Nanokomik
| DATA | 2017 abendua |
|---|---|
| IZENBURUA | Nanokomik#2 |
| ARGITARATZAILEA | CIC nanoGUNEk / DIPC |
| GIDOIA | Amaia Arregi/Aśka/Hodei Iparraguirre/Rubén Molina/Itziar Otegui/Jöse Sénder. |
| MARRAZKIAK | Aśka/Rubén Molina/Jose Sénder |
| JATORRIZKO HIZKUNTZA | Edizio eleanitza. Paperean euskaraz eta gazteleraz |
| FORMATUA | Paperean Digitalean PDF formatuan (Creative Commons lizentziapean) |
| ORRIALDE KOPURUA | 16 orrialde, 3 istorio, bakoitza 4 orrialdetakoa |
| SALNEURRIA | Doan Creative Commons lizentziapean |
CIC nanoGUNE eta Donostia International Physics Center (DIPC) ikerketa zentroek nanoKOMIK nazioarteko ekimena sustatu zuten 2016 urtean: nanofikziozko komiki parte‑hartzailea sortzeko erronka izan zen, gazteen artean nanozientzia ezagutarazteko eta gazteekin sormena lantzeko proiektua.
2016ean Proiektuaren koordinatzaileek, nanoGUNEko Itziar Otegui eta DIPCko Amaia Arregik, Gazteek erronkara aurkeztutako lanen idei onenak hartu eta Hodei Iparraguirre marrazkilari lasartearrarekin batera «Dayanne eta Murillo. Nanozientziaren boterea» komikia sortu zuten ”ohiz kanpoko nanobotereak dituzten bi zientzialari burutsuren abenturak kontatzen dituen istorio dibertigarri bat.”
2017an proiektuak jarraipena izan zuen eta horrela deskribatu zen egitasmoaren webgunean "Urtearen hasieran ezagutarazi zen nanoKOMIK erronka, eta 14 urtetik gorako 240 pertsonatik gora zituen sormen-prozesu libre batean. Erronkaren baitan antolatu zen lehiaketara 70 lan baino gehiago aurkeztu ziren euskaraz, gaztelaniaz eta ingelesez. Lan horietan partehartzaileek haien superheroiak sortu zituzten, eta nanobotereak egokitu zizkieten, nanoteknologia erabiliz materiak eskuratzen dituen ezaugarri harrigarriei esker.
Gazteen kategorian Lehenengo saria Jonas Casado Etxeberria Hernaniarrak irabazi zuen, Besaluze izeneko komikiarekin.
Bigarren saria Berako Maricielo Asto Huamanek irabazi zuen Kasu inurriekin komikiari esker.
Helduen kategorian lehenengo saria Aśka australiarrak irabazi zuen QUBLINGS - the espionage mission to plutokomikiari esker. Bigarren saria Bartzelonako Jose Sénder Quintanak irabazi zuen, Teknarialanari esker.
Webgunean komikiak bozkatzeko aukera egon zen, eta Publikoaren saria Bartzelonako Ruben Molinak irabazi zuen, Hackgirl lanari esker.
Erronkara aurkeztutako komikietako ideia onenetan oinarrituta, helduen kategoriako lehiaketako marrazkilari irabazleekin elkarlanean hiru komiki istorio berri sortu zituzten Itziar Otegui eta DIPCko Amaia Arregik: Munduaren domi(nano)zioa, Sugarra(Jose Sénder Quintana ), eta Landare Artean (Ruben Molina) eta paperean eta PDF formatu digitalean argitaratu ziren euskaraz, gaztelaniaz, frantsesez eta ingelesez.
http://www.nanokomik.com/index.php/eu/nanokomik/2017-erronka webgunean zintzilikatu zituzten gazteen lanak. Tailerrak antolatu ziren ikastettxe batzuetan eta komiki bat sortzeko prozesua PDF formatuko gida baten bidez bideo baten bidez erakutsi zuten, gazteen sorkuntza prozesurako lagungarri izateko helburuarekin.
Poiektuaren baitan erakusketa bat ere antolatu zen, euskal eta espainiar geografiako hainbat hirietan kokatzeko asmoarekin: Donostiako Komikigunean egin zen komikiaren aurkezpena eta bertan jarri zen erakusketa ere.
