Koldo Biguri

Koldo Biguri Gasteizen 1962 urtean jaiotako idazlea, euskaltzain urgazlea eta itzultzailea eta interpretea da.

Wikipediaren arabera

Senez aldizkariko zuzendari izan zen 1994-1999 bitartean, eta EIZIEko lehendakari 2000-2002 urteetan.

Birritan irabazi du Ignacio Aldecoa ipuingintza saria, Halabeharraren lerroak eta Gaueko ekaitzaren zain lanekin. Donostia Hiria literatur saria ere irabazi zuen 1996an, 'Eguzkia ezkutatzen denean' lanari esker. Beste hiru ipuin ere argitaratuak ditu 'Ezpataz hil' liburuxkan.

Txikipediaren bultzatzaileetako bat da.

ITZULPENGITZA ETA KOMIKIGINTZA

Nor da Nor atariaren arabera 1992an hasi zen literatura itzultzen, gehienbat literatura italiarra. 2000 urtean, Napoliko Unibertsitatean egin zuen lan, euskal morfologiako irakasle gisa. Gaur egun, Euskal Herriko Unibertsitateko irakasle da Gasteziko Letren Fakultatean.

Halaber, euskal itzultzaile aitzindarien memoria historikoaren berreskuratzen lanetan ibili da, Lurdes Auzmendirekin batera, EIZIEk argitaratzen duen “Itzulpen Antologia” bilduman.

2020an, (H)ilbeltza beka irabazi du, Massimo Carlottoren Arrivederci amore, ciao nobela beltza itzultzeko.