Miren Artetxe

Miren Artetxe Sarasola 1985 urtean Lasarte-Orian jaio eta txikitatik Hendaian bizi izan den bertsolaria eta ikerlaria da.

Wikipediaren arabera Euskal Filologian lizentziatua da eta soziolinguistikan ikerlaria. Hendaiako bertso eskola sortu zenean hasi zen bertan parte hartzen.

Plazaz plaza aritzen da, zenbait sariketa irabazi ditu eta Euskal Herriko Bertsozale Elkarteko lehendakaritza taldean parte hartu du. Bertsolaritza sexu-ikuspegitik aztertu du.

Argia eta Jakin hedabideetako kolaboratzailea da.

ÑO KOMIKIA

2021ean album ilustratuak sortzeko Biko-teka ikastaroan hirukotea osatu zuten Miren Artetxe, Eli Pagola eta Maitane Gartziandiak.

Galtzagorri Elkarteak Iruñeko Udalaren babesarekin antolatzen du idazleei eta ilustratzaileei zuzendutako Biko-teka tailerra eta bidelagun izaten dituzte Etxepare album ilustratuaren sariaren antolatzaileak ere.

Argiaren webgunean kontatzen denez, "lehenago Miren Artetxeri proposatua zioten komiki bat egiteko lana, honek Maitane Gartziandia ilustratzaileari aipatua zion ordurako eta Eli Pagolarekin ere hitz eginda ziren. Garairako ARGIAk onartua zuen liburua argitaratzeko eskaera." "Iruñean ikastaroak iraun zuen astebete horretan osatu zuten gidoiaren bizkarrezurra. Eszenak proposatu zituzten bi bertsolariek, ilustratzaileak marrazkiak egin eta horiei hitza jartzea izan da azken lana."

2022 urtean Eusko Jaurlaritzako komiki proiektuak diruz laguntzeko lehiaketan sari bat irabazi zuen Gartziandiak.

2023 urteko maiatzean argitaratu du Argiak 'Ño!' komikia eta Ziburuko Liburu Azokan aurkeztu zen: bertan emakume bertsolarien esperientziatik eta esperientziez hitz egingo duen liburua ondu dute Maitane Gartziandia ilustratzaileak eta Miren Artetxek eta Eli Pagola bertsolariek. Argiak elkarrizketatu zituen sortzaile hauek.

DATA	IZENBURUA	ARGITARATZAILEA	GIDOIA	MARRAZKIAK
05 MAIATZA	Ño	Argia/Komunikazio Biziagoa	Miren Artetxe Eli Pagola	Maitane Gartziandia