak ekoitzitako 'Ispilu beltza' saioan elkarrizketatu zituzten "Sanvi"  eta Xabier Etxeberria. Bertan Etxeberria anaiek Podcast formatutik komikira gidoia egokitzeko ibilbidea kontatzen da, "Sanvi" eta Sedyasen 9 hilabeteko lana pertsonaiak eta istorioa irudietara egokitzeko...

EITBren enkargua istorioa gazteei zuzentzea, eta Etxeberria anaien hitzetan "lan zail bezain ederra" izan zen entzule helduari zuzendutako Podcast-arekin alderatuta komikietan pertsonaiak gaztetzea eta jatorrizko istorioan ageri ziren indarkeria, sexua... eta beste aldagai batzuk beste modu batera kontatzea.

2022ko udazkenean jarri zen eskuragarri lehen denboraldiko kontakizunari dagokion komiki digitala. Komikiapp aplikazioan irakurri daiteke, EITB-ren komiki digitalen eskaintzak eskuragarri jartzeko aplikazioa: aplikazioa CodeSyntax-ek garatu du, besteren artean Sustatu ataria eta Egunean Behin jokoaren egileak dira. EITBren komiki aplikazio honen lehen bertsio bat 2022ko martxoan argitaratu zen, 'Irabazi Arte' web-sailaren komiki bertsio gisa (gidoia Nerea Loiola, irudiak Aitziber Alonso), eta abenduan aplikazioa komiki digital gehiagoren biltoki bihurtu da.

Elkar argitaletxearen eskutik irailean merkaturatu da Artxipelagoa komiki albuma.

Komikiaren aurkezpenari buruzko artikuluak Diario Vascon, Naiz atarian, bideoa kultursharean

2023 urteko urriko Xabiroi aldizkariko 69. zenbakian Haur Besoetakoa sailaren istorio berri bat hasi zen.

Euskaraz argitaratutako komikiak

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2023 IRAILA	Artxipelagoa komiki liburua	Paperean Elkar Digitalean EITB	Martin Etxeberria Garro Xabier Etxeberria Garro	Alex Sanvi KOLOREA Sedyias	Euskaraz		2021 Podcast formatuan 2021 Komiki Digitala 2023 Paperean
2022 BERRARGITALPENA	Udaberririk ankerrena	Elkar (Durango 1936 Kultur Elkartearen ekimenez)	Unai Iturriaga	Alex Sanvi	Euskaraz jatorrizkoa		2011 jatorrizkoa
2022 IRAILA	Itsasoan urak handi Haur Besoetakoa Saila 3	Ikastolen Elkartea/Xabiroi	Unai Iturriaga	Alex Sanvi	Euskaraz Jatorrizkoa		Hasiera 2019ko otsaileko Xabiroi aldizkariaren 51. zenbakian, azken atala 2021 urrian, aldizkariaren 61 zenbakian
2018 10 URRIA	Paristik datorren artista Haur Besoetakoa Saila 2	Ikastolen Elkartea/Xabiroi	Unai Iturriaga	Alex Sanvi	Euskaraz Jatorrizkoa		Hasiera 2015eko urrian, Xabiroi aldizkariaren 37. zenbakian eta ondoren atalka 38,40,41,43,45 zenbakietan eta amaiera 2018ko urriko 46. zenbakian.
2014 URRIA	Litxarrerien Jauna Haur Besoetakoa Saila 1	Ikastolen Elkartea/Xabiroi	Unai Iturriaga	Alex Sanvi	Euskaraz Jatorrizkoa		2007ko azaroan hasiera Xabiroi aldizkariaren 10. zenbakian eta ondoren atalka 17,19,21,22,28, 30 zenbakietan eta amaiera 2014ko urriko 33. zenbakian. Albumerako azken orrialde bat sortu zuten espreski)
2011	Udaberririk ankerrena	Elkar (Durango 1936 Kultur Elkartearen ekimenez)	Unai Iturriaga	Alex San Vicente Sanvi	Euskaraz jatorrizkoa		2011
GUZTIRA : 5 KOMIKI EUSKARAZ

KOMIKI DIGITALA

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2022 12 ABENDUA	Artxipelagoa	EITB	Martin Etxeberria Garro Xabier Etxeberria Garro	Alex Sanvi KOLOREA Sedyias	Euskaraz		2021 Podcast formatuan 2021 Komiki Digitala 2023 Paperean

http://alexsanvi.blogspot.com.es/