Goio Bañales

Goio Bañales Barakaldon 1955 urtean jaiotako historialari eta ilustratzailea da. Komikigintzari dagokionez, 80. hamarkadan fanzine giroan aritu zen eta 2023 urtean 'Juan de Zubileta abentura itzela' komikiaren gidoia sortu zuen, bere seme Jon Mikelek irudietara eraman zuena.

80. hamarkadan Javier Ruiz San Miguelek sortutako irudigile agentzian lanean aritu zen hainbat sortzailerekin batera: Álex de la Iglesia, Arturo García ‘Biaffra’, Joaquín Ágreda, Pedro Hilario, Jon Mercero, Rober Garay... Lan orduetatik kanpo, beste proiektu batzuetan ere aritu ziren: adibidez 1984 urtean 'Trokola nuevo comic vasco' proiektuan, eta bertan parte hartu zuen ere María José López, gerora bere emaztea izango zena.

Ondoren profesionalki irakaskuntzan aritu zen, eta urte hauetan guztietan historiari lotutako ikerketak egin ditu eta hainbat liburu argitaratu, beste gaien artean hauek landuz: Portugaleteko maiorazgoak, Enkarterri eta Ezkerraldea eremuei buruzko ikerketak, 'Somorrostro, mendebaldeko euskararen muga', Deiadar Mendiei buruzko ikerketak, Francisco Garayren biografia, ... Bizkaiko Hitzan elkarrizketa egin zioten Encartaciones. Documentos para su historia (1297-1821) lanaren arira.

Liburu hauetako batzuetan bere seme Jon Mikel arduratu zen irudietaz, eta 2023 urtean 'Juan de Zubileta. Abentura itzela' komikia sortu zuten elkarlanean.

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2023 03 MARTXOA	Juan de Zubileta Abentura itzela!	Barakaldoko Udala Bizkaiko Foru Aldundia Bilboko Portuaren Agintaritza	Goio Bañales	Jon Mikel Bañales	Gazteleraz Jatorrizkoa	Idoia Barceló Cuñado	2023 martxoa, aldiberean gazteleraz eta euskaraz