Jack Manini

Jack Manini 1960 urtean Montargis en Loiret frantziar herrian jaiotako komiki marrazkilari eta gidoilaria da.

Haurtzaroan 6-8 urterekin hasi omen zen komikiekin zaletzen eta marrazten. Wikipedian jasotzen denez, Arte Ederrak ikasi zituen Parisen eta profesionalki Pilote, Circus, Zoulou, Chic... eta beste aldizkarietan argitaratu zituen lehen komikiak.

1985 urtean argitaratu zuen bere lehen albuma, Je Swingue izenekoa; hiru urte beranduago Le Cobaye argitaratu zuen eta 1991ean L'Archimage Robert.

1995ean Arleston gidoilariarekin Mycroft trilogia sortu zuen, Raymond Maric-ekin Estelle sailean egin zuen lan 2000 urtetik aurrera, eta urtero album bat edo bi sortzen ditu, adibidez Glénatentzat La loi du kanun (kasu honetan Maniniren testuekin eta Chevereauren marrazkiekin) eta Dargaud etxerako Nécromancy (Fabien Nury-ren gidoiaz).

Haur literaturan ere aritua da idazle eta ilustratzaile gisara.

2013 urtean Bamboo etxerako S.O.S Lusitania Komikia sortu zuen, Patrice Ordas eta Patrick Cothias gidoilari zituela. Harriet etxeari esker euskaraz irakurri daiteke komiki hori. Beste komikien artean, La Guerre des amants sortu zuen gero.

2018an euskaraz argitaratu zen Tomoë komikia (Harriet Ediciones) Jack Maniniren gidoiaz eta Tiekoren marrazkiekin. Jatorrizkoak frantsesez bi album ditu, 2017ko apirilean eta 2018ko maiatzean sortuak.

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2018 10 URRIA	Tomoë:	Harriet Ediciones	Jack Manini	Tieko	Frantsesetik itzulia	Miel Angel Elustondo Etxeberria	2017/03 Tomoë (Bamboo Édition) 1. Déesse de l'eau 2018/04 2. Le miroir divin
2016 09 IRAILA	SOS Lusitania	Harriet Ediciones	Patrice Ordas / Patrick Cothias	Jack Manini	Frantsesetik itzulia	Joanes Urkixo Beitia	2013 Lehen zatia (Bamboo) 2014 Bigarren zatia (Bamboo) 2015 Hirugarren zatia (Bamboo) 2016 Osoa Gazteleraz (Harriet Ediciones)