Julen Gabiria

Julen Gabiria Lara Galdakaon 1973 urtean jaiotako idazle eta itzultzailea da.

Soziologian lizentziatua eta enpresa zientzietan diplomatua da eta lanbidez itzultzaile administrazio publikoan.

Zenbait ipuin bildumatan argitaratu dira bere lanak: 'Euskal idazleen ipuin erotikoak' (Txalaparta, 1998), 'Bilbao: ipuin biltegia' (Alberdania, 2000), 'Bero hezeak' (Txalaparta, 2001), 'Marihuanazko bufandak' (Txalaparta, 2002), 'Ipuin izugarriak' (Elkar, 2004)...

2000 eta 2002 urteen artean gidoigintzan aritu zen ETBko 'Hasiberriak' eta 'Baietz gogoratu' produkzioetan. Urte batzuk beranduago Hortzmuga antzerki taldearekin zenbait kolaborazio egin ditu gidoigintzan.

Igartza saria bitan irabazi zuen:  2000. urtean 'Connemara gure bihotzetan' eta  2004. urtean 'Han goitik itsasoa ikusten da' plazaratu zituen Elkar argitaletxearen bidez.

2005 eta 2006 urteen artean "Lagun batek esan dit lagun batek esan diola" webgunean aritu zen blogari. Hainbat euskal hedabidetan lankidetzak egin ditu.

2011. urtean 'Nire aita ikusezina da' argitaratu zuen.

Itzulpengintzan, beste lanen artean, ingelesetik euskarara ekarri ditu J.M. Barrieren 'Peter Pan in Kensington Gardens' eta 'Peter and Wendy', Neil Gaimanen "Coraline", Arnaldur Indridason islandiarrraren 'Hilobiko isiltasuna' .... Shakespeareren sonetoetan oinarritutako L.O.V.E antzerki obraren gidoian parte hartu zuen. Gazteleratik Ander Izagirreren 'Plomo en los bolsillos' eta 'Mi abuela y diez más ' itzuli ditu euskarara.

KOMIKI ITZULPENAK

2202 MAUS

2022 urtean Astiberrik Julen Gabiriari enkargua egin zion euskarara ekartzeko ‘Maus: A Survivor's Tale’ komikia; Art Spiegelman suediar/estatubatuarrak 1980 eta 1991 urteen artean ‘Raw’ komiki aldizkarian atalka argitaratutako istorio honek 1992 urtean Pulitzer sari bat jaso zuen lehen komikia izan zen.

Eleberri grafiko hau komikigilea eta Vladek haren aitaren arteko elkarrizketetan oinarritzen da, aitak kontzentrazio-esparru batean bizi izandakoak hizpide dutela.

Itzulpen lana egiten ari zen bitatean Binke aldizkariak Julen Gabiria elkarrizketatu zuen argitalpen honen arira.

* Artikulua Berrrian

* Julen Gabiria-Euskadi Irratiko Arratsean saioan

2023 PALESTINA, 2024 GERRA GAZAN:SACCOREN KOMIKIAK EUSKARAZ

Astiberrik Joe Saccoren 'Palestina' komiki-euskaraz argitaratzeko eskubideak lortu zituen eta Gabiriak ekarri zuen euskarara. 2023ko Durangoko Azokan aurkeztu zen lan hau.

Naiz hedabidean

Noticias de Gipuzkoan

2023ko abenduan Fantagraphics argitaletxeko Gary Groth-ek Joe Saccori idatzi zion Gazan gertatzen ari zen sarraskiaren aurrean kulturgintzatik zerbait egiteko beharra sentitzen zuela adieraziz. Saccok bere hausnarketa batzuk komikiratzeko proposamena luzatu zion: horrela 2024ko urtarrilaren 26ean The Comic Journal atarian genozidioaren aurkako eta su etenaren aldeko testu bat argitaratu zen, Saccoren komiki batzuekin.

Ondoren 32 orrialdeko paperezko argitalpenean jaso ziren Saccok Gazako sarraskia aurrera egin ahala sortutako komiki sorta, eta Astiberrik euskaraz argitaratu zuen 2024ko abenduan.

EUSKARARA ITZULITAKO KOMIKIAK

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2024 12 ABENDUA	Gerra Gazan	Astiberri	Joe Sacco	Joe Sacco	Jatorrizkoa ingelesez	Julen Gabiria	2024 01 The Comic Journal webgunean eta ondoren Fantagraphics-ek paperean argitaratu du.
2023 12 ABENDUA	Palestina	Astiberri	Joe Sacco	Joe Sacco	Jatorrizkoa ingelesez	Julen Gabiria	1993–1995 atalka 9 zatitan eta 2001 urtean liburuki bakarrean, Fantagraphics Books.
2022 12 ABENDUA	Maus	Astiberri	Art Spiegelman	Art Spiegelman	Jatorrizkoa ingelesez	Julen Gabiria	1980–1991 urteen artean atalka Raw aldizkarian, 1991 urtean liburuan Pantheon Books