Jean Bastide

Jean Bastide frantziar Estatuko Albi-n 1982 urtean jaiotako irudigile eta kolorista da.

Bedetheque atariaren arabera, komikigintzari lotua egon da gaztetatik: 2003 urtean ikasleentzako l’Alph'Art de la BD scolaire Saria irabazi zuen. 2004an Bruxelles-era lekualdatu zen Saint Luc-eko École Supérieure des Arts-en ikasketak egiteko: bertan Bernard Yslaire komikigile ezagunarekin hasi zen elkarlanean, zehazki 'La Guerre des Sambre' sailean, Vincent Mézil-ekin taldea eginez. Ondoren Robin Recht-ekin 'Notre Dame de Paris' lana sortu zuen.

Lambiek atariaren arabera,'Boule et Bill' pertsonaien sortzaile izan zen Roba hil eta gero 1999-2015 urteen artean Verron irudigilearen esku egon zen sailaren segida, eta 2016 urtean Jean Bastidek hartu zuen ardura hori, Christophe Cazenove gidoilariarekin elkarlanean. 2019 urtean sailaren 40. albuma argitaratu zuten, pertsonaien sorkuntzaren 60. urteurrenarekin bat eginez.

2020 urteko neguan Asterix eta Obelix-en pertsonaia baten "spin-off" bati hasiera eman zitzaion: Astérix Max! aldizkariaren 10. zenbakian agertu zen lehen istorioa, eta 2021 urteko udaratik aurrera 'Idéfix et les Irréductibles' animazio saila emititzearekin batera Obelix-en txakurraren abenturen komikietan parte hartu zuen, zehazki lehen bi liburukietan: ondoren David Étien-ek hartu zuen bere lekukoa.

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2023 02 OTSAILA	Latinari zaunka!	SALVAT/BRUÑO Idefix eta menderakaitzak Saila 1	Yves Coulon / Matthieu Choquet / Jérôme Erbin (Gosciny eta Urdezoren Asterix saila erreferentzia bezala hartuta)	Philippe Fenech / Jean Bastide (Urdezoren Asterix saileko irudiak erreferentzia bezala hartuta)	Frantsesetik itzulia	Maddalen Arzallus Antia	Jatorrizkoa frantsesez 2021ean, 'Pas de quartier pour le latin!'Les Editions Albert René