Harkaitz Cano

HARKAITZ CANO

Harkaitz Cano Jauregi idazle eta itzultzailea Lasarte-Orian jaio zen 1975an. Liburu ugari idazteaz gain, telebista, irrati eta komikientzako gidoiak sortu ditu.

Lubaki Bandaren partaide izan zen, eta 1994ean argitaratu zuen 'Kea behe-lainopean bezala' poema-liburua. Ordudanik eleberri, ipuin eta poesia liburu anitz idatzi ditu: 'Pauloven txakurrak' (1994), 'Radiobiografiak' (1995), 'Beluna jazz' (1996), 'Pasaia blues' (1999), 'Norbait dabil sute-eskaileran'(2001)... Euskadi Literatura Saria eskuratu zuen 3 lanei esker: 'Belarraren ahoa' (2004) 'Twist' (2012) eta 'Orkestra lurtarra' (2014). Ipuingintzan 'Telefono kaiolatua' eta 'Neguko zirkua' sortu ditu. 2018an 'Fakirraren ahotsa' argitaratu zuen eta Rosalía de Castro Saria irabazi zuen.

Haur eta Gazte Literatura arloko lanak egin ditu ere, tartean 'Sorgin moderno bat' (2002), 'Itsasoa etxe barruan' (2003), 'Omar dendaria' (2005)... Euskal wikipedian aurkitu daiteke autore honi buruzko informazio eguneratua eta baita https://harkaitzcano.com/ bere webgunean.

Ilustratzaileekin ere elkarlanean aritu da: 2016ean Olariagarekin 'Itzal zaunka' sortu zuen eta Maite Gurrutxagarekin 'Tigre batekin bizi' 2017an

KOMIKIGINTZA

Komikigintzarako zaletasuna txikitatik datorkiola aipatu izan du.

2005ean komiki gidoigintzan Xabiroi aldizkarian hasi zuen bere ibilbidea "Piztia Otzanak" sailarekin, Iñaki Holgado marrazkilariarekin bikote osatuaz. Aldizkarian zatika argitaratutakoa album gisara kaleratu zen 2008an. Bide beretik, Holgadorekin "Zebra efektua" (2013) "Museo Bilduma" (2016) eta "Amets alokatuak" (2019) komikiak argitaratu ditu.

2006 urtean, Paul Karasik eta David Mazzucchellik 1994an egin zuten Paul Austerren 'City of Glass' lanaren komikirako egokitzapenaren euskarazko itzulpena egin zuen: Kristalezko hiria (Txalaparta). Hitzaurrea ere idatzi zuen

2013an 'A pior banda do mundo' komikiaren euskarazko bertsioaren hitzaurrea idatzi zuen ('Munduko bandarik txarrena', José Carlos Fernandes, Txalaparta, itzultzailea Bego Montorio))

2014ean Fermin Muguruzaren 'Black is beltza' komikia argitaratu zen, Jorge Aldereteren marrazkiekin; gidoia egiterakoan Harkaitz Cano izan zuen lankide Muguruzak. Bilboko Alhondigan, Bartzelonan, Iruñean.. proiektuaren erakusketa jarri zen eta ekintza ugari antolatu ziren.

Esan bezela, 2016 urtean kaleratu zen Iñaki Holgadorekin batera Xabiroien atalez atal argitaratutako "Museo Bilduma" sailaren albuma. Urte horretako Getxoko Komiki Azokan erakusketa ezarri zuten komikiaren sormen prozesuari buruz.

2017ko ekainean Xabiroi aldizkariko 44 zenbakian Amets Alokatuak saileko lehen alea argitaratu zen, Iñaki Holgadorekin elkarlanean berriz ere. 2019ko maiatzeko 51. alean amaitu zen istorioa.

2017 urtean "Tigre batekin bizi" istorio ilustratua argitaratu zuen Maite Gurrutxagarekin elkarlanean.

2018 urtean "Fakirraren ahotsa" eleberria eta "Mekanografiak" ipuin bilduma argitaratu zituen. Ingelesez argitaratu zen Twist lana ere.

Black is Beltza animazio filma

2018ko Irailaren 11n Torontoko Zinemaldian estreinatu zuten Fermin Muguruzaren 'Black is Beltza' filma eta Donostiako Zinemaldiko Zinemira sailean Klausurako filma izan zen.

Donostian erakusketa berria antolatu zen, eta "The art of black is beltza" liburua argitaratu zen, transmedia artefaktu eta animazio-filmaren kontakizun grafikoa, Fermin Muguruzak zuzenduriko narrazio-proiektu globala.

2019an bi komiki

2017tik Xabiroi aldizkarian atalka agertu eta gero, 2019ko urrian argitaratu zuen Ikastolen Elkarteak "Amets Alokatuak" albuma.

Txalapartari esker, 2019ko udazkenean argitaratu zen ere "Antzar eguna" komikia, Adur Larrea marrazkilariarekin elkarlanean: 1984an GAL-ek hildako Santi Brouard-en azken uneak komikiratu dituzte. Proiektuak Eusko Jaurlaritzak komikigintza sustatzeko antolatzen duen diru laguntzetako bat jaso zuen.

Azaroaren 19an "Antzara eguna" komikia Bilboko La Bolsan aurkeztu zen, Harkaitz Cano, Adur Larrea eta Txalapartako editore den Garazi Arrularen eskutik. Nafarroako Edizioaren azokan aleak sinatzen egon ziren autoreak ere.

2020an Xabiroi aldizkariko abenduko alean 'Gailur dardartia' komiki laburra argitaratu zuen Iñaki G. Holgadorekin batera.

Mikel Laboa komikian

	EHUko Mikel Laboa Katedrak komiki bat sortzeko enkargua egin zien Harkaitz Cano, Unai Iturriaga eta Joseba Larratxe Josevisky-ri. Iturriagak Berriari adierazi zionez "Ez da izango biografia bat. Ugariak direnez Laboaren lanak eta izan zituen bizipenak, kontakizun berezi bat osatzeko aukera zabala daukagu." Bi urteko lan prozesuaren ondoren, komikia 2022 urtean argitaratuko da

'Black is beltza II: Ainhoa’

Eskutik helduta iritsiko dira 'Black is beltza II: Ainhoa’ filma eta komikia 2022ko udazkenean: irailaren 23an estreinatuko da animazio filma Donostiako Zinemaldian. Erreportai zabala argitaratu zuen 2022ko otsailean 7K aldizkariak pelikula eta komikian sakonduz. Komikia zein filmaren gidoia elkarlanean sortu dute Fermin Muguruzak, Harkaitz Canok eta Isa Campok eta Susanna Martínen marrazkiekin sortutako liburukia urriaren 6an iritsiko da zaleen eskuetara. komikiak 2021 urteko Eusko Jaurlaritzaren komikigintza sustatzeko laguntzetako bat jaso zuen. Berriak jakinarazi du euskaraz Talka Records & Films plataformak eta Elkar argitaletxeak argitaratuko dutela, eta "egun berean, Talkarekin elkarlanean, katalanezko edizioa aterako du Pol·len argitaletxeak, galegozkoa Demok, eta gaztelaniazkoa Reservoir Booksek, Espainian, Latinoamerikan eta AEBetan dituen egoitzen bidez"'

EUSKARAZ ARGITARATUTAKO KOMIKIAK

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2019 11 AZAROA	Antzara Eguna	Txalaparta	Harkaitz Cano	Adur Larrea	Euskaraz Jatorrizkoa		2019 11 AZAROA
2019 10 URRIA	Amets alokatuak	Ikastolen Elkartea/Xabiroi	Harkaitz Cano	Iñaki Holgado	Euskaraz Jatorrizkoa		2016ko otsaileko Xabiroi aldizkariko 39. zenbakian agertu zen lehen atala eta 2019ko otsaileko 51. zenbakian azkena
2016	Museo Bilduma	Ikastolen Elkartea/Xabiroi	Harkaitz Cano	Iñaki Holgado	Euskaraz Jatorrizkoa		2013ko otsailetik 2015eko ekainera argitaratu zen atalka Xabiroi aldizkarian (28. zenbakitik, 36. zenbakira)
2014	Black is Beltza	Talka-Bang	Fermin Muguruza / Harkaitz Cano	Jorge Alderete	Edizio Eleanitza		2014 11 AZAROA
2013 10 URRIA	Zebra efektua	Ikastolen Elkartea/Xabiroi	Harkaitz Cano	Iñaki Holgado	Euskaraz Jatorrizkoa		2008ko Urritik 2011ko Ekainera argitaratu zen atalka Xabiroi aldizkarian (13. zenbakitik, 23. zenbakira)
2008 04 APIRILA	Piztia Otzanak	Ikastolen Elkartea/Xabiroi	Harkaitz Cano	Iñaki Holgado	Euskaraz Jatorrizkoa		2005eko Ekainean Xabiroi aldizkariaren lehen zenbakian hasi zen atalka agertzen, eta azken atala 2017ko urrian 9. aldizkarian argitaratu zen.
GUZTIRA : 4 KOMIKI

KOMIKI ITZULTZAILE LANAK

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2006	Kristalezko hiria	Txalaparta	Paul Karasik, Paul Austerren eleberriaren egokitzapena	David Mazzucchelli	Ingelesez jatorrizkoa	Harkaitz Cano	1994, City of Glass

KOMIKIARI BURUZKO ARTIKULUAK

[ https://harkaitzcano.com/13/colaboraciones/comic] Harkaitz Canoren webgunea

2011 Otsaila: Tintin idazkurtzen

2011 Martxoa: Inside Moebius