Nerea Loiola

Nerea Loiola Pikaza 1985ean Deban jaiotako idazlea da. Wikipediaren arabera Ingeniaritza Mekanikoan graduatu zen eta lanbidez Bigarren Hezkuntzako Matematikako irakaslea da.

Haur eta gazte literaturan hainbat liburu argitaratu ditu: 'Harri bat poltsikoan' (Erein, 2018), 'Azken lanhütarra' (Erein, 2019), 'Naian' (Jon Aranguren ilustratzailearekin, Erein, 2022), '7G udalekuak' scapebook-a (Erein, 2022)

Iritzi zutabeak ere argitaratu ditu Urola Kostako Hitzan eta

Helduentzako ipuinak bildu ditu 'Epizentroa' lanean.(Erein, 2021)

2022ko martxoan 'Irabazi arte: iraganeko mamua.' euskarazko lehen komiki interaktiboa sortu zuen Aitziber Alonso ilustratzailearekin batera: 'Irabazi arte' ETB1eko telesaileko pertsonaien unibertsoan oinarrituta, sakelakoan deskargatu eta irakurri daiteke, eta interakziorako hainbat aukera eskaintzen ditu: protagonistek istorioan entzuten duten musika entzun, pertsonaien edo gertakarien inguruko informazioan sakondu edota istorioaren garapenaren inguruko galderei erantzun.

2022ko udazkenean KomikiAPP aplikazioan integratu zen 'Irabazi arte', Android eta iOS iPhone sistemetan erabili daikete. Aplikazioa CodeSyntax-ek sortu du, besteren artean Sustatu ataria eta Egunean Behin jokoaren garatzaile den enpresa.

'Irabazi arte' irakurtzeaz gain, 'Artxipelagoa' podcastaren lehen denboraldian oinarritutako komikia dagoeskuragarri ere: Xabier Etxeberria izan da gidoilaria eta Alex San Vicente ilustratzailea.

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2022 03 MARTXOA	Irabazi arte	EITB	Nerea Loiola	Aitziber Alonso	Edizio elebiduna, euskaraz eta katalanez	Jatorrizkoa euskaraz	2022 martxoa