Elizabeth Casillas
Elizabeth Casillas Bilbon 1986 urtean jaiotako kazetaria, komikien alorreko eragilea eta komiki gidoilaria da.
Kazetaritzan lizentziatu zen Euskal Herriko Unibertsitatean.
2013 urtean Cactus aldizkari kulturalaren sortzaileetako bat izan zen: komikiari buruz idazten du bertan eta baita Cuco/Cuadernos de Cómic aldizkarian, El Correo egunkariko 'Territorios' gehigarian, Mincho, Rockdelux, Jot Down, Z, El Balanzin...
ACD comic atariaren arabera 2016tik Bilboko Joker liburu-dendan komiki irakurle klub bat koordinatzen du, argitaratu berri diren komikiak aurkezten ditu, komikiari buruzko hainbat mahai-inguru moderatu eta bertan parte hartu izan du (Getxoko Komikiaren Aretoa, Zinemakumeak gara!) eta Joker liburu-dendan berrikuntzen aurkezpenen bat zuzendu du.
Borja Cresporekin batera ContraComic irrati saioa egiten du
2016tik aurrera, begirada feministatik antolatzen den "Gazteak eta blasfemak" jaialdia zuzendu du, emakumeek komikiaren eta bideo-jokoaren industrian duten papera ardatz duen jaialdia.
Jot Down eta Z aldizkarietan komikigintzaz idatzi du.
2019an 'Raras' bilduman parte hartu zuen.
2019 Higinia Garay Zarate ilustratzaileak "La palabra que empieza por A" proiektuari esker Eusko Jaurlaritzaren komikiak sortzeko diru laguntza deialdiko sari bat irabazi zuen. Elizabeth Casillasekin batera garatu zuen gidoia, eta Astiberrik 2022 urtean argitartu zuen komikia.
2020 urtean ‘Emakume guztiok’ komiki liburua argitaratu zen Mundu Bat Gobernuz Kanpoko erakundearen eta Astiberriren eskutik: Mundu Baten enkarguz eta proiektu zabalago baten baitan, gidoia Elizabeth Casillasek egin zuen eta marrazkiak Higinia Garayk egin zituen. El Salvadorren abortu delitua egotzita espetxeratu dituzten emakumeak dira kontakizunaren ardatza.
Astiberriren 20. urteurrena ospatzeko Josune Urrutiarekin 'Pura suerte' fanzinerako istorio bat sortu zuen.
2022 urtean Josune Urrutiaren irudiekin berriz ere 'Volver a brotar' / 'Berriro jaio' komikia argitaratu zuen, Mugen Gainetik elkartearen enkarguz.
EUSKARAZ ARGITARATUTAKO KOMIKIAK[aldatu]
| DATA | IZENBURUA | ARGITARATZAILEA | GIDOIA | MARRAZKIAK | JATORRIZKO HIZKUNTZA | ITZULTZAILEA | JATORRIZKOAREN URTEA |
|---|---|---|---|---|---|---|---|
| 2022 02 OTSAILA | Berriro jaio | Mugarik Gabe | Elizabeth Casillas | Josune Urrutia | jatorrizkoa gazteleraz | Jone García, Aiaraldea Komunikazioa Zerbitzuak, SL | 2022 02 OTSAILA |
| 2020 07 UZTAILA | Emakume guztiok | Astiberri Mundu bat | Elizabeth Casillas | Higinia Garay | Gazteleratik itzulia | Bego Montorio Uribarren | 2020, aldiberean euskaraz eta gazteleraz "Todas Nosotras" Astiberri |
