Azala

Euskaraz argitaratu diren komikien datutegia izan nahi du Komikipediak

Komikien bidez adierazten diren sortzaile ugari daude gure herrian, eta ez dira gutxi euskaraz aritzen direnak; era berean, azken urteotan beste hizkuntzetan sortutako komikiak euskarara itzultzeko joera indartu da. Euskaraz komikien alorrean dagoen eskaintza hori guztia ezagutarazteko asmoa du Komikipediak.

• 2024 URTEAN EUSKARAZ ARGITARATU DIREN KOMIKIAK, JARDUERAK...AURREIKUSPENAK
• 2023 URTEKO KOMIKI ARGITALPENAK
• 2024 URTEKO KOMIKI LEHIAKETAK
• EUSKARAZ ARGITARATUTAKO KOMIKIAK EUSKARRI DIGITALEAN

URTEZ URTE EUSKARAZ ARGITARATUTAKO KOMIKIAK

2021	2022	2023	2024
36 Komiki eta 5 berralgitarapen	55 KOMIKI PAPEREAN > 6 EUSKARRI DIGITALEAN > 7 BERRALGITALPEN	AZKEN DATUEN ARABERA 56 KOMIKI EUSKARAZ 2 BERRALGITALPEN	ORAINGOZ 40 KOMIKI EUSKARAZ ______________ ARGITARATZEA AURREIKUSTEN DIREN BESTE KOMIKIAK, JARDUNALDIAK...

2011	2012	2013	2014	2015	2016	2017	2018	2019	2020
15 komiki	6 komiki	9 komiki	10 komiki	20 komiki	20 komiki	29 komiki	24 Komiki eta 4 berralgitarapen	33 Komiki eta 3 Berralgitaralpen	28 Komiki eta 4 Berralgitaralpen

2000	2001	2002	2003	2004	2005	2006	2007	2008	2009	2010
2 komiki	9 komiki	9 komiki	7 komiki	7 komiki	8 komiki	13 komiki	8 komiki	7 komiki	9 komiki	6 komiki

Urte bakoitzeko komiki uzta ezagutu nahi duenak ezin du soilik albumetara mugatu: euskarazko komikigintza prentsa eta aldizkarietan bizi bizi dago (urtean lau aldiz kaleratzen den Xabiroi aldizkaria da adibiderik garbiena) eta baita interneten ere, eta H28ren "berpizkundea" da adibiderik argiena eta paperaz haratago autore ugari sarean partekatzen ari baitira beraien lanak; badira ere orrialde kopuru murritzeko komikilan ederrak, jardunaldiak,hitzaldiak, komiki eta marrazkien zuzeneko sorkuntza ekimenak, erakusketak,komiki tailerrak...

Urteroko paperezko komiki albumaren euskarri fisikoa da Komikipediaren ardatza, pentsatzen baitugu oraindik ere papera dela komikigile, argitaletxe eta autoeditore, liburudenda eta komikizaleak lotzen dituen zaindu beharreko marra fina. Dena den, Euskarri digitalean eskuragarri dauden komikien zerrenda bat osatzen ari gara ere.

Euskaraz komikien alorrean dagoen eskaintza guzti hori ezagutarazteko asmoa du Komikipediak. Hasiera batean azken hamarkadetan argitaratu diren komiki albumak zerrendatu nahi ditugu, eta album bakoitzak aukera emango digu autoreak, argitaletxeak, itzultzaileak... hobeto ezagutzeko. Apurka apurka, hasi gara ere komikiaren inguruko Jardunaldi, Azoka,Lehiaketa, Dokumentazio Gune eta beste ekimen batzuei buruzko informazioa gehitzen.

Komiki Lehiaketen atala sortu dugu, komikigileentzako informazio iturri izan dadin eta zaleek ere ezagutu ditzaten sortzaileen lanak.

Komikiaren mundua ikusgarria bada, euskarazko komikia ikusgarri egin dezagun!

Eta guzti hau komikizaleon arteko elkarlanari esker egin dezakegu, Wiki honetarako eduki berriak sortuz eta dagoen informazioa osatuz edo akatsak zuzenduz.

2018an KulturKlik atariak eta Xabiroi Aldizkariak Komikipediari buruzko elkarrizketak argitaratu zituzten.

2023ko martxoan Gaur8 aldizkariak erreportai zabala egin zuen 2022an argitaratutako euskarazko komikien inguruan, eta Komikipediari buruzko informazioa jaso zen bertan. Goienak ere artikulu bat idatzi zuen gai honi buruz.

Gurekin harremanetan jarri nahi baduzu idatzi komikipedia(abildua)gmail.com helbidera

INFORMAZIO ITURRIAK

DATA	IZENBURUA	ARGITARATZAILEA	EGILEAK	JATORRIZKO HIZKUNTZAK
2018	Komikia:euskal komikia 1975-2017 El cómic vasco	Bizkaiko Foru Aldundia	Mikel Begoña / Kike Infame	Euskaraz eta Gazteleraz

DATA	IZENBURUA	ARGITARATZAILEA	KOORDINATZAILEAK	EGILEAK	JATORRIZKO HIZKUNTZA
2017	Egungo euskal komikiaren historia	Euskal Herriko Unibertsitatea, Argitalpen Zerbitzua	Jon Kortazar Uriarte Zuzendaria/Iratxe Retolaza Alearen Arduraduna	Ibon Egaña, Xabier Etxaniz, Jon Kortazar, Paulo Kortazar, J.M. López Gaseni, Alvaro Rabelli, Iratxe Retolaza, Francisco Javier Rojo Cobos, Amaia Serrano	Euskaraz

DATA	IZENBURUA	ARGITARATZAILEA	EGILEA	JATORRIZKO HIZKUNTZA
2023	Euskal komiki-liburuak. Goranzko joera baten azterketa	Nafarroako Gobernua. Fontes Linguae Vasconum Aldizkaria 136 zenbakia.	Naroa Zubillaga	Euskaraz

SAREAN ESKURAGARRI

Iturria	Deskribapena
E-gor Blog	Igor Leturiak 2004 urtean jarri zuen martxan teknologia eta komikiei buruzko Bloga. Xabiroi Aldizkarian eta Deiaren Ortzadar gehigarrian komikigintzaz aritzen da ere. 2016 urtetik 2019 urtera Intxaurrondoko euskarazko komikiki solasaldiak dinamizatu ditu.
Komikeri	Mikel Begoñak 2012 urtean hasi zuen Euskarazko komikien bloga izenpean euskaraz argitaratu den komikigintza biltzeko ahaleginean. Euskal komikigintzari buruzko erakusketak egin ditu ere eta 2017an Komikia:euskal komikia 1975-2017 El cómic vasco liburua argitaratu zuen Kike Infamerekin batera. Komikietarako gidoiak egin ditu.
Intxaurrondo Kulturetxeko komiki atala sarean	Donostiako Intxaurrondo Kulturetxeak komikigintzaren inguruko programazioa garatzen du, eta Netvives aplikazioaren bidez komikigintzari buruzko informazio ugari eta eguneratua eskaintzen du, hainbat webgunetako informazioa bateratuaz.
lainomehe	Euskaraz argitaratzen diren komikiei buruzko informazioa jasotzen da Blog honetan, eta gustuko dituzten komikiak itzuli eta euskal irakurleekin konpartitu nahi dituzte.
Wikipedia	Euskarazko Wikipedian komikiei buruzko informazio ugari dago. Wikiproiektu bat antolatu da informazioa osatzeko
Tebeosfera	komikia, eleberria, zinema, jolasak eta herri kultura grafikoari buruzko ataria. Komiki autoreei buruzko atalean euskaraz argitaratu duten asko daude.
Komik10: euskal komikia azkeneko hamarkadan (2000-2009)	Donostiako Udal Liburutegien Sareak argitaratu zuen gidan 2000-2009 urteen artean helduentzako euskaraz edo gazteleraz argitaratu ziren euskal komikiak ezagutzera eman nahi izan zituen: berrogei egiletik gora eta ehun eta hogeita hamar lan baino gehiago bildu ziren gida. Autore bakoitzari buruzko biografiaz eta bibliografiaz gain, Donostian 2004. urtetik antolatu diren Komiki Jardunaldiei buruzko laburpen bat txertatzen da ere. Donostiako Liburutegiek komikientzako sail berezituak dituzte.
Euskomik katalogoa	2010 urtean Bartzelonako Komikiaren Nazioarteko Erakusketaren 28. edizioan Euskadiko Autonomi Elkartea izan zen ohorezko gonbidatua eta hainbat marrazkilarien lanekin gida bat argitaratu zen.
1976-2006: 30x30 gure komikiaren tamaina	2006 urtean Gasteizko Atiza komikien marrazkilari elkarteak 30x30 gure komikiaren tamaina 1976-2006 erakusketa antolatu zuen, 30 autoreen lanekin. Liburu batean eta internet sarean eskuragarri jarri zituzten erakusketako edukiak.
Komikigunea	2014 urtetik Komikigunea komikiaren mundua kontsultatzeko eta ikertzeko gunea da, Koldo Mitxelena Kulturuneko Liburutegiak sortua eta Donostiako Errege-Erregina Katolikoen kalean kokatua. Bilduma horren osagarri da KMK-ko Liburutegiko Komikiteka aretoa, non azken hamarkadetako 4.000 komiki dauden eskuragarri, irakurri edo maileguan hartzeko. On-line katalogoaren bidez ezagutu daitezke funts hauek.
Sancho el Sabio Fundazioa	Sancho el Sabio Fundazioa Gasteizen kokatua dago eta euskarari eta euskal kulturari buruzko bibliografia eta agiri funtsak jasotzen dituen dokumentazio-zentroa da, tartean komiki eta fanzine ugari. Euskaraz argitaratutako komikigintza katalogatua dute
Nor da Nor euskal itzulpengitzaren datu basea (EIZIE)	Euskal Itzultzaile, Zuzentzaile eta Interpreteen Elkarteak Nor da Nor euskal itzulpengitzaren datu basea du sarean, eta testu motaren artean komikiak katalogatuak dituzte, batzuk _Haur eta gazte" atalean, beste batzuk "Literatura" atalean; aldiz, Asterixen Edo Harriet etxearen komiki batzuk "testu mota=Haur literatura" kategorian jaso dituzte.
Euskal Literaturaren Apalategia (ELA)	Juan Luis Zabala 2000. urtean hasi zen literatura-sorkuntzako liburuen erreferentzia bibliografikoak biltzen, komikiak barne, eta urtero argitaratu izan ditu paper euskarrian. Atari honetan informazio hori guztia datu-base bakarrera ekarri da; aukera dago urtez urteko zerrendak bistaratzeko ere.
Xabiroi Aldizkaria	Ikastolen Elkarteak argitaratutako Xabiroi komiki aldizkaria 2005 urtetik euskarazko komikigintzaren erreferenterik garrantzizkoena bilakatu da.
H28 Aldizkari Saretirikoa	H28 komiki aldizkari saretirikoaren lehen alea 2015 urteko urtarrilean sareratu zen, eta azkena izan zen 28. alea 2017ko iralean. 28 aleetan zehar 40 marrazkilari inguruk parte hartu zuten aldizkarian. Internet sarean zintzilikatzen zuten aldizkaria, eta 2015 eta 2016 urteetan urtekari bana argitaratu zuten paperean. Charlie Hebdo aldizkari satirikoaren erasoaren ondotik Iñigo Astiz kazetariak adierazpen askatasuna eta umoreari buruzko solasean jarri zituen Asisko Urmeneta, Patxi Huarte Zaldieroa eta Marc Armspach Marko marrazkilariak eta Berria egunkarian argitaratu zuen emaitza. 4en arteko elkarrizketan bertan sortu zen euskal aldizkari satiriko bat sortzeko ideia.
Argia Aldizkariaren komikia atala	Argia Aldizkariaren argitaletxeak komikiari garrantzia eman izan dio beti, jarraitutasunez autore anitzen lanak argitaratu ditu aldizkarian eta album formatuan (Olariaga, Mattin, Marko, Asisko, Lope, Adur, Josevisky, Altza Porru/Bizi Baratzea proiektua ...) eta elkarrizketa eta analisien bidez komikigintzari buruzko artikulak maiztasunez plazaratzen ditu. Interneteko atarian komikiari eskainitako atala eta Jon Tornerren Slump Doktorearen Zaintiratua Bloga harreman honen adierazgarri dira.
Berria Egunkaria	Bere garaian Egunkarian eta gaur egun Berrian, komikigintzari arreta berezia jarri izan zaio beti. Imanol Mercerok komikiei buruzko literatur kritika argitaratu ohi du maiztasunez.
Bedetheque	Frantsesez eta batez ere hizkuntza honetan argitaratutako komikiei buruzko datu basea.
Lambiek atariko Comiclopedia	Lambiek 1968 urtean Amsterdam-en sortutako komiki denda da, beraien hitzetan Europako lehena eta zaharrena. Bere webguneko Comiclopedia (ingelesez) autore eta komikiei buruzko datu basea da, eta euskal autore batzuei buruzko informazioa ere agertzen da bertan.
Komiki gomendagarriak. (Lemmy.eus)	Lemmy.eus foroan mikelgs erabiltzaileak botatako "Komiki gomendagarriak?" galderari erantzunez hainbat erabiltzaileen erantzunak jasotzen dira: bozkatzeko aukera eskaintzen du, emandako erantzunak gora edo behera mugitzeko aukera...
Paperjale	Paperjalen komikiei buruzko irakuleen iritziak jasotzen dira.