Jacob. Gaueko langilea
| DATA | 2021 abendua (jatorrizkoa frantsesez 2017 'Le Travailleur de la nuit', Edit Rue de Sèvres) |
|---|---|
| IZENBURUA | JACOB. GAUEKO LANGILEA |
| ARGITARATZAILEA | txalaparta |
| GIDOIA | Matz |
| MARRAZKIAK | Léonard Chemineau |
| JATORRIZKO HIZKUNTZA | Frantsesez |
| ITZULTZAILEA | Bego Montorio Uribarren |
| FORMATUA | Cartoné |
| TAMAINA | 21 x 28 Zm |
| ORRIALDE KOPURUA | 128 orrialde |
| SALNEURRIA | 24,5 euro |
| ISBN | 9 978-84-18252-75-4 |
ARGITALETXEAK ESKANITAKO DESKRIPZIOA[aldatu]
Alexandre Jacobek ezohiko bizitza izan zuen. Bere lagun taldearekin, kazetariek “Gaueko langileak” izendatu zutena, hankaz gora jarri zuen Frantzia, hamaika desjabetze eginda. Ohar umoretsuak uzten zizkieten aberatsei, eta argi utzi ez zela beren poltsikoak betetzeko, gizarte ustela eraitsi eta beharra zutenen artean banatzeko baizik. Artean mutikoa zela, mundua korritu zuen ontzi-mutil eta marinel lanetan. Ikasbide izan zuen ikusitakoa, eta sinesmen anarkistak sortu zitzaizkion. Injustizia eta hipokrisia jasangaitzak bihurtu zitzaizkion, eta horiei aurre egiteak kartzelara eta ezin lan egitera eraman zuten. Orduan ekin zien desjabetze antolatuei. Epaiketa entzutetsu baten ondotik, non bai epaileaz eta bai epaimahaikideez trufatu baitzen, uharte bakartu batean bortxazko lanetara kondenatu zuten bizitza osorako. Haren ibilbidea ezagututa, ordea, nekez pentsatuko dugu hola bukatuko zituela bere egunak; urte eta bizimodu gogorren ondoren, itzultzeko modua ere aurkitu zuen.Zintzoa eta zuzena, argia eta eskuzabala, sutsua eta sentibera, Alexandre Jacobek lilura sortu izan du, lehen bezala orain, ustez Arsène Lupin pertsonaia inspiratzeraino. Gizon kementsu baten historia epikoa da hau, munduan oihartzun egiten jarraitzen duena.
Komikiak Lycéen Social eta Quais du Polar Sariak jaso zituen 2019an.
