Iñaki Holgado

IÑAKI HOLGADO

Iñaki G. Holgado Errenterian 1971an jaiotako ilustratzaile, marrazkigile eta komikilaria da. Gemo ezizena ere erabili izan du.

Donostia Kulturak prestatutako 2000-2009 hamarraldiko komikiei buruzko irakurketa gidan, Iñaki G. Holgadoren biografian kontatzen da hamabi urte baino gehiagoz animazio lanak egin zituela.

'Black is Beltza' animazio pelikularako lan egin zuen, eta filmaren prentsa dossierran bere ibilbideari buruzko xehetasun gehiago ematen dira: "20 urterekin Irungo Dibulitoon estudioan hasi zen lanean, hainbat ekoizpenetan. Bereziki pertsonaien diseinuan eta storyboarder gisa aritu da, honakoetan: Supertramps, Alex y Alexis, Maroons, Glup, Cristobal Molón. " "2015ean berriro itzuli zen mundu horretara LOTURA estudioarekin, eta 'Nur eta Herensugearen Tenplua'-rentzat fondoak egin zituen" eta lan berdina egin zuen aipatutako 'Black is Beltza'n.

Gainontzean publizitate-estudioekin edo haurrentzako ikus-entzunezko produktuekin aritzen diren argitaletxeekin (Dimensión,Herederos de Rowan, Supperstudio, Arista, Euskalcom, Elkar, APC…) jardun du lankidetzan."

KOMIKIGINTZA

Tebeosfera atariaren arabera, 90.hamarkadatikaurrera bere komikiak hainbat aldizkaritan argitaratu izan dira: Aleta etxeko aldizkariak, Ipurbeltz, El Balanzin, Heavy Metal (USA), Spirou (Belgika), Penthouse Comix, Gotham, Z eta Xabiroi: azken aldizkari honetan Harkaitz Canorekin osatu du sormen bikotea, eta aldizkarian atalka argitaratzeko 4 istorio luze osatu dituzte, 2005 eta 2019 artean, albumetan merkaturatu direnak. Frantzaiar merkatuan maiztasunrez argitaratzen du, Marko komikigilearekin elkarlanean. 2020ean Elkanori buruzko komikia argitaratu zuen.

2000 urtean Joseba Basaloren gidoiaz 'Villapardillo' komikia argitaratu zuen eta 2003 urtean 'Tony Danger y compañía' pertsonaiaren eta beste istorio laburren bilduma, Joseba Basaloren gidoiekin berriz ere; istorio hauek  lehenik Heavy Metal aldizkari iparramerikarreko ale ezberdinetan agertu ziren.

2004 urtean Iñaki G. Holgadok 'Homocánido' komikia sortu zuen, gidoi eta marazki propioekin lehen aldiz.

Aletak argitaratu zituen lan guzti hauek.

2005ean Xabiroi aldizkariko lehen zenbakirako sortu zuen Canorekin elkarlanean 'Piztia Otzanak' lana.

Frantziar merkatuan maiztasunez egiten du lan, eta bere irudiak agertu ziren Muraille (2007-2008, ale bat urte bakoitzean) eta Retine sailetan adibidez(bi ale, 2012 eta 2013an bana).

2014ean 'Aio Zitelli' lanaren irudiak egin zituen Frédéric Bertocchiniren gidoiarekin-, Markok egin zuen Storyboard-a, eta Nuria Syagok koloreztatu zuen; Albiana etxeak argitaratu zuen frantsesez eta Aletak gazteleraz. Euskaraz Xabiroi aldizkarian "Gaitzeko berria" istorioa irakurri daiteke 2014ko abenduko 34. zenbakian.

2016 eta 2018 urteen artean 'Verdun' sailean lan egin du ere: gidoiak Jean-Yves Le Naourenak dira, Markok storyboard-a egin zituen eta irudiak Holgadorenak dira. 3 aleak frantsesez Bamboo etxeak argitaratu zituen lehenik eta gazteleraz Yermo argitaletxeak.

2019an Jean Moulin Frantziako erresistentziako buruzagiari buruzko komikian hartu zuen parte, "Les Compagnons de la Libération" sailaren barne Jean-Yves Le Naour gidoilariarekin (Bamboo-Grand Angle)

Sariak

2013 urtean Iñaki G. Holgadok 'Retine' lanari esker kortsikako Ajaccio hiriko komiki azokan " Decouverte " saria jaso zuen eta 2014ean azoka berean Publikoaren Saria jaso zuen 'Aio Zitelli' komikiari esker.

Komikiak Euskaraz

Iñaki G. Holgadoren ibilbidea euskarazko komikigintzan Ipurbeltz eta Xabiroi aldizkariei lotua dago: 2005eko Ekainean Xabiroi aldizkariaren lehen zenbakian hasi zen atalka agertzen 'Piztia Otzanak' komikia, Harkaitz Cano gidoilariarekin elkarlanean eginda: album gisara 2008an kaleratu zen. Harkaitz Canorekin Zebra efektua (2013) eta Museo Bilduma (2016)komikiak sortu ditu. Urte horretako Getxoko Komiki Azokan erakusketa ezarri zuten komikiaren sormen prozesuari buruz.

'Amets Alokatuak' 2017-2019 Xabiroin atalez atal eta albuma

2017ko ekainean Xabiroi aldizkariko 44 zenbakian Amets Alokatuak saileko lehen alea argitaratu zen, Harkaitz Canorekin elkarlanean berriz ere. 2019ko maiatzeko 51. alean amaitu zen istorioa.

Ikastolen Elkarteak Xabiroien atalez atal agertu izan diren komikiak album batean argitaratzen ditu urtero, eta Amets Alokatuak izan zen 2019ari dagokiona: albuma urriaren 10ean aurkeztu zen Donostiako Tobacco Days Liburudendan

Creanavarra eskolan animazio eta bideojokoei buruzko asignaturetan klaseak ematen ditu, zehazki argiari eta koloreari buruzkoak.

Etxeberria anaien 'Valerium tremens' gazte literatur saileko liburuen ilustrazioak egin ditu.

COVID19 pandemia garaian Astiberriren 'Lecturas a domicilio' komiki digitalen bilduman argitaratu zen bere lan bat.

2020: Elkano, album berria euskaraz

Gipuzkoako Foru Aldundiaren enkarguz 2020ko azaroan Álber Vazquez eleberri historikoen idazle eta herrikidearen gidoiarekin Elkanori buruzko komikia osatu zuen eta Gipuzkoako Foru Aldundiak eman zuen argitara. PC DelaFuente marrazkilari madrildarraren laguntza izan zuen marrazkiekin eta kolorea Angel Espinosarena da.

2020an Xabiroi aldizkariko abenduko alean 'Gailur dardartia' komiki laburra argitaratu zuen Harkaitz Cano gidoilariarekin batera berriz ere.

Elkarrizketa Oarsoaldeako Hitzan

EUSKARAZ ARGITARATUTAKO KOMIKIAK

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2022 12 ABENDUA	Legazpi eta Urdaneta. Itzulbide bila	Gipuzkoako Foru Aldundia	Álber Vazquez	Iñaki Holgado/Pc. Delafuente/kolorea: A.Espinosa	Jatorrizkoa gazteleraz	Miel Angel Elustondo Etxeberria	2022ko abenduan, gazteleraz eta euskaraz aldiberean
2020 11 AZAROA	Elkano, mundua beletan	Gipuzkoako Foru Aldundia	Álber Vazquez	Iñaki Holgado/Pc. Delafuente/kolorea: A.Espinosa	Jatorrizkoa gazteleraz	Miel Angel Elustondo Etxeberria	2020ko azaroa, gazteleraz eta euskaraz aldiberean
2019 10 URRIA	Amets alokatuak	Ikastolen Elkartea/Xabiroi	Harkaitz Cano	Iñaki Holgado	Euskaraz Jatorrizkoa		2016ko otsaileko Xabiroi aldizkariko 39. zenbakian agertu zen lehen atala eta 2019ko otsaileko 51. zenbakian azkena
2016	Museo Bilduma	Ikastolen Elkartea/Xabiroi	Harkaitz Cano	Iñaki Holgado	Euskaraz Jatorrizkoa		2012ko ekainetik 2015eko ekainera argitaratu zen atalka Xabiroi aldizkarian (26. zenbakitik, 36. zenbakira)
2013 10 URRIA	Zebra efektua	Ikastolen Elkartea/Xabiroi	Harkaitz Cano	Iñaki Holgado	Euskaraz Jatorrizkoa		2008ko Urritik 2011ko Ekainera argitaratu zen atalka Xabiroi aldizkarian (13. zenbakitik, 23. zenbakira)
2008 04 APIRILA	Piztia Otzanak	Ikastolen Elkartea/Xabiroi	Harkaitz Cano	Iñaki Holgado	Euskaraz Jatorrizkoa		2005eko Ekainean Xabiroi aldizkariaren lehen zenbakian hasi zen atalka agertzen, eta azken atala 2017ko urrian 9. aldizkarian argitaratu zen.
GUZTIRA : 6 KOMIKI EUSKARAZ

AUTOREARI BURUZKO INFORMAZIO GEHIAGO

Autorearen Facebook-a