Katu hegoduna
| DATA | 2013 Iraila (Gaztelerazko bertsioa ere batera argitaratu zen) |
|---|---|
| IZENBURUA | KATU HEGODUNA |
| ARGITARATZAILEA | Saure |
| GIDOIA | Yurre Ugarte |
| MARRAZKIAK | Joseba Larratxe Josevisky |
| JATORRIZKO HIZKUNTZA | Euskara |
| FORMATUA | Formatu digitalean |
| TAMAINA | ? |
| ORRIALDE KOPURUA | 22 orrialde |
| SALNEURRIA | 4,27 euro |
| ISBN | 978-84-15460-50-3 |
katu hegoduna Saure Argitaletxeak 2013 urtean Yurre Ugarteren gidoiaz eta Joseba Larratxe Joseviskyren marrazkiekin argitaratutako komiki digitala da, paperean inoiz argitaratu ez dena. Euskara eta gaztelaniazko bertsioak aldiberean argitaratu ziren.
Parisko liburu denda baten jabeak Zuberoatik haraino eramandako katu hegodunak Louvre museoko langile batengan eragiten duen lilura da kontaketaren abiapuntua.
Yurre Ugarteri komikiaren gidoia egiteko enkargua egin zion Saure Argitaletxeak.
Argia Aldizkarirako Imanol Ubedak egindako elkarrizketan enkarguak baldintza zehatzak zituela nabarnentzen du Ugartek: "orrialde kopuruaz gauz, istorioak behar baitzituen izan: katu bat, artelan klasikoak eta museo bat, non katua sartuko zen." Dena den, enkarguzko lanaren barruan Ugartek adierazi du askatasun handia sentitu zuela eta errez egin zitzaiola istorioa berea egitea.
Gidoia bere kabuz egin zuen Ugartek, nork marraztuko zuen jakin gabe, "Gidoia oso zehatza zen, jakina, leihoz leiho, orrialdez orrialde sortua."
Gidoilariak kontatzen duenez "hasiera batean Madrilgo marrazkilari batek egin behar zuen Katu hegoduna, baina gero Josebaren esku utzi zuen editoreak. Zorionez."
Lehenik ere bi autoreek elkarrekin lan egin zuten beste proiektu batean, eta Yurre Ugartek bien arteko "sormenerako konexioa" nabarmendu du.
Gidoilari eta marrazkilariak egokitzapen batzuk adostu zituzten eta Ugartek dio Larratxek " marrazkien bidez istorioak behar zuen girotzea lortu zuen. " Larratxek adierazi du Paris marrazten gozatu duela, baina leku tipikoak saihestuz.
https://www.ecomic-experience.com/albisteak/katu-hegoduna/229/?Lang=E
