Javier de Isusi

JAVIER DE ISUSI

Javier de Isusi Bilbon 1972an jaiotako komikigilea da.

Arkitektura ikasketak egin zituen Donostian eta Lisboan. Garai horretan haurtzaroko komiki zaletasuna beste autoreen erreferentziekin aberastu zen: europear eta italiar marrazkilariak, Metal Hurlant estiloa, Moebius, Manara...kolorea txuri beltza baino gehiago. Loisel aipatu izan du eredu bezala.

Epe labur batean arkitekturaren arloan lan egin ondoren, Latinoamerikan zehar egindako bidaia batean erabaki zuen komikigintzan saiatzea, marrazkien bidez istorioak kontatzeko gogoak bultzatuta: bidai horretan hasiko zen ere Vasco pertsonaia gorputza hartzen, bere lehen komikien protagonista izango zena. Bidaiatik itzultzean komikigintza latinamerikarrari arreta gehiago eskaini zion, txuri beltzaren erabilpena eta aukerak ikasteko asmoz.

Garai horretan zenbait komiki lehiaketetan parte hartu zuen: 2003 urtean finalista izan zen Glenat etxeak sustatutako Europear komiki Albumen I Lehiaketan, 2004ean La Cárcel de Papel webguneko sariketan autore berrien saria irabazi zuen eta 2005ean Portugaleteko XIX Komiki Lehiaketaren irabazle izan zen.

Urtebeteko lan prozesuaren ondoren, 2004 urtean Los viajes de Juan Sin Tierra 1 – La pipa de Marcos komikia kaleratu zuen Astiberri argitaletxearekin: sail berdinaren beste 3 album argitaratuko zituen ondoren, eta 2012an Ometepe lana argitaratu zuen, Luciano Saracinoren gidoiarekin. Autore berdinarekin Historias del Olvido argitaratu zuen.

Ivan Ferreiroren 'Mentiroso Mentiroso' diskaliburuan parte hartu zuen: kanta bakoitzarekin harremana zuen komiki bat sortu zuten hainbat egilek, tartean Raquel Alzate, David Rubín, Paco Roca...

2011eanLa partida del soldado liburuaren gidoia egin zuen,bere bikote Leticia Ruifernández-en ilustrazioekin.

2012 urtean "La historia improcedente de Chile" argitaratu zuen, bere anaiarekin lankidetzan eta Gargantua zigilupean, autoedizioaren bidetik.

Euskaraz irakurri daitezke Isusiren hainbat komiki: 2012 urtean Alhóndiga Bilbaoren sekretua lan kolektiboan parte hartu zuen, eta 2014 urtean aldiberean argitaratu ziren He visto ballenas lana eta bere euskarazko bertsioa Baleak ikusi ditut.

2015ean CEAR erakundeak sustatutako Asylum lanak ere edizio elebiduna izan zuen (2017an Astiberrik berrargitaratu zuen).

ESPAINIAKO KOMIKI SARIA ETA EUSKADI SARIA

Eusko Jaurlaritzak 2017 urtean diru laguntza deialdia egin zuen komikiak eta liburu ilustratuak sortzeko, eta 4 komikilarik irabazi zituzten diru laguntzak: Alex Orbek, Dani Fanok, Joseba Larratxe "Josevisky"-k eta Javier de Isusik: guztira 5 urteko lan prozesu baten ondoren, 2019an Astiberrik 'La Divina Comedia de Oscar Wilde' komikia argitaratu zuen eta 2020an Espainiar Estatuko komiki Sari Nazionala irabazi zuen.

2021ean Colombiako Egiaren Batzordearen enkarguz "Transparentes komikia sortu zuen bertako gatazkaren ondorioz errefuxiatu behar izan zuten milaka pertsonen egoera gaitzat hartuta. EHUko Hegoa Nazioarteko Lankidetza eta Garapenari Buruzko Ikasketa Institutuak eta Astiberrik argitaratu zuten lana.2021ean Javier de Isusik Euskadi Literatur saria jaso zuen 'Literatura lanaren ilustrazioa' kategorian 'Tansparentes' lanari esker. Oraingoz lan hau ez dago euskaraz eskuragarri

2021 urtean ere  "Los viajes de Juan Sin Tierra. Edición integral", "Descolonizar la aventura" eta 'El mar recordará nuestros nombres' (Planeta Cómic, 2021) lanak argitaratu zituen.

2024 GOIZERO KOMIKIA EUSKARAZ

2024 urtean euskaraz eta gazteleraz argitaratu da Isusiren komiki berri bat, 'Goizero'.

Baleak ikusi ditut berralgitaratu da ere.

EUSKARAZ ARGITARATUTAKO KOMIKIAK

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2024 05 MAIATZA	Goizero	Astiberri FICE Spain, Agintzari, Resilis	Javier de Isusi	Javier de Isusi	Jatorrizkoa gazteleraz	Nekane Gonzalez Gerriko	2024 aldiberean gazteleraz eta katalanez (Astiberri)
02 OTSAILA	Asylum	CEAR Euskadi 2017an Astiberrik berralgitaratua	Javier de Isusi	Javier de Isusi	Jatorrizkoa gazteleraz	Bego Montorio Uribarren	2015 (2017urtean Astiberrik berrrargitaratua)
2014 05 MAIATZA	Baleak ikusi ditut	Astiberri	Javier de Isusi	Javier de Isusi	Jatorrizkoa gazteleraz	Bego Montorio Uribarren	2015 MAIATZA Gazteleraz "He visto Ballenas" (Astiberri)

BESTE KOMIKILARIEKIN ARGITARATUTAKOAK

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2012	Alhóndiga Bilbaoren sekretua	Bilboko Udala	koordinatzailea: Antonio Altarriba Komiki bakoitzaren gidoia: Laura Daniel Torres Alfonso Font David Rubín RaquelAlzate Isusi Miguel Ángel Martín Santiago Valenzuela Paco Roca	Laura Daniel Torres Alfonso Font David Rubín RaquelAlzate Isusi Miguel Ángel Martín Santiago Valenzuela Paco Roca	Edizio elebiduna	Joxe Rojas	2012

2005eko urtarrilan Trama aldizkarirako egindakoelkarrizketa http://www.guiadelcomic.es/javier-de-isusi/entrevista-trama43.htm