Cesar Llaguno

César Llaguno Novales Barakaldoarra 1972 urtean jaiotako marrazkilaria da. Arkitektura ikasketak egin zituen baina 2007 urtetik aurrera marrazkigintza izan da bere lanbidea. Mendizalea izanik, mendia eta bidaien inguruko ilustrazio eta kontakizunetan garatu du bere marrazkilari ibilbidea. Euskaraz komikigintza eta mendizaletasuna uztartzen dituzten albumak sortu ditu Ramon Olasagastirekin batera, 2018an 'Everest. Herri oso bat gailurrean' komikia sortu zuen, 2020ean 'Inurrategi anaiak. Mendiari bihotz emanak' eta 2022an:'Andres Espinosa. Bakarrik eta libre'.

Enkarterrin gerra zibila eta diktadura frankistak izan zuen eraginari buruzko komikiak sortu ditu Balmaseda 1937 elkartearen eskutik.

"El mundo de los Pirineos","Euskal Herria", "Alpinist", "Oxígeno", "Trailrun", "Médicos del Mundo Magazine"... Eta beste hainbat aldizkarietarako egin ditu lanak. 

Bere Facebook orrian lagin ugari ditu ikusgarri: ilustrazioak, paisaiak, erretratuak, komikiak...

2011 urtean Amundsen Hego Polora iritsi zela 100 urte bete zirenean Oxígeno aldizkarian komiki bat argitaratu zuen gertakizun historiko horri buruz.

2016ean Fernando Barbero idazlearen “De guerras y revoluciones” liburua ilustratu zuen (Queimada Ediciones).

 2018 urtean Bilbao Mendi Film Festival jardunaldietan "Everest. Herri oso bat gailurrean" komikia aurkeztu zen, Ramon Olasagasti eta César Llaguno marrazkilariaren elkarlanaren emaitza. Erakusketa ere egin zen komikiaren laginekin.

2020ean 'Inurrategi anaiak. Mendiari bihotz emanak' komikia argitaratu zuen,Olasagastirekin berriz ere, Sua Argitaletxearen eskutik. Gazteleraz eta ingelesez argitaratu zen komiki hau ere.

2022 urtean gazteleraz 'Aire' komikia argitaratu zuen Juanjo Garbizurekin elkarlanean (Editorial Diéresis).

Suak eta MendiFilm Festivalek komikigintzan irekitako bidearen 3. alea 2022ko udazkenean argitaratu zen: 'Andres Espinosa. Bakarrik eta libre'.

Cesar Llagunori Felipe H.Navarro kolorista gehitu zaio azken lanetan.

2023, GERRA ZIBILA ETA DIKTADURA ENKARTERRIN

2020ko otsailean Balmasedako gerra eta diktadura frankistari buruzko 12 orrialdetako komikia argitaratu zuen Cesar Llagunok, Zunbeltz Matabuenaren testuekin, "Balmaseda 1937" elkartearen enkarguz euskara zein gaztelaniazko bertsioetan; Alberto Garai arduratu zen euskarazko bertsioaz. Garai historiko horretan hainbeste gertaera zituzten kontatzeko eta ikuspegi anitzak barneratzeko beharraren ondorioz, sormen prozesuan zehar 6 bertsio oso zirriborratu omen zituztela azken emaitza sortu arte, eta erakusketa bat egin zen Balmasedan proiektuaren barne sortutako marrazkiekin.

2020ko komiki laburraren izenburua Gerra eta diktadura frankista Balmasedan' izan zen.

2023 urtean Komikigintza eta memoria historikoa lotu zituzten berriz ere, Enkarterri osoa barnebiltzen dituen 70 orrialdetako albuma argitaratuaz.  'Gerra eta diktadura frankista Enkarterrin' lana euskara zein gaztelaniazko bertsioak daude eskuragarri.

EUSKARAZ ARGITARATUTAKO KOMIKIAK

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2023 O5 MAIATZA	Gerra eta diktadura frankista Enkarterrin	Balmaseda 1937 Elkarte Memorialista	Balmaseda 1937 Elkarte Memorialista	Cesar Llaguno	Edizio elebiduna gaztelaniaz eta euskaraz	Euskalgintza Itzulpenak	Aldiberean gaztelaniaz eta euskaraz

SUA ARGITALETXEAREKIN/MENDIFEST-ekin LANKIDETZAN

DATA	SAILA	ARGITARATZAILEA EUSKARAZ	GIDOIA	MARRAZKIAK	JATORRIZKO HIZKUNTZA
2018/2022 URTEEN ARTEAN EUSKARAZ ARGITARATUTAKO SAILA	Mendiari buruzko komikiak	Mendi Film Festival / SUA edizioak	Ramon Olasagasti	Cesar Llaguno	Jatorrizkoak euskaraz eta gaztelaniaz.
2018 11 AZAROA	2020 11 AZAROA	2022 11 AZAROA	Sail hau oraingoz 3 liburukiz osatzen da.	Euskaraz eta gaztelaniaz argitaratu dira 3 liburukiak, eta Iñurrategi anaiena ingelesez ere.