Txikiberri Argitalpen-zigilua

2020 ASTIBERRI INFANTIL/TXIKIBERRI ARGITALPEN-ZIGILUA

Helduentzako komikigintza eta eleberri grafikoa kontzeptuaren inguruko lanak izan dira Astiberriko ardatza, baian bere ibilbiean zehar haur eta gaztetxoentzako zenbait komiki argitaratu izan ditu (ikus artiluku honen amaieran): haur eta gazte literaturan emandako benetako pausua 2020 urtean iritsi zen, Astiberri infantil/Txikiberri bildumaren sorrerarekin.

Astiberri argitaletxearen eskutik Astiberri Infantil/Txikiberri bilduma izenpean 2020ko martxotik aurrera gazteleraz, euskaraz eta katalanez haurrentzako komikiak argitaratzeko proiektua jarri zuten martxan: COVID19 egoera dela eta ez da erraza izan argitalpenen martxa zehaztea, baina Astiberrik azkenean lortu du aurreikusitako album guztiak kaleratzea. Lehen alea maiatzaren 28an iritsi zen liburudendetara, Adrien Albert autorearen 'Claude eta Morino 1. Madarikazioa' komikia; uztailean Martín Romeroren "Uxío" argitaratu zen, urrian merkaturatuko da Romain Pujol eta Vincent Caut autore frantziarren Biga 1. Benetan identifikatu gabeko animalia eta azaroaren 19an Emily Tetriren "Tiger Vs. Nightmare" (8 urte azpikoentzako mailan Eisner Sari bat jasotakoa). Komiki hauetako batzuk sail baten lehen alea izan ziren, 2021 urtean argitaratu ziren 'BIGA' eta 'Claude eta Morino' sailen 2. liburukiak, beraz oso argitalpen interesgarriak izan daitezke haur literaturaren munduan pertsonai identifikagarriek eta "sagek" duten garrantzia kontuan hartuta. Argitaletxearen arabera, 6 urtetik gorako haurrei zuzenduta dago bilduma

`Claude eta Morino´ komikiaren kaleratzearen arira, Imanol Mercerok 'Claude eta Morino' komikiari buruzko iruzkina egin zuen Berrian "Olatu berria ote dator?" izenburupean, eta Astiberrik irekitako bideari buruzko hausnarketa egin zuen, haurrentzako bereziki sortutako komikikiak hizpide hartuta.

Txikiberri bilduma saileko bigarrena 'Uxío' komikia izan zen, uztailean argitaratua

Martín Romero galiziarrak sortu dituen istorioek "mutiko baten abentura eta gorabeherak umorez, poesiaz eta bizitasunez jasotzen dituzte, pare bat orrialdetako kontakizun laburretan bildurik. Horietakoren batean, parte hartzeko ere eskatuko dio irakurleari."

Jatorrizkoa galegoz 2019an A Coruñako Diputazioak ematen duen Castelao komiki saria lortu zuen, haur eta gazteentzako atalean.

Udazkeneko haurrentzako komikiak Romain Pujol eta Vincent Caut autore frantziarren eskutik eta AEBtako Emily Tetriren eskutik iritsiko dira.

Astiberrik euskarazko komikigintzarako pausua eman zuenetik Bego Montorio Uribarren izan da euskararazko bertsionen arduraduna: Txikiberri sailean ere 2020ean ‘Claude eta Morino’ eta ‘Uxío’ komikiak euskararatu ditu Montoriok, baina urte honetan beste itzultzaile bat ere hasi da Astiberrirako itzultzaile lanetan: Jon Muñozek ‘Biga’ eta ‘Tigrea amesgaiztoaren kontra’ komikiak itzuli ditu, eta orain bi itzultzaile hauei esker irakurri daitezke euskaraz Astiberriko komikiak.   

2021 TXIKIBERRI: ISTORIO BERRIAK ETA JARRAIPENAK

2021 urtean Txikiberri bilduman Anouk Ricard frantziarraren 'Patti eta inurriak' Komikia argitaratu zuen Astiberrik.

2020 urtean hasiera izan zuten pertsonaien sail batzuk jarraipena izan zuten:'Claude eta Morino' sailaren bigarren albuma eta 'Biga' saileko bi liburuki argitaratu ziren.

Baina Txikiberriko komiki guztiek ez dute euskarazko bertsiorik... 2021ean soilik gaztelaniaz argitaratu ditu Astiberrik adinez nagusigoak diren haur eta gaztetxoentzat bideratutako 3 komiki: 'Los Muértimer','Utralazer' eta 'Nimona'.

2021 urtean Astiberrik ez zuen helduentzako euskarazko komikirik argitaratu.

Bego Montorio Bizkaia Irratiko 'Irakurrieran' saioan Txikiberri Argitalpen-zigiluaz mintzatu zen.

2022 URTEA: EISNER SARI BAT EUSKARAZ

Txikiberri bilduman, 2022 urtean Álvaro Ortiz Zaragozarraren 'Iratxo txikia eta shatranj partida' argitaratu du Astiberrik eta BIGA sailaren 4. liburukia.

10 urtetik gorako irakurleentzat 2010 urteko 'Smile' komikia ekarri du euskarara Astiberrik. Eisner sari entzutetsua jaso zuen Raina Telgemeier egileak lan honi esker.

2023 URTEA: HAUR ETA GAZTE LITERATURA

Euskaraz argitaratzen dituen lanen artean Txikiberri bildumakoak nagusi dira Astiberriren katalogoan.

Zenbait sailek jarraipena izaten ari dira, adibidez Martín Romero galiziarraren 'Uxío' 2 liburukia argitaratu da eta BIGA sailaren 5. liburukia bidean da.

Bestalde, gazte literaturaren baitan Josephine Mark alemaniarraren 'Txangoan txiripaz' argitaratu da, minbiziaren gaia zeharka lantzen duen komikia.

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2023 O4 APIRILA	Txangoan txiripaz	Astiberri Txikiberri Zigilua	Josephine Mark	Josephine Mark	Jatorrizkoa alemanez	Naroa Zubillaga	2022 urtean, 'Trip mit Tropf' (Kibitz Verlag argitaletxea)
2023 O3 MARTXOA	Uxío eta lagunak Uxío Saila 2	Astiberri Txikiberri bilduma	Martín Romero	Martín Romero	Jatorrizkoa galegoz	Bego Montorio Uribarren	2023 O3, Astiberrik aldiberean galegoz, euskaraz, gazteleraz, katalanez
2022 10 URRIA	Irri egin	Astiberri Txikiberri bilduma	Raina Telgemeier	Raina Telgemeier	Jatorrizkoa ingelesez	Miel Angel Elustondo Etxeberria	2010 Smile (Scholastic/Graphix)
2022 07 UZTAILA	Biga 4. Biga endreda-makila BIGA SAILA	Astiberri Txikiberri bilduma	Romain Pujol	Vincent Caut	Jatorrizkoa frantsesez	Bego Montorio Uribarren	2017 Avni 4(Milan editeur)
2022 MAIATZA	Iratxo txikia eta shatranj partida	Astiberri Txikiberri bilduma	Álvaro Ortiz	Álvaro Ortiz	Jatorrizkoa gazteleraz	Bego Montorio Uribarren	2022 'La pequeña genia y la partida de shatranj'(Astiberri)
2021 10 URRIA	Biga 3. Errekreazioak, klik eta ekin BIGA SAILA	Astiberri Txikiberri bilduma	Romain Pujol	Vincent Caut	Jatorrizkoa frantsesez	Jon Muñoz	2016 Avni 3(Milan editeur)
2021 06 EKAINA	Claude eta Morino 2. Zorionak zuri! Claude eta Morino Saila	Astiberri Txikiberri bilduma	Adrien Albert	Adrien Albert	Jatorrizkoa frantsesez	Bego Montorio Uribarren	2019, "Claude et Morino 2" Joyeux Anniversaire!, Editions L'école des loisirs
2021 04 APIRILA	Biga 2. Super laguna! BIGA SAILA	Astiberri Txikiberri bilduma	Romain Pujol	Vincent Caut	Jatorrizkoa frantsesez	Jon Muñoz	2014 Avni 2(Milan editeur)
2021 03 MARTXOA	Patti eta inurriak	Astiberri Txikiberri bilduma	Anouk Ricard	Anouk Ricard	Jatorrizkoa frantsesez	Bego Montorio Uribarren	2010 'Patty et les fourmis' (Gallimard Bd)
2020 11 Azaroa	Tigrea amesgaiztoaren kontra	astiberri txikiberri bilduma	Emily Tetri	Emily Tetri	jatorrizkoa ingelesez	Jon Muñoz	2018 Tiger vs. Nightmare (First second)
2020 10 URRIA	Biga 1. Benetan identifikatu gabeko animalia BIGA SAILA	Astiberri Txikiberri bilduma	Romain Pujol	Vincent Caut	Jatorrizkoa frantsesez	Jon Muñoz	2014 Avni 1(Milan editeur)
2020 07 UZTAILA	Uxío Uxío Saila 1	Astiberri Txikiberri bilduma	Martín Romero	Martín Romero	Jatorrizkoa galegoz	Bego Montorio Uribarren	2020, Astiberri, aldiberean galegoz, euskaraz, gazteleraz, katalanez
2020 05 MAIATZA	Claude eta Morino 1. Madarikazioa	Astiberri Txikiberri bilduma	Adrien Albert	Adrien Albert	Jatorrizkoa frantsesez	Bego Montorio Uribarren	2018, "Claude et Morino 1", Editions L'école des loisirs

TXIKIBERRI SORTU BAINO LEHEN HAUR ETA GAZTETXOENTZAT ARGITARATUTAKO BESTE KOMIKIAK

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2019 04 APIRILA	Waluk 3: Txakur handiaren bidea	Astiberri	Emilio Ruiz	Ana Miralles	Gazteleratik itzulia	Bego Montorio Uribarren	2019, Waluk La ruta del Can Mayor Astiberri
2018 ABENDUA	Waluk 2: Bidaia handia	Astiberri	Emilio Ruiz	Ana Miralles	Gazteleratik itzulia	Bego Montorio Uribarren	2017, Waluk La gran travesiaAstiberri
2017 URRIA	Waluk	Astiberri	Emilio Ruiz	Ana Miralles	Gazteleratik itzulia	Bego Montorio Uribarren	2011, Waluk Astiberri
2004	Errege kalamitatea: Adalbertok ez du lotsa handirik	Astiberri	Lewis Trondheim	Fabrice Parme	Frantsesetik itzulia	Joxe Rojas	2001, Le roi catastrophe, Delcourt