Pamiela

Pamiela Etxea Euskal Herriko argitaletxea da, Iruñean egoitza duena. Euskaraz zein gazteleraz argitaratzen ditu lanak. Eleberriez gain, 80. hamarkadan zenbat komiki argitaratu zituen, eta XXI mendean ere komikigintzako ale bakanago batzuk argitaratu ditu ere.

Auñamendi Eusko Entziklopediaren arabera Iruñeko Alde Zaharreko Auzolan liburu-denda literatura maite zuen hainbat lagunen biltokia bilakatu zen, eta Argitaletxeak bere blogean kontatzen duenez "1983ko ekainean Pamiela literatur aldizkariaren lehen alea agertu zen Iruñean. Laugarren zenbakira iritsio zirenean Pablo Antoñana idazleari omenaldi bat eskaintzea erabaki zuten eta horren karietara bere Pequeña crónica eleberria argitaratu zen. Gertakizun horrek, eta berezko moduan, Antoñanaren eta beste egileen liburuak argitaratzea ekarri zuen. Mende laurden geroago, Pamiela argitaletxeak bostehun titulutik gora, euskaraz zein gazteleraz, argitaratuak ditu." Wikipediaren arabera 2010 urterako, argitaratutako mila libururen langa gainditu zuen, eta bere webgunean daude eskuragarri hauetako asko.

KOMIKIGINTZA

Esan bezala, Pamiela aldizkaria 1083 urtean sortu zen, eta proiektu honen inguruan zenbiltzan hainbat kidek euskara hutsean argitaratutako lehenengo literatur aldizkaria sortu zuten ere 1984 urtean: korrok. Auñamendiren arabera "marrazkilari eta komikilarientzat ere plataforma izan zen Korrok. Bertan kolaboratu zuten, besteak beste, Javier Alonsok, Patxi Huarte ZaldiEroak, Ester Fernandez Casasesek, Xabier Idoatek, Asisko Urmenetak, Joaquin Pastorrek, Carlos Urrutiak edo Tomari Asironek."

Pamiela argitaletxera itzuliz, Iruñean 80. hamarkadan komikigile talde sendo bat eratu zen, besteren artean Amelin fanzinea eta ondoren TMEO proiektuetan aritu zirenak. Komikigile hauetako batzuk 1984 urtetik aurrera 'Pamiela komikia' zigilupean argitaratu zituzten bereain lanak: album grapatu formatuko komikiak ziren, azal gogor eta edizio txukun batean.

1984 urtetik aurrera argitaratu zituzten Luis Martorell irudigilearen ‘El otro lado de la ventana’, Montesolen 'Don Vito y Co', Resanoren 'El mundo de las divinidades en la mitología vasca', Ernesto Murillo "Simonides"-en 'Nafarroa Afrika da' eta 'Jamón de gorrion', Mina eta Oses bikotearen 'Los apaches de París' ... 90. hamarkadan Wilhelm Busch-en 'Max und Moritz' albumaren euskarazko eta gaztelerazko bertsioak argitaratu zituen.

2016 urtean Iván Giménez Gil-en "Korralito Forala" lanren baitan Javier Etayo "Tasio"-ren komikiak jaso ziren.

2024 urtean Bernardo Atxagaren 'Behi euskaldun baten memoriak' eleberriaren komiki egokitzapena argitaratu zuen Pamielak, Pello Varelaren testuekin eta Juan Suárez-en irudiekin. Gazteleraz argitaratu zune La Cúpula argitaletxeak.

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2024 05 MAIATZA	MO. Behi euskaldun baten memoriak	Pamiela	Pello Varela Bernardo Atxagaren eleberriaren egokitzapena	Juan Suárez	Euskaraz jatorrizkoa		2024
2016 12 ABENDUA	Korralito Forala Komikia	Pamiela	Iván Giménez Gil	Javier Etayo "Tasio"	Euskaraz jatorrizkoa		2016 12 ABENDUA