Maddalen Arzallus Antia

Maddalen Arzallus Antia 1990 urtean jaiotako bertsolari hendaiarra da. Wikipediaren arabera Gaztea irratiko 'Dida' eta Euskadi Irratiko 'Faktoria' saioetako kolaboratzailea da eta 2015etik aurrera Euskal Telebistako saio ezberdinetan parte hartu du: 'Zuek hor' eta 'Gure kasa' saioetan kolaboratzaile eta 'Biba Zuek' saioan aurkezle. Ipar Euskal Herriko Hitza eta Gaztezulo aldizkarietan kolaborazioak idatzi izan ditu.

Itzulpengintza eta interpretazio ikasketak egin zituen Euskal Herriko Unibertsitatean eta Asterix pertsonariaren azken komikien euskaratzaile izan da. Bi uda igaro zituen San Petesburgoko Unibertsitatean errusiera lantzen.

9 urterekin hasi zen Hendaiako bertso-eskolan. Hiru aldiz izan zen txapeldun Euskal Herriko Eskolarteko Txapelketan, 2004an, 2005ean eta 2007an. 2008an Xilaba Bertsulari Xapelketako finalista izan zen, eta ondoren 2009ko Bertsolari Txapelketa Nagusian parte hartu zuen.

Kantuan eta gitarra jotzen ere aritu da eta Obaneuke erromeria taldeko kide izan da.

Zestoako Bakun itzulpengintza enpresan bi urtez lan egin zuen itzultzaile lanak egiten, besteak beste eskoletako testuliburuak itzultzen eta 2013 urtean 'Zesarren Papiroa' Asterixen komikia euskaratu zuen, ordurarte ardura hori izan zuen Usua Lasarekin batera.

1996 urterarte Elkar argitaletxeari esker argitaratu ziren Asterixen komikiak euskaraz, baina 2001 urtetik aurrera Salvat etxeak eskuratu zuen Espainiako Estatuko hainbat hizkuntzetan sail hau argitaratzeko eskubidea ('Asterix eta Latraviata' komikiaren argitaratzean Alberdaniak ere parte hartu zuen).

SALVAT/BRUÑO-ren eskutik argitaratu dira 2009tik aurrera Asterixen XX. mendeko komiki istorikoen berrargitalpenak eta baita XXI. mendean Uderzok eta ondoren Jean-Yves Ferri eta Didier Conradek egindako istorio berrien Espainiako Estatuko merkaturatzeak.

Bakun itzulpengintza enpresa arduratu zen euskarazko bertsioetaz: 2009an Joseba Ossa eta Usua Lasa lankidetzan aritu ziren 'Asterix eta Obelixen urtebetetzea: urrezko liburua' euskaratzeko: ondoren Usua Lasa izan zen edizio historikoaren 'Asterix Galiarra' lehen aletik hasita 10. aleraino itzultzaile nagusiaa, 7. eta 8. aleetan izan ezik, Ramon Iriartek itzuli baitzituen; Usua Lasak'Asterix eta piktoak' komikia itzultzean etapa berria ireki zuen: 2013 urtean 'Zesarren Papiroa' Maddalen Arzallusekin batera euskaratu zuen, eta 2016 urtetik aurrera Maddalen Arzallus arduratu da euskarazko bertsioetaz.

Ondorioz Maddalen Arzallusek guztira Asterixen dozena bat komiki ekarri ditu euskarara: batetik XX mendeko komiki klasikoen edizio berriak ('Asterix : Arbernoko ezkutua', 'Asterix Olinpiar Jokoetan'...), eta bestetik 4 album Didier Conrad eta Jean-Yves Ferri bikoteak sortuak eta azken honen ordez Fabcaro gidoilariaren eskutik 2023ko 'Lirio zuria'.

2021 urtean Éditions Albert Renék 'Idéfix et les Irréductibles' komiki saila argitaratzeari ekin zion, izen bereko telebistako animazio serie bat emititzen hastearekin batera. Frantziar Estatuan 6 komiki album argitaratu dira orain arte, bakoitzak 3-4 istorio labur dituelarik. Gidoilari eta irudigile ezberdinek parte hartu dute istorioen sorkuntzan, batzuk hasieratik, beste batzuk azken zenbakietan, batzuk istorioren batean eta beste batzuk anitzetan.

Gazteleraz eta katalanez 2022 urtean argitaratu zen lehen albuma, eta euskaraz 2023ko otsailean heldu zen lehen liburukia liburudenda eta liburutegietara eta urte bereko azaroan bigarrena. 2024 urteko udaberri udazkenean 2 ale gehiago argitaratu dira eta irailean iritsiko da saltoki eta liburutegietara 5. liburukia, 'Idefix eta Druida': bertan Idefixek Asterixen istorioetako hainbat pertsonai ezagutuko ditu, besteen artean Panoramix eta Amnésix druidak ('Le combat des chefs') baita 'Aztia' abenturako Prolix ere edo 'Urrezko Igitaia' istorioko Amérix.

XXI mendean argitaratu diren Asterix-en gainontzeko istorioekin egin bezala, Maddalen Arzallus Antiak euskaratu ditu lan hauek, Bakun itzulpen zerbitzuak enpresaren bidez.

Martxoan Idefix eta menderakaitzak sailaren 3. komikia argitaratuko da, Arzallusen eskutik euskara egokitutako izenburu ederra duena: Luteziako bizitzia.

IDEFIX ETA MENDERAKAITZAK

Martxoan Idefix eta menderakaitzak sailaren 3. komikia argitaratu da, Arzallusen eskutik euskara egokitutako izenburu ederra duena: Luteziako bizitzia. 4. zenbakia,'Menderakaitzen zirkua' ekainean argitaratu da.

K.A. 52. urtean gaude. Erromatarrek Lutezia osoa armaz hartuta daukate osoa ez! Idefix buru duela, Luteziako animalia menderakaitzen banda batek oraindik ere burua makurtu gabe eusten die indarrez sartu nahi dutenei. Eta bizimodua ez da batere erosoa Lutezia erromatartu nahi duten Labienus jenerala eta haren txakur taldearentzat. 

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2023 02 OTSAILA	Latinari zaunka!	SALVAT/BRUÑO Idefix eta menderakaitzak Saila 1	Yves Coulon / Matthieu Choquet / Jérôme Erbin (Gosciny eta Uderzoren Asterix saila erreferentzia bezala hartuta)	Philippe Fenech / Jean Bastide (Uderzoren Asterix saileko irudiak erreferentzia bezala hartuta)	Jatorrizkoa frantsesez	Maddalen Arzallus Antia	2021ean, 'Pas de quartier pour le latin!'Les Editions Albert René
2023 11 AZAROA	Kroketak erromatar erara	SALVAT/BRUÑO Idefix eta menderakaitzak Saila 2	Hervé Benedetti/Michel Coulon/Simon Lecocq (Gosciny eta Uderzoren Asterix saila erreferentzia bezala hartuta)	Philippe Fenech / Jean Bastide(Uderzoren Asterix saileko irudiak erreferentzia bezala hartuta)	Jatorrizkoa frantsesez	Maddalen Arzallus Antia	2022an, 'Les Romains se prennent une gamelleLes Editions Albert René
2024 03 MARTXOA	Luteziako bizitzia	SALVAT/BRUÑO Idefix eta menderakaitzak Saila 3	Olivier Serrano Marine Lachenaud (Gosciny eta Uderzoren Asterix saila erreferentzia bezala hartuta)	David Etiene /Philippe Fenech (Uderzoren Asterix saileko irudiak erreferentzia bezala hartuta)	Jatorrizkoa frantsesez	Maddalen Arzallus Antia	2022an 'Ça balance pas mal à Lutèce!'Les Editions Albert René
2024 06 EKAINA	Menderakaitzen zirkua	SALVAT/BRUÑO Idefix eta menderakaitzak Saila 4	Yves Coulon / Simon Lecocq / Cédric Bacconnier (Gosciny eta Uderzoren Asterix saila erreferentzia bezala hartuta)	David Etiene /Philippe Fenech/Rudy(Uderzoren Asterix saileko irudiak erreferentzia bezala hartuta)	Jatorrizkoa frantsesez	Maddalen Arzallus Antia	2023an 'Les Irréductibles font leur cirque'Les Editions Albert René

ASTERIX BILDUMA KLASIKOA XXI mendean Jean-Yves Ferri eta Didier Conradek egindako istorio berriak eta 2023 urtean Fabcaro gidoilariaren eskutik heldutako 'Lirio zuria'.

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2023 10 URRIA	Lirio zuria	SALVAT/BRUÑO Asterix Bilduma Klasikoa 40	Fabcaro	Didier Conrad	Frantsesetik itzulia	Maddalen Arzallus Antia	2023 10 urria 'L'Iris blanc' Les Editions Albert René
2021 10 URRIA	Asterix eta grifoa	SALVAT/BRUÑO Asterix Bilduma Klasikoa 39	Jean-Yves Ferri	Didier Conrad	Frantsesetik itzulia	Maddalen Arzallus Antia	2021 10 urria 'Asterix et le griffon,' Les Editions Albert René
2019 10 URRIA	Vertzingetorixen alaba	SALVAT/BRUÑO Asterix Bilduma Klasikoa 38	Jean-Yves Ferri	Didier Conrad	Frantsesetik itzulia	Maddalen Arzallus Antia	2019 10 urria 'La Fille de Vercingétorix', Les Editions Albert René
2017 10 URRIA	Asterix Italian	SALVAT/BRUÑO Asterix Bilduma Klasikoa 37	Jean-Yves Ferri	Didier Conrad	Frantsesetik itzulia	Maddalen Arzallus Antia	2016 10 URRIA Astérix et la Transitalique Les Editions Albert René
2015 10 URRIA	Zesarren Papiroa	SALVAT/BRUÑO Asterix Bilduma Klasikoa 36	Jean-Yves Ferri	Didier Conrad	Frantsesetik itzulia	Maddalen Arzallus Antia/Usua Lasa	2015 10 URRIA Le Papyrus de César, Les Editions Albert René

ASTERIX BILDUMA KLASIKOA MADDALEN ARZALLUS ANTIAREN ITZULPENAK. XX mendean Goscinny eta Uderzok sortutako lanak

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2023 11 AZAROA	Bidaia handia	SALVAT/BRUÑO Asterix Bilduma Klasikoa 22	Goscinny	Uderzo	Frantsesetik itzulia	Maddalen Arzallus Antia	1975, La Grande Traversée
2022 11 AZAROA	Zesarren oparia	SALVAT/BRUÑO Asterix Bilduma Klasikoa 21	Goscinny	Uderzo	Frantsesetik itzulia	Maddalen Arzallus Antia	1974, Le Cadeau de César
2022 11 AZAROA	Asterix Korsikan	SALVAT/BRUÑO Asterix Bilduma Klasikoa 20	Goscinny	Uderzo	Frantsesetik itzulia	Maddalen Arzallus Antia	1973, Astérix en Corse
2020 11 AZAROA	Aztia	SALVAT/BRUÑO Asterix Bilduma Klasikoa 19)	Goscinny	Uderzo	Frantsesetik itzulia	Maddalen Arzallus Antia	1972, Le Devin
2020 11 AZAROA	Zesarren erramu-koroa	SALVAT/BRUÑO Asterix Bilduma Klasikoa 18)	Goscinny	Uderzo	Frantsesetik itzulia	Maddalen Arzallus Antia	1972, Les Lauriers de César
2019 11 AZAROA	Jainkoen Egoitza	SALVAT/BRUÑO Asterix Bilduma Klasikoa 17)	Goscinny	Uderzo	Frantsesetik itzulia	Maddalen Arzallus Antia	1971, Le domaine des dieux
2019 11 AZAROA	Asterix Helvetian	SALVAT/BRUÑO Asterix Bilduma Klasikoa 16)	Goscinny	Uderzo	Frantsesetik itzulia	Maddalen Arzallus Antia	1970, Astérix chez les Helvètes
2018 11 AZAROA	Liskarra	SALVAT/BRUÑO Asterix Bilduma Klasikoa 15)	Goscinny	Uderzo	Frantsesetik itzulia	Maddalen Arzallus Antia	1970, La zizanie
2018 11 AZAROA	Asterix Hispanian	SALVAT/BRUÑO Asterix Bilduma Klasikoa 14)	Goscinny	Uderzo	Frantsesetik itzulia	Maddalen Arzallus Antia	1969, Astérix en Hispanie
2017 05 MAIATZA	Asterix eta pertza	SALVAT/BRUÑO Asterix Bilduma Klasikoa 13)	Goscinny	Uderzo	Frantsesetik itzulia	Maddalen Arzallus Antia	1969 Asterix et le chaudron
2016 06 EKAINA	Asterix Olinpiar Jokoetan	SALVAT/BRUÑO Asterix Bilduma Klasikoa 12)	Goscinny	Uderzo	Frantsesetik itzulia	Maddalen Arzallus Antia	1968 Astérix aux Jeux Olympiques
2016 10 URRIA	Asterix : Arbernoko ezkutua	SALVAT/BRUÑO Asterix Bilduma Klasikoa 11)	Goscinny	Uderzo	Frantsesetik itzulia	Maddalen Arzallus Antia	1968 Le bouclier arverne