2022 URTEKO KOMIKI LEHIAKETAK

EUSKAL HERRIKO KOMIKI LEHIAKETA NAGUSIAK

Hainbat sariketa urte hasieran izaten dira (Ikastolen Elkartea, Elkar Ilustrazio lehiaketa, Portugaleteko, Udala, Eusko Jaurlaritza eta Gipuzkoako Foru Aldundiaren diru laguntza deialdik...) eta beste batzuk urtea amaitu baino lehen ixten dute lanak aurkezteko epea (Galtzakomik, Crash Comic...)"Epea jada itxita duten lehiaketak" atalean dago deialdia hauei buruzko informazioa: 2023ko deialdiei begira, sortzaileentzat interesgarria izan daiteke aurreko urteetako deialdien eduki orokorrak, baldintzak eta ohiko epeak ezagutzea, nahiz eta deialdia argitaratu harte ez diren behin betiko baldintzak ezagutuko.(batez ere Eusko Jaurlaritza eta Gipuzkoako Foru Aldundiko deialdien kasuan)

ESKAERA EGITEKO EPEA ZABALIK

KOMIKIAK SORTZEKO
EUSKO JAURLARITZAREN DIRU LAGUNTZA DEIALDIA

	ESKAERAK AURKEZTEKO AZKEN EGUNA' 2023/01/26 OINARRIAK

EPEA JADA ITXITA DUTEN LEHIAKETAK

UDALBILTZAREN GEURETIK SORTUAK EGONALDI ETA SORMEN BEKA

Azaroak 26 bitarte edukiko dute sortzaileek Udalbiltzak antolatutako 'Geuretik Sortuak' egitasmoaren bigarren ediziorako proiektuak aurkezteko epea: OINARRIAK Bigarren edizio honek arte alorren artean komikigitza ere hartuko du kontuan: literatura, zinegintza eta antzerkigintzako lanez gain, komiki lanak ere diruz lagunduko dira. Komikipedian komikien atalari dagokion gako nagusiak laburtu ditugu, baina gogoan izan Udalbiltzak argitaratutako oinarriak direla legezko erreferentzia bakarra

GALTZAKOMIK

15. urtez antolatu da Ibarran Galtzakomik lehiaketa, euskara hutsean Euskal Herrian antolatzen den bakarra. Galtzaundi Euskara Taldeak eta Ibarrako Udalak elkarlanean antolatzen dute. Egileen jatorria ez da muga, lanak bakarka edo taldean aurkeztu daitezke eta aurten Ibarran antolatu den KilometroaK jaiaren leloa izango da komikigileek landu beharreko gaia: irribarra. Kategoriak: 9 urtera artekoena (2013an jaiotakoak barne). 10-12 urte bitartekoena (2012an eta 2010an jaiotakoak barne). 13-16 urte bitartekoena (2009an eta 2006ean jaiotakoak barne). 17 urtetik gorakoena (2005an jaiotakoak barne). SARI BANAKETA ETA ERAKUSKETA: sari banaketa abenduaren 16an izango da et aurkeztutako lan guztiak ikusgai egongo dira abenduaren 16tik 30era, Ibarrako Kultur Etxean. KOMIKIAK AURKEZTEKO AZKEN EGUNA: Azaroak 28 Oinarriak IRABAZLEAK

KOMIKIGINTZAN NAZIOARTEKO EGOITZA

KOMIKIGINTZAN NAZIOARTEKO EGOITZA

	Frantziako Estatuan, Espainiako Estatuan edo Kanadako Estatuan bizi diren sortzaileentzat. Egoitza eskatzen dutenek Angoulêmeko Maison des auteurs-era, Azkuna Zentrora edo Quebec-eko Maison de la littérature-ra bidali beharko dute, bizi diren estatuaren arabera. Egoitza eskatzeko, hautagaiak gutxienez bi urteko praktika artistikoa izan behar du. PROIEKTUAK AURKEZTEKO EPEA: Irailak 4 Oinarriak

ARABAKO CRASH COMIC

	Crash komik soilik Araban bizi diren pertsonentzat edo bertan ikasten edo lanean ari direnentzat antolatzen den lehiaketa da: A Modalitatean 12 eta 17 urte arteko gazteek har dezakete parte, B Modalitatean 18 eta 35 urte artekoek. Lanak aurkezteko azken eguna: azaroak 1 OINARRIAK

GETXOKO GAZTEKOMIK LEHIAKETA: Bizkaiko DBHko 3. eta 4. mailetako ikasleentzat

2022ko Getxoko Komiki Azoka irailak 30-urriak 2 bitarte ospatuko da. 2022 urtean lehen aldiz 'Gaztekomik' komiki-eskola lehiaketa antolatu du Getxoko Udalak. Bizkaiko DBHko 3. eta 4. mailetako ikasleei zuzenduta dago eta izena emateko epea irailaren 23ra arte egongo da zabalik. Bi modalitatetan parte hartu ahal izango da Gaztekomik-en: ikastetxeen bidez (Getxoko ikastetxeetako ikasleentzat) eta modu librean (Bizkaiko gainerako ikastetxeetako ikasleentzat). OINARRIAK

PORTUGALETEKO URI URENA
KOMIKI LEHIAKETA

Lanak aurkezteko epea 2022ko apirilaren 30ean bukatu zen. Edozein jatorriko sortzaileek parte hartu dezakete KATEGORIAK: KOMIKI BANDA KATEGORIA: Sari bat irabazleari Akzesita,18 urtetik beherako onenari KOMIKI KATEGORIA: Lehen, bigarren eta hirugaren sailkatuei sari bana + Akzesita euskarazko egile onenari + Akzesita, Portugaleteko egile onenari + Gazte akzesita,16 urte bitarteko adingabeko bati (2006an jaiotakoak barne) AKZESITA PORTUGALETE 700 URTEURRENA Lanaren kontakizuna guztiz edo zatiz Portugaleten gertatu beharko da eta Portugaleteko eraikin ezaugarrizko bat edo batzuk agertu beharko ditu. Halaber, parte-hartzaileek beren datuak dakartzan gutunazalean berariaz adierazi beharko dute atal berezi horretan parte hartzen dutela. Hala ere, atal berezi honetan parte hartzea ez da oztopoa izango edizio honetako gainontzeko sariak ere eskuratu ahal izateko Akzesit honek Gazte Akzesita du ere (16 urte bitarteko adingabeak, 2006a jaiotakoak barne) OINARRIAK

KOMIKIAK SORTZEKO
EUSKO JAURLARITZAREN DIRU LAGUNTZA DEIALDIA

	ESKAERA EPEA ITXIA' 2022ko urtarrilak 28 izan zen lanak aurkezteko azken eguna Ikusi lehiaketa honen ezaugarri nagusienak

NAFARROAKO EDIZIORAKO LAGUNTZAK

ESKAERA EPEA ITXIA' 2022-01-31 Nafarroako Kultura Zuzendaritza Nagusiak ediziorako bi laguntzen deialdiak egin ohi ditu urte hasieran: 1.) Argitaletxe eta profesionalendako 2.) Irabazi-asmorik gabeko entitateendako, beti ere entitatearen helburua, bere estatutuetan ezarria, kulturala bada. Bi kasuetan Komiki proiektuak aurkeztu daitezke. Informazio gehiago Ediziorako laguntzak argitaletxe eta profesionalendako Argitaletxe eta profesionalendako deialdiaren helburua da eduki kulturala duten liburuen, argitaragabe eta orijinalen edo lehen itzulpenen edizioa bultzatzea, bai paperean bai euskarri elektronikoan, Foru Komunitateko bi hizkuntza ofizialetako edozeinetan. Aurkeztutako liburuek genero hauetako batekoak izan beharko dute: eleberria, ipuinak, poesia, antzerkia, haur eta gazteentzako literatura, komikia, saiakera eta giza zientziak. Profesionalek 863 motako JEZn –idazlearenean– alta emanik egon behar dute. Argitaletxe eta profesionalendako azken deialdiaren oinarriak hemen ikus daitezke. Ediziorako laguntzak irabazi-asmorik gabeko entitateentzat Deialdiaren helburua da laguntza ematea irabazi-asmorik gabeko entitateei, liburuak, aldizkariak edo edizio diskografikoak argitaratu ditzaten, edukiak artearen, kulturaren edo zientziaren gainekoak izanik. Entitatearen helburua, bere estatutuetan ezarria, kulturala izan behar da. Irabazi-asmorik gabeko entitateendako azken deialdiaren oinarriak hemen ikus daitezke. Eskaerak erregistro telematikoaren bidez aurkeztea Eskaerak modu telematikoan aurkeztuko dira, Nafarroako Foru Komunitatearen Administrazioko Erregistro Orokor Elektronikoaren bidez. Identifikatzeko, ziurtagiri digitala edo NAN-PINa eduki beharko da. Helbide elektronikoa: ipvpubli@navarra.es

GIPUZKOAKO EGILE SARIAK

	ESKAERA EPEA ITXIA' 2022-05-31 Ikusi lehiaketa honen ezaugarri nagusienak Gipuzkoako Egile Sariak: Literatura eta grafikoaren arloa

HENDAIAKO
NEKATOENEA ARTISTEN EGOITZA

Hamabigarren urtez jarraian, Euskal kultur erakundeak, CPIE Euskal Itsasbazterrak eta Euskal Idazleen Elkarteak euskarazko literatura sorkuntza egonaldi bat proposatzen dute Abbadia Eremuko Nekatoenean. Egonaldia euskal autore guziei zuzendua da eta literatur mota guztietako lanak onartzen dira, komikia barne. Irabazleak 2022ko urriaren eta abenduaren artean, hilabete batez Abbadia Eremuko Nekatoenea etxean apartamendu bat beretako izanen du eta 1 500 euroko dirulaguntza. Hautagaitzak aurkezteko epea itxita: 2022ko ekainaren 6a.

AZPEITIKO SORMENERAKO BEKA

	AZPEITIKO SORMENERAKO BEKA (KOMIKI PROIEKTUAK ERE AURKEZTU DAITEZKE) Lanak aurkezteko epea itxia: (apirilak 3).

HAUR ETA GAZTEENTZAT

	IKASTOLEN ELKARTEKO KOMIKI LEHIAKETA
	Jada ezagutarazi dira bigarren urtez Ikastolen Elkarteak antolatutako komiki lehiaketaren irabazleak Lanak aurkezteko azken eguna 2022ko maiatzak 15 izan zen. 14-16 urte bitarteko gazteei zuzendua dago lehiaketa (ez da derrigorrezkoa ikastola bateko ikasle izatea). Bakarka edo taldean egin zitezkeen komikiak. Gaia: Gernikako bonbardaketa. Oinarriak

14. ELKAR ILUSTRAZIO ETA IPUIN LEHIAKETA

14. ELKAR ILUSTRAZIO ETA IPUIN LEHIAKETAren baitan Komiki kategoria DBH 3 eta 4ko ikasleei zuzendua dago. Gaia: euskal pertsonaia baten biografia edota bizitzaren pasarte bat komiki ala bineta bihurtu beharko dute. Komiki edo binetak eskuz zein ordenagailuz sortuak izan daitezke eta euskaraz idatziak izan behar dute. Teknika eta materiala guztiz libreak izango dira, baina komikia edo bineta A4 tamainako orrialde bakar batean entregatu beharko da. 2022 urteko Oinarriak 2022 urteko irabazleak Lanak aurkezteko epean itxita (apirilak 13.)

TOKIAN TOKIKO LITERATUR LEHIAKETAK: "KOMIKIA" KATEGORIA ERE DUTENAK

UHARTEKO LITERATUR LEHIAKETA
OIHANA SARIAK

	Uharteko komiki eta ipuin laburren sariketa Uharten bizi edo ikasten duten 9-12 urte bitartekoentzat(LH 3 / 4 / 5 / 6). Lanak aurkezteko epea: apirilaren 29a. OINARRIAK KOMIKI ETA NARRAZIO TAILERRAK Adin berekoentzat Ipuina edota komikia egiten ikasteko tailerrak apirilak 19-22 (pazko astean). Antolatzen dute: Uharteko Udalak eta herri liburutegiak

BERGARAKO
KOLDO ELEIZALDE LEHIAKETA

Koldo Eleizalde lehiaketak 4 genero edo genero-multzotako lanak saritzen ditu: Ipuin idatzia eta poesia, Komikia, Bertsoa, eta Kontakizuna eta interpretazioa.+ Lehiaketa honetan Bergaran jaiotakoek edo Bergaran bizi zein bertan ikasi edo lan egiten dutenek har dezakete parte, bakarka zein taldeka. Komikien kasuan 2006 urtea baino lehen jaiotakoek eta 2012 bitartekoek hartu dezakete parte, 3 kategorietan Lanak aurkezteko epea apirilaren 28ra artekoa izango da. Bideo batean Yon eta Alazne Suinagak komikia egiteko lehenengo urratsi buruzko informazioa eskaintzen dute. Ondo irakurri oinarriak aurkeztu beharreko komikien ezaugarriak ezagutzeko.

ARRASATE
LITERATUR LEHIAKETA

	Narrazioa, Ilustrazioa, MikroIpuina, poesia, bertso-papera eta komikia KOMIKI KATEGORIA Debagoienako DBH3-DBH4 Batxilergoa 1-2 OINARRIAK aurkezteko epea 2022ko maiatzaren 8an bukatu zen. IRABAZLEAK

DONOSTIAKO KOLDO MITXELENA LEHIAKETA	Donostiako 8 urtetatik 16 urte bitartekoentzat Olerkia · Ipuina · Bertso papera · Mikroipuina · Komikia · Webkomikia edo Komiki digitala EPEA ITXITA (otsailak 18)

SAKANAKO MARIA MARKOTEGI LEHIAKETA
	Soilik bizitokia edo ikastetxea Sakanan duten ikasleentzat (LH3tik Batxillergo edo Erdi Mailako Heziketa Zikloak bitarte) Poesia, komikia, narrazio laburra eta booktubea. Lanak aurkezteko epea itxita: 2022ko martxoaren 31n amaitu zen. OINARRIAK