Christophe Cazenove

Christophe Cazenove 1969 urtean frantziar Estatuko Martiques-en jaiotako idazlea da. Txikitan komiki irakurle porrokatua izan zen, autoreei gutunak bidaltzen zizkieten horietakoa.

Marrazkilari ibilbidean saiatu arren, gidoilari bezala gusturago sentitzen zela onartu eta bide oparoa egin du komikigintzan.

2004 - 2005 urteetan argitaratu ziren 'Zone 51' izenburuko bere lehen lanak, eta 2007an 'Tam & Goshi' sortu zuen.

Ondoren Bedetheque atariaren arabera 50 album baino gehiagotan parte hartu du, batez ere lanbide edo zaletasunei lotutako komiki sailetan: L'Auto école, Les Pétanqueurs, Les Gendarmes, Les Bombers... Sail hauetan eta beste komiki lanetan irudigile anitzekin egin du lana: Patrick Larme, Bérik, Fairhid Zerriouh, Richard Di Martino, Bloz...

2006 urtean William marrazkilariak Wendy eta Marina bere alaben bizipenak oinarri hartuta weblog batean txuribeltzezko zinta batzuk argitaratzen hasi zen: abiapuntu horretatik, Christophe Cazenove gidoilariarekin 'Les Sisters' saila argitaratzen hasi ziren 2007tik aurrera, eta urte askotan luzatuko zen serie arrakastatsua sortu zuten, telebistara ere iritsi zena. Lankidetzari jarraipena emanez, 'Tizombi' eta 'Wat' sailak ere sortu dituzte Élodie Jacquemoire koloristarekin.

Xiulit aldizkarian katalanez argitaratu ziren istorio hauek. 2022 urtean Hachette etxeak gazteleraz, katalanez eta euskaraz argitaratu zituen saileko albumak.

Boule et Bill' pertsonaien sortzaile izan zen Roba hil eta gero 1999-2015 urteen artean Verron irudigilearen esku egon zen sailaren segida, eta 2016 urtetik aurrera Christophe Cazenove arduratu zen gidoietaz eta Jean Bastide marrazkietaz. 2019 urtean sailaren 40. albuma argitaratu zuten, pertsonaien sorkuntzaren 60. urteurrenarekin bat eginez.

Les Sisters sailetik frantziar estatuan 40 liburuki inguru argituratu dira.

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2022	Ezinbestean, ahizpak... Ahizpak Saila 1	Hachette Cómic	Christophe Cazenove / William	William	Frantsesez jatorrizkoa	Miren Garate / Bakun itzulpen zerbitzuak	2008 Les Sisters 1. Un air de famille Bamboo Édition
2022	Ahizpak gure estiloan Ahizpak Saila 2	Hachette Cómic	Christophe Cazenove / William	William	Frantsesez jatorrizkoa	Miren Garate / Bakun itzulpen zerbitzuak	2008 Les Sisters 2 'À la mode de chez nous' Bamboo Édition