Susanna Martín

Susanna-Zuz Martín 1976 urtean Katalunian jaio eta Larrabetzun bizi da: Bere biografia baterako aukeratututako hitzak dira hauek: Komikigilea, queer no binarie aktibista eta feminista. Historian, Ilustrazioan eta Harresiaren Arteetan lizentziatua "

komikigintzan aspalditik ari da eta 2016tik aurrera euskaraz ere argitaratu dira bere komiki batzuk: hasiera batean, Gobernuz Kanpoko Elkarte edo eragileentzako egindako komiki laburrak izan ziren(Gehitu, Mugen Gainetik,Desazkunde eta Bizitza ona Sarea, Oxfam Intermon, UNRWA Euskadi...), Xabiroi aldizkarian argitaratu ziren bere bi komiki labur, Tupust! kolektiboaren 2. antologian istorio bat argitaratu zuen... 2021 urtean argitaratu zuen 'Alde egin edo hil', euskaraz irakurri daitekeen autorearen lehen komiki lan luzea; 2022 urtean 'Black is Beltza II: Ainhoa' argitaratu zen, Fermin Muguruza/Arkaitz Cano/Isa Campo gidoilariekin elkarlanean eta 2023 urtean 'Surflaria' albuma (Ikastolen Elkartea), 2020ko urritik Xabiroi aldizkarian atalka argitaratutako komiki istorio osoa jasotzen duena, Uxue Alberdi idazlearekin batera ondutako lana.

Tebeosfera atariaren arabera, Katalanez, gaztelaniaz eta beste hizkuntza batzuetan 10 album inguru argitaratu ditu (kasu batzuetan bakarka eta beste batzuetan hainbat gidoilariekin) eta lan kolektiboetan zein aldizkarietan kolaborazio anitz egin ditu.

Bi aldiz jaso du Eusko Jaurlaritzak komikigintza sustatzeko urtero deitzen dituen laguntzetako bat: batetik 2019 urtean komiki-marrazkigileentzako antolatutako diru-laguntza programa honen barruan Susanna Martinek irabazi zuen 4 sarietako bat Miguel Angel Giner Bou gidoilariarekin "Ofensiva final" komikia sortzeko(Dolmen argitaletxeak 2022 urtean merkaturatu zuen gaztelaniaz); bigarrenez 2021 urtean jaso zuen Eusko Jaurlaritzaren komikigintza sustatzeko laguntzetako bat, 'Black is Beltza II: Ainhoa' proiekturako. 

BIOGRAFIA ETA KOMIKIGINTZA

Historian lizentziatu zen Bartzelonako Unibertsitatean eta Ilustrazio eta Pintura ikasketak egin zituen Bartzelonako La Llotja Arte Eskolan.

Publizitatean, prentsa, zinema eta arkitektura alorretan egin zuen lan.

Bartzelonako 'Lambda' komiki saria jaso zuen, 2002 eta 2008 urteetan.

Bere lehen komiki liburua 2010 urtean sortu zuen, Isabel Franc-en gidoia zuen “Alicia en un mundo real” izenekoa (Norma Editorial); lan honek ibilbide luzea izan du: hainbatetan berrargitaratua izan da, 'Jennifer Quiles/Lesbianas Visibles' saria jaso zuen 2011ean, katalanez eta grekeraz argitaratu dute komikia eta Aliciadas komiki zinta hainbat aldizkaritan argitaratu da:  Dones (Associació de Dones Periodistes de Catalunya), MiraLes.es ...

2010etik aurrera haurrentzako Tretzevents aldizkarian hilabetero "La Martina, la por i el gat Faluga" komiki istorioa argitaratu du. Haurrentzako beste komiki lanak egin izan ditu ere "Com et dius? Em dic..." komiki saila adibidez (Publicacions de l'Abadia de Montserrat).

"1, 2, 3, 4... Historietas diversas. Guía afectivo/sexual y de identidades para adolescentes" (Bellaterra, 2011)lanean ere parte hartu zuen.

Argentinako Página 12 aldizkarirako Flavia Companyrekin batera "¡No somos hermanas!" komiki saila argitaratu zuen.

2011ean "Yes we camp!Trazos para una (r)evolucion" , lan kolektiboan hartu zuen, 15M mugimendua gaitzat hartuta (Dibuks Argitaletxea)

Norma Editorial-ek enkargua egin zion "Sonrisas de Bombay" Jaume Sanllorenteren nobela komikiratzeko, eta 2012an argitaratu zuten.

2014ean berriz ere Isabel Franc-ekin elkarlanean Senegalen kokatutako "Sansamba" komikia argitaratu zuen (Norma Editorial)

"Enjambre" emakumezko komikilarien lanak biltzen zituen aldizkaria koordinatu zuen; 2014ko martxoan argitaratu zen bilduma hau.

Colectivo de Autoras de Cómic emakume komikigileen elkarteko kide da.

Espainiako Gobernuak abortoaren legea aldatu nahi izan zuenean "Wombastic" ekimenean parte hartu zuen.

2015 urtean Bizkaiara lekualdatu zen eta Bilbon zein Larrabetzun bizi izan da.

June Fernandez bilbotarraren "Ingobernables"liburuko ilustrazioak egin zituen eta 2016ean gazte literatura alorreko Lur Gallastegiren "Uda bat Senegalen" ipuina ilustratu zuen.

Gobernuz kanpoko hainbat erakundeentzako ilustrazio lanak eta kartelak egin izan ditu, baita instituzioetarako.

Hainbat aldizkarietan argitaratu ditu bere lanak: Diagonal, Pikara Magazine, Balanzín, Capçalera, Tretzevents, La Madeja, Tentacles, Página 12, El País... Hauen artean bat aipatu edo nabarmentzearren, Pikara Magazinen "Atzo atzo atzo" komiki istorioa argitaratu zuen: txalupak ibaian gora sirga edo soken bidez tiraka eramaten zituzten emakumeen istorioak jasota Hitzaldi eta erakusketa batean parte hartu zuen.

Batetik hitzaldiak eta tailerrak eman izan ditu, eta bestetik komiki pertsonalizatuen eskaintza egiten du.

komiki soziala jorratzen du, eta euskaraz irakurri daitezken Susanna Martinen lanek gizarte mugimenduen enkarguetan izan dute jatorri.2017an "Tipi Tapa" komikia argitaratu zuen Desazkunde eta Bizitza ona Sarearen eskutik. "Gaza Amal: Gazako zerrendan emakume ausarten istoriotxoak." argitaratu zuen ere, eta 2019an "Opil eta Muxilen komikiak" lan kolektiboan parte hartu zuen.

2018 urtean Xabiroi aldizkariko 47. Alean 5 orriko "Zeharkaldi bat 36 zentaboren truke" komikia argitaratu zuen eta 2019ko udazkeneko 53. alean Uxue Alberdirekin osatu zuen istorio berri bat.

Eusko Jaurlaritzak 2019 urtean komiki-marrazkigileentzako antolatutako diru-laguntza programaren barruan, Susanna Martinek irabazi zuen 4 sarietako bat: Miguel Angel Giner Bou-ren gidoiaz "Ofensiva final" komikia sortu zuen, eta Dolmen argitaletxeak argitaratu zuen soilik gaztelaniaz: Erdialdeko Amerikan emakumeei buruzko dokumentala egiten ari den Iratxeren ibilerak kontatu zituzten bertan.

2019ko azaroan "Residencia de Estudiantes" komikia argitaratu zuen, Federico García Lorcaren bizitza gaitzat hartuta.

2020ko urriko Xabiroi aldizkariko 57. alean sail berria hasi zuten Uxue Alberdik eta Susanna Martinek: 'Surflaria'.

2016 urtean Gazako emakumeekin sortutako komikiarekin hasi zuen proiektuari segida emanez beste bi proiektutan hartu du parte Susanna Martinek: 2021 urtean UNRWA Euskadirentzat Cristina Buenorekin lankidetzan 'Ahlam, bizitza batekin amestuz' Libanon errefuxiatu bizi dien emakume palestinarrei buruzko lana sortu zuen, eta UNRWA Valençia-rentzat 'Halima. Derribando muros: Historietas de mujeres valientes en Cisjordania'

Urte berean bi lan kolektiboan parte hartu zuen: 'Beste Aldetik' eta 'Tupust 2:Zu' antologia.

2021 ALDE GIN EDO HIL

2021 urtean argitaratu zen Susanna Martinen 'Alde egin edo hil', euskaraz irakurri daitekeen autorearen lehen komiki lan luzea.

2022 BLACK IS BELTZA II; AINHOA

Fermin Muguruzak 'Black is Beltza' sailaren bigarren atala sortzeko asmotan zebilela hasiera batean Natacha Bustos marrazkigilean pentsatu zuen (2012 urtean 'Tchernobyl. La Zona' komikiak saria jaso zuen Angoulemen, eta Marvel etxerako lanean aritzen da), baina autore honek ezin izan zuen lana onartu, etaFermin Muguruza Astiberriko Fernando Taranconen bidez jarri zen harremanetan Susanna Martinekin, eta 'Black is beltza II: Ainhoa’ filmarekin batera sortu nahi zuen komikian parte hartzeko eskaintza egin zion. Kontutan izanik Martinek Ertamerika, Palestina, eta mugimendu feministaren aldeko lanak egin zituela, 'Black is Beltza'-ren dinamikan buru belarri sartu zen.

2022ko irailean eskutik helduta iritsi ziren 'Black is beltza II: Ainhoa’ filma eta komikia: animazio filma irailaren 23ean estreinatu zen Donostiako Zinemaldian eta Susanna Martínen marrazkiekin sortutako liburukia urriaren 6an iritsi zen zaleen eskuetara. komikiak 2021 urteko Eusko Jaurlaritzaren komikigintza sustatzeko laguntzetako bat jaso zuen. Proiektu honen gidoia elkarlanean sortu zuten Fermin Muguruzak, Harkaitz Canok eta Isa Campok. Erreportai zabala argitaratu zuen 2022ko otsailean 7K aldizkariak pelikula eta komikian sakonduz. Komikia euskaraz Talka Records & Films plataformak eta Elkar argitaletxeak argitaratu zuten, eta aldiberean Talkarekin elkarlanean, katalanezko edizioa aterako zuen Pol·len argitaletxeak, galegozkoa Demok, eta gaztelaniazkoa Reservoir Books-ek, Espainian, Latinoamerikan eta AEBetan dituen egoitzen bidez. [1] Aikor aldizkarian elkarrizketatu zuten Martín bere ibilbidea hizpide hartuta.

2023 'SURFLARIA' ALBUMA

2020ko urrian Xabiroi aldizkarian hasitako bideari amaiera emanez,Uxue Alberdik eta Susanna Martinen 'Surflaria'albuma argitaratu zuen Ikastolen elkarteak 2023ko irailean.

Albumaren aurkezpenean Alberdik adierazitakoak jaso zituen Berriak eta Uxue Alberdik nabarmendu zuen istorio bat atalka kontatzeak bazuela bertso sorkuntzaren lanarekin nolabaiteko harremana, ordurarteko eleberrigintzatik ezberdina ere: "idazten dudanean etengabe egiten dut atzera, bidean agertu diren gauzei koherentzia edo indarra emateko, adibidez», baina komikiaren kasuan atal bat edo batzuk jada argitaratuak daudenean «Bertsotan bezala, botatakoa botata dago».

Irudiei dagokione metafora bisualez josita dago komikia, itsas inguruko plano zabaletatik xehetasun planoetara egiten du jauzi... Koloreak ere berebiziko garrantzia hartu du lan honetan. Aurkezpenean adierazi zutenezloturaren izenburua "Izan ere, protagonista bakoitzari kolore bat eman dio Susanna Martinek, eta hala, tonu eta kolore jakin batez agertuko da, adibidez, itsasoa, protagonista jakin bat denean gogoratzen ari dena, edo beste batez protagonistak elkarrekin dauden iraganeko uneetan..."

Urte horretan katalanez Histories de la Model argitaratu zuen Premi ARA de Còmic en Català saria irabazi zuen 'Cafè americà' lanarekin

2024 PARALINPIKOAK

Basauriko Merkatarien Elkarteak eta Javi Conde atletismo paraolinpikoko klubak lankidetzanBasauri Meeting lehiaketa antolatzen du.

Susanna Martínek 'Paralinpikoak' komikia sortzeko enkargua jaso zuen ekimen hori eta 7 kirolari paralinpikoen ibilbidea islatzeko.

Bideoa

Komikia PDF bertsio digitalean

EUSKARAZ ARGITARATUTAKO KOMIKIAK

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2024 Iraila	Paralinpikoak	Basauriko Merkatari Elkartea	Susanna Martín	Susanna Martín	Gazteleraz jatorrizkoa	Bakun itzulpen zerbitzuak	2024 aldiberean gazteleraz eta euskaraz
2023 Iraila	Surflaria	Ikastolen Elkartea/Xabiroi	Uxue Alberdi	Susanna Martín	Euskaraz jatorrizkoa		2020tik atalka Xabiroi aldizkarian: urriko 57. zenbakitik 2023ko ekaineko 63. zenbakira.
2022 Urria	Black is Beltza II: Ainhoa	Talka-Elkar	Fermin Muguruza / Harkaitz Cano / Isa Campo	Susanna Martín	Edizio Eleanitza		2022 Urria (katalanezko edizioa Pol·len, galegozkoa Demok, eta gaztelaniazkoa Reservoir Books)
2021 12 ABENDUA	Ahlam, bizitza batekin amestuz	UNRWA Euskadi	Susanna Martín eta UNRWA Euskadi	Susanna Martín / Cristina Bueno	Edizio elebiduna	?	2021 12 ABENDUA
2021 IRAILA	Alde egin edo hil	CEAR Euskadi	Susanna Martín	Susanna Martín	Edizio elebiduna	Bego Montorio Uribarren	2021
2020 MARTXOA	Samaldan	Oxfam Intermon	Susanna Martín	Susanna Martín	Gazteleraz jatorrizkoa	Gotzone Olarra	2020ko Martxoa
2017 EKAINA	Tipi Tapa	Desazkunde eta Bizitza ona Sarea	Susanna Martín	Susanna Martín	Edizio elebiduna	?	2017 06 EKAINA
2016 11 AZAROA	Gaza Amal: Gazako zerrendan emakume ausarten istoriotxoak	UNRWA Euskadi	Susanna Martín eta UNRWA Euskadi	Susanna Martín	Edizio elebiduna	?	2016 11 AZAROA
GUZTIRA : 5 KOMIKI EUSKARAZ

BESTE AUTOREEKIN ARGITARATUTAKO KOMIKIAK

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2021 10 URRIA	Beste Aldetik Hemengo eta hango trans emakumeen bizipenak komikian	Gehitu / Mugen Gainetik	Teresa Castro/Fergie Barahona/Susanna Martín/Sydney Hilton/Amalia Leiva/Estuarta Recinos/María José Manzano/Catalina Parra/Elsa Ruiz/Sara Soler/Xulia Vicente/Aitzole Araneta	Teresa Castro/Sydney Hilton/María José Manzano/Susanna Martín/Catalina Parra/Elsa Ruiz/Sara Soler/Xulia Vicente	Jatorrizkoa Gazteleraz/Bi edizio aldiberean, gazteleraz eta euskaraz	?	2021 urria
2021 10 URRIA	Tupust! 2.	Tupust! Kolektiboa/Egilea editore	Tupust! Kolektiboa	Tupust! Kolektiboa	Euskaraz Jatorrizkoa		2021eko Urria
2019 01 URTARRILA	Opil eta Muxilen binetak komiki lesbikoak bi ertzetatik	Gehitu / Mugen Gainetik	Susanna Martín / Teresa Castro / Belizza Buzollo Carla Berrocal / Sheila Alvarado / Nacha Wollenweider / Victoria Rubio / Katherine Supnem / Miriam Muñoz / Xulia Vicente	Susanna Martín / Teresa Castro / Belizza Buzollo Carla Berrocal / Sheila Alvarado / Nacha Wollenweider / Victoria Rubio / Katherine Supnem / Miriam Muñoz / Xulia Vicente	Jatorrizkoa Gazteleraz/Bi edizio aldiberean, gazteleraz eta euskaraz	?	2019 Viñetas de tortas y bollos (Gehitu eta Mugen Gainetik)