Idefix eta menderakaitzak Saila

'Idefix eta menderakaitzak' 2021 urtean frantziar estatuan sortutako komiki sail bat da, Asterix eta Obelix pertsonaien txakurra protagostatzat duena: euskaraz 2023an argitaratu zen lehen aldiz

2020 urteko neguan Asterix eta Obelix-en pertsonaia baten "spin-off" bati hasiera eman zitzaion Astérix Max! aldizkariaren 10. zenbakian agertu zen lehen istorioarekin.

2021 urteko uztailean 'Idéfix et les Irréductibles' animazio telesaila estreinatu zen Frantziar Estatuko Okoo plataforman, eta ondoren France 4 eta M6 kateetan ere ikusgai jarri zuten. Aste batzuk lehenago komiki album batean argitaratu ziren Asterix eta Obelix-en txakurtxoa protagonista zuten abenturak.

Animazio serieko atalek 11 minutuetako iraupena zuten: 52 atalez osatu zen saila eta bigarren denboraldi bat martxan omen dago. Frantziar Estatuan 6 komiki album argitaratu dira orain arte: liburuki bakoitzean 3 istorio labur jasotzen dira.

Komikietako irudietaz Philippe Fenech, Jean Bastide eta David Etien arduratu izan dira, eta gidoigintzan 10 idazle inguru.

Gazteleraz eta katalanez 2022 urtean argitaratu zen lehen albuma, eta euskaraz 2023ko otsailean heldu zen lehen liburukia liburudenda eta liburutegietara eta urte bereko azaroan bigarrena. 2024 urteko udaberri udazkenean 2 ale gehiago argitaratu dira eta irailean iritsiko da saltoki eta liburutegietara 5. liburukia, 'Idefix eta Druida': bertan Idefixek Asterixen istorioetako hainbat pertsonai ezagutuko ditu, besteen artean Panoramix eta Amnésix druidak ('Le combat des chefs') baita 'Aztia' abenturako Prolix ere edo 'Urrezko Igitaia' istorioko Amérix.

XXI mendean argitaratu diren Asterix-en gainontzeko istorioekin egin bezala, Maddalen Arzallus Antiak euskaratu ditu lan hauek, Bakun itzulpen zerbitzuak enpresaren bidez.

K.A. 52. urtean gaude. Erromatarrek Lutezia osoa armaz hartuta daukate osoa ez! Idefix buru duela, Luteziako animalia menderakaitzen banda batek oraindik ere burua makurtu gabe eusten die indarrez sartu nahi dutenei. Eta bizimodua ez da batere erosoa Lutezia erromatartu nahi duten Labienus jenerala eta haren txakur taldearentzat. 

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2023 02 OTSAILA	Latinari zaunka!	SALVAT/BRUÑO Idefix eta menderakaitzak Saila 1	Yves Coulon / Matthieu Choquet / Jérôme Erbin (Gosciny eta Uderzoren Asterix saila erreferentzia bezala hartuta)	Philippe Fenech / Jean Bastide (Uderzoren Asterix saileko irudiak erreferentzia bezala hartuta)	Jatorrizkoa frantsesez	Maddalen Arzallus Antia	2021ean, 'Pas de quartier pour le latin!'Les Editions Albert René
2023 11 AZAROA	Kroketak erromatar erara	SALVAT/BRUÑO Idefix eta menderakaitzak Saila 2	Hervé Benedetti/Michel Coulon/Simon Lecocq (Gosciny eta Uderzoren Asterix saila erreferentzia bezala hartuta)	Philippe Fenech / Jean Bastide(Uderzoren Asterix saileko irudiak erreferentzia bezala hartuta)	Jatorrizkoa frantsesez	Maddalen Arzallus Antia	2022an, 'Les Romains se prennent une gamelleLes Editions Albert René
2024 03 MARTXOA	Luteziako bizitzia	SALVAT/BRUÑO Idefix eta menderakaitzak Saila 3	Olivier Serrano Marine Lachenaud (Gosciny eta Uderzoren Asterix saila erreferentzia bezala hartuta)	David Etiene /Philippe Fenech (Uderzoren Asterix saileko irudiak erreferentzia bezala hartuta)	Jatorrizkoa frantsesez	Maddalen Arzallus Antia	2022an 'Ça balance pas mal à Lutèce!'Les Editions Albert René
2024 06 EKAINA	Menderakaitzen zirkua	SALVAT/BRUÑO Idefix eta menderakaitzak Saila 4	Yves Coulon / Simon Lecocq / Cédric Bacconnier (Gosciny eta Uderzoren Asterix saila erreferentzia bezala hartuta)	David Etiene /Philippe Fenech/Rudy(Uderzoren Asterix saileko irudiak erreferentzia bezala hartuta)	Jatorrizkoa frantsesez	Maddalen Arzallus Antia	2023an 'Les Irréductibles font leur cirque'Les Editions Albert René
2024 10 URRIA	Idefix eta druida	SALVAT/BRUÑO Idefix eta menderakaitzak Saila 5	Matthieu Choquet (Gosciny eta Uderzoren Asterix saila erreferentzia bezala hartuta)	Philippe Fenech (Uderzoren Asterix saileko irudiak erreferentzia bezala hartuta)	Jatorrizkoa frantsesez	Maddalen Arzallus Antia	2023an 'Idéfix et le druide' Les Editions Albert René