2020

2020ean ARGITARATUTAKO KOMIKIAK

'''Zerrenda hau eguneratze bidean dago. Urte honetako beste komikiren bat ezagutzen baduzu, idatzi komikipedia(a-bildua)gmail.com helbidera'''

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
01 URTARRILA	Matematikako eta informatikako aparteko istorioak komikian	Saure	Nesim Fintz	Han-Mi Kim	Jatorrizkoa frantsesez	Belén Pikabea Laoniz	2018, "Les Histoires extraordinaires des mathématiques et de l'informatique en bandes dessinées", Editions Anfortas.
02 OTSAILA	Kanpoaldean	Ekonomia Alternatibo eta Solidarioaren Sarea REAS	Ana Serna (Al Borde films)	Amaia Ballesteros	Edizio elebiduna	Itziar Orbegozo	2020ko Otsaila
03 MARTXOA	Samaldan	Oxfam Intermon	Susanna Martín	Susanna Martín	Gazteleraz jatorrizkoa	Gotzone Olarra	2020ko Martxoa
04 APIRILA	Kobane Calling orain	Farmazia Beltza	Zerocalcare	Zerocalcare	Italieratik itzulia	Koldo Izagirre	2016 Cobane Calling (Bao Publishing, italieraz).Euskarazko edizioa 2020ko Italiako bigarren argitaraldia hartzen du abiapuntu. Azala, mapak eta oharrak dira lehen eta bigarren edizioen arteko ezberdintasun nagusiak. Euskarazko edizioan bi extra gehiago daude: “Groviglio” eta “Macelli" istorioak.
05 MAIATZA	Claude eta Morino 1. Madarikazioa	Astiberri Txikiberri bilduma	Adrien Albert	Adrien Albert	Jatorrizkoa frantsesez	Bego Montorio Uribarren	2018, "Claude et Morino 1", Editions L'école des loisirs
06 EKAINA	Kanpoan	Egilea editore/Valentinaysumundo	Valentina Morisoli	Valentina Morisoli	Edizio eleanitza		2020, "Kanpoan" / "Fuera" / "Fuori"
07 UZTAILA	Uxio	Astiberri Txikiberri bilduma	Martín Romero	Martín Romero	Jatorrizkoa galegoz	Bego Montorio Uribarren	2020, Astiberri, aldiberean galegoz, euskaraz, gazteleraz, katalanez
07 UZTAILA	Emakume guztiok	Astiberri	Elizabeth Casillas	Higinia Garay	Gazteleratik itzulia	Bego Montorio Uribarren	2020, aldiberean euskaraz eta gazteleraz "Todas Nosotras" Astiberri
08 ABUZTUA	Ed Framed 4	Egilea editore/Ahabi Comics	Ian Nose	Ian Nose	Edizio eleanitza		2020ko martxoaren 26tik ekainaren 23ra astez aste argitaratutako zintak
09 IRAILA	Dortokaren promesa	Harriet Ediciones	Stephane Piatzszek	Tieko	Frantsesetik itzulia	Miel Angel Elustondo Etxeberria	2020/06, La promesse de la Tortue (Bamboo Édition)
09 IRAILA	Gizonak behar direnez gero1.Joseph	Harriet Ediciones	Philippe Pelaez	Victor L. Pinel	Frantsesetik itzulia	Miel Angel Elustondo Etxeberria	2020/06, Puisqu'il faut des hommes (Bamboo Édition)
2020 10 URRIA	Basolatik berri onik ez	Ikastolen Elkartea/Xabiroi	Asisko	Joseba Larratxe Josevisky	Euskaraz Jatorrizkoa		lehen atala 2017ko otsaileko Xabiroi aldizkariaren 43. zenbakian eta 2020ko ekaineko 56. zenbakian azkena
10 URRIA	Biga 1. Benetan identifikatu gabeko animalia	Astiberri Txikiberri bilduma	Romain Pujol	Vincent Caut	Jatorrizkoa frantsesez	Jon Muñoz	2014 Avni 1(Milan editeur)
10 URRIA	Kontaktuberria	Harriet Ediciones	Bruno Duhamel	Bruno Duhamel	Frantsesetik itzulia	Miel Angel Elustondo Etxeberria	2019 08 abuztua #Nouveaucontact, Frantsesez (Grand Angle)
11 AZAROA	Tigrea amesgaiztoaren kontra	Astiberri Txikiberri bilduma	Emily Tetri	Emily Tetri	jatorrizkoa ingelesez	Jon Muñoz	2018 Tiger vs. Nightmare (First second)

BERRALGITALPENAK

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
11 AZAROA	Ilargia helburu Tintinen Abenturak Saila	Zephyrum Ediciones/Trilita Ediciones	Hergé	Hergé	Frantsesetik itzulia	Inazio Mujika Iraola (80. hamarkadan Elkarrek argitaratutako ediziorako Patxi Apalategik egindako itzulpenean oinarrituta)	1953, Objectif Lune

KOMIKIGINTZARI BURUZKO LANAK

DATA	IZENBURUA	ARGITARATZAILEA	EGILEAK	JATORRIZKO HIZKUNTZA
2020 07 UZTAILA	Abdon Gonzalez de Alaizaren alfabetoa	Arabako Foru Aldundia	Miel Angel Elustondo Etxeberria	Euskaraz

2020ean ARGITARATZEA AURREIKUSTEN DIREN KOMIKI BATZUK

Beste proiekturen bat ezagutzen baduzu, gehitu zerrendara edo bidali mezu bat komikipedia (a bildua) gmail.com helbidera

URTEAN ZEHAR ARGITARATU DAITEZKEEN KOMIKIAK

Mikel Begoña gidoialariaren ideia batean oinarrituta, Iñaki Martinez Hernandez 'Iñaket' marrazkilariak "Helize" proiekturako jaso zuen Eusko Jaurlaritzaren 2019 urteko komikiak sortzeko diru-laguntzetako bat. Azaroan iritsiko da albuma irakurleen eskuetara Facebook-eko bere orrialdean argitaratu ohi ditu sormen prozesuaren laginak

Gureberriak, Erroa argitaletxea eta Lapurdi 1609 elkarteen eskutik Asisko Urmenetak "Sugarren mende" komikia argitaratuko du. 1525etik 1616ra bitarte Erronkaritik Sakanaraino izan zen sorgin-ehiza du ardatz komikiak. Lapurdin Logroñoko prozesua baino urte bat lehenago ere jazarri zituzten herritarrak sorgin-ehizaren aitzakiapean. Gureberriak-ek stand propioa izan zuen irailean ospatu zen Sarako Biltzarrean eta liburua fisikoki oraindik eskuratzeko aukera izango ez zen arren, erosteko modua izango zela adierazi zen Gureberriak atarian.

Azaroan Bang ediciones argitaletxeko haur eta gaztetxoentzako Mamut komikigintza zigiluak Superpatata pertsonaiaren 10. liburukia merkaturatuko du: Superpatata 10 Erdi arora bidaia. Artur Laperla komikigilearen pertsonai honen ale guztiak irakurri daitezke euskaraz.

Maddalen Arzallus Antiak urtero Asterix eta Obelixen bi abentura itzultzen ditu euskarara Salvat/Bruno argitaletxearentzat. 2020 urtean 'Aztia' eta 'Cesarren erramu-koroa' aurresalmentan daude jada eta azaroan helduko dira liburudenda eta liburutegietara.

2020ko udazkenean 'Ilargira bidean' eta 'Ilargian oinez' Tintinen komikiak berralgitaratuko dituzte Zephyrum Ediciones eta Trilita Ediciones etxeek. 2019ko apirilean Castafioreren bitxiak albuma merkaturatu zuten . Igor Leturiak eman zuen guzti honen berri

Igor Leturia Xabiroi aldizkarian Albisteen atalaz arduratzen da eta 57. alean jakinarazi du Adur Larrearen komiki berri bat argitaratuko duela Gara egunkariak: Mikel Antzaren gidoiaz, Burgoseko prozesuari buruzkoa izango da komikia eta 'iraultza eta bizi!' izango du izenburutzat.

Asier Iturralde marrazkilariak (Studio Gaston) 'Beti Berdin' tabernari buruzko istorioak sortu ditu: abendurako paperean albuma argitaratuko du COVIDari buruz egindako komikiekin, Bilboko Udalaren “BILBAO AURRERA” programari esker.

Amaia Ballesteros diseinatzaile eta marrazkilaria komiki berri batean lanean ari da. Sare sozialetan emango du honen berri.]

2019ko Durangoko Azokako zerrendetan Zaldi Eroaren "De Rerum Natura 8" Elkarren eskutik argitaratuko zela agertzen zen, 2017eko abuztutik aurrera Berria Egunkarian argitaratuaz, baina 2020ean oraindik ez da bilduma argitaratu.

Bilkuia webgunean kontatzen denez, Mikel Irure, Aitor Razkin eta Iñaki Sagardoi Gregorio Suberviola (Morentin, 1896) anarkista nafarraren bizitza kontatuko duen komikiaren proiektuan ari dira lanean. Komikia finantzatzeko aitzinsolasa argitaratu eta salgai jarri dute. Facebook-eko orrialdean erakusten ari dira komikiaren sorkuntza prozesua

Miriam Camerosek eta David Priegok ¡Tierra, Trágame! komikia argitaratu zuten eta Bruguera Sarien lehen edizioan saria lortu zuten. Nafarroako Hitzan egindako elkarrizketan adierazi zuen komikia euskarar itzuli eta Durangoko Azokarako argitaratu nahiko luketela.

Gerra aurreko euskarazko lehen komiki aldizkariaren sustatzaileari buruzko Abdon Gonzalez de Alaizaren alfabetoa' liburua argitaratu eta gero Miel Angel Elustondo Etxeberria eta Asier Iturralde marrazkilariak (Studio Gaston) Alaizaren bizitza komikiratzeko proiektuan ari dira. Animo!

2021 URTERAKO ESPERO DIREN KOMIKIAK

2019ko Xabiroi aldizkariaren 52. zenbakian "Sasi artean Elgeta" komikia argitaratzen hasi zen atalka. Ikastolen Elkartea eta Trikitixa Elkartearen artekolankidetzaren emaitza da, Jazinto Rivas "Elgeta" trikitilariaren bizitza du ardatz, Koldo Izagirreren gidoiaz, Dani Fanoren marrazkiekin eta Garluk Agirreren koloreztatze lanarekin. 2021 urtean argitaratuko da album moduan. Goienan erreportaia eta bideoa egin zuten Dani Fano autorearekin

2019an Tupust! 1. komiki antologia feministaren lehen alea argitaratu zen, eta jada hainbat autore lanean ari dira ekimenaren 2. zenbakia kaleratzeko. Susanna Martínek adibidez bere bikotearen erditzea nola bizitu zuen komikiratuko du. Istorio berriak ezautzeko irrikitan gaude!

35 URTE AZPIKOENTZAT NAFARROAKO KUTXA FUNDAZIOAREN EUSKARAZKO KOMIKI SARIA

Nafarroako Kutxa Fundazioak komiki lehiaketa antolatu du 35 urte azpikoentzat. Saria hutsik geratzen ez bada, irabazlearentzako 2000 eurotako sariaz gain, Lan irabazlea Luces de Gálibo argitaletxeak argitaratuko du urtebeteko epean gehienez Lanak aurkezteko azken eguna: 2020/07/15 OINARRIAK

2020ko ekainean jakinarazi zuten Etxeberria anaiek Iñaki Arenas marrazkilari hernaniarrarekin ‘Broken Eye’ komikiaren sortze prozesuan ari zirela: 2021ean AEBetako Scout Comics-ek argitaratuko du ingelesez. Gazteleraz, frantsesez eta euskaraz argitaratu ahal izatea lortu nahi lukete autoreek ere. Zarauzko Hitzan elkarrizketa, komikiaren lagin batzuk eta bideoa Elkarrizketa Ispilu Beltza Donostia Kulturako irratsaioan.

2012tik komiki azoka ezberdinetara joan dira Etxeberria anaiak komiki proiektu batzuk eskuartean dituztela, eta Angoulemeko komiki azokan adibidez 'Margot' komikia aurkeztu zieten hainbat editoreei. Arianna Pisani Irlandan bizi den ilustratzailearekin komikiaren sortze prozesuan ari direla jakinarazi dute Etxeberria anaiek.

Harriet Ediciones-en eskutik 'Harald eta Ignir-en altxorra' sailaren bigarren alea iritsiko da irakurleen eskuetara.

2022 URTERAKO ESPERO DIREN KOMIKIAK

2020ean argitaratu du Aiert Zubigarai ‘3izkai’ Elorrioko irudigileak ‘Emakumeon Memoria 1937, Intxortatik Artxandara’ liburua, Laumunarrieta 1937, Intxorta 1937 eta beste elkarte batzuen eskutik: marrazki eta testuen bidez Gerra Zibil garaian Bizkaiko fronteetan aritu ziren emakumeen bizipenak jaso dira bertan. Autoreak Durangon atariari adierazi zionez "Kaleratu dugun lana 2022an argitaratu nahi dugun komiki liburuaren aurrerapena da. Izan ere, guztiz amaituta dagoen komikia Elgetari dagokio eta Elorriokoa zein Eibarkoa osatu egin behar dira. Gainera, behin betiko lanean Durangon, Zornotzan, Larrabetzun, Basaurin eta beste herri batzuetan gertatutakoak komikien bidez islatuko dira."]

EUSKO JAURLARITZAREN 2018 eta 2019 URTETAKO DIRU LAGUNTZEN SARIDUNAK
2019ran argitaratu direnak edo 2020rako espero diren komikiak

2019 urteko lehiaketako diru laguntzak irabazi dituzten autoreak: JADA ARGITARATUAK Alex Machok jaso zuen laguntza Harriet gidoilariarekin "Lotsa eta oroimina" komikia sortzeko. Harriet etxeak argitaratu zuen eta Getxoko Komiki Azokan aurkeztu zen. Iñaki Martiarena Otxotorena "Mattin" marrazkilariak "Belardo, ba al zatoz? komikia sortu zuen: Berriak 2019an argitaratu zuen eta Durangoko Azokan aurkeztu zen. Iñaki Martinez Hernandez "Iñaket" marrazkilariak "Helize" proiekturako jaso zuen diru laguntza. Facebook-eko bere orrialdean argitaratu ohi ditu sormen prozesuaren laginak. 2020ko azaroan argitaratu du Harriet Ediciones etxeak. ORAINDIK ARGITARATU GABE Higinia Garay Zaratek "La palabra que empieza por A" komiki proiekturako jaso zuen diru laguntza. 2018 urteko lehiaketako diru laguntzak irabazi dituzten autoreak: JADA ARGITARATUAK Aritz Trueba marrazkilariak eta Buyan komikia sustatzen duen ekipoak "BUYAN” proiektua garatu dute (lan-prozesua sare sozialetan erakutsi zuten ari dira). 2019 urrian euskaraz, ingelesez Estatu Batuetan eta frantsesez argitaratu da. Harkaitz Cano idazleak eta Adur Larreak marrazkilariak elkarlanean Antzar eguna komikia sortu dute: 1984an GAL-ek hildako Santi Brouard-en azken uneak komikiratuko dituzte. 2019ko abenduan Txalapartak argitaratu du, eta katalanez eta galegoz argitaratzea ere aurreikusten zen. ORAINDIK ARGITARATU GABE Susanna Martín Bilbotarrak eta Miguel Angel Giner Bou-k Ofensiva final komikian ari dira lanean. Dolmen argitaletxeak aterako du gaztelaniaz eta agian euskaraz: Erdialdeko Amerikan emakumeei buruzko dokumentala egiten ari den Iratxeren ibilerak kontatuko dituzte. Victor Santos-ek sortuko duen komikia Akira Kurosawa zinegilearen bizitza izango du hizpide: Norma argitaletxearen eskutik iritsiko da gaztelaniazko bertsioa, eta baliteke euskaraz ere argitaratzea. ITURRIA: Igor leturiak bere blogean 2018 urteko saridunen proiektuei buruz idatzi du

KOMIKIAK SORTZEKO EUSKO JAURLARITZAREN DIRU LAGUNTZA DEIALDIA 2020

Eusko Jaurlaritzak 2017 urtean lehen aldiz diru laguntza deialdia egin zuen komikiak eta liburu ilustratuak sortzeko 2020 urteko deialdirako proiektuak aurkezteko ESKAERA EPEA Martxoaren 10ean amaitzen zen, baina badirudi luzatu dela: KONFIRMATU 012 TELEFONOAN. OINARRIAK 15.000 euroko 4 laguntza emango dira komiki bat edo nobela grafiko bat argitaratzea helburu duten ilustrazio-proiektuentzat. Laguntzetako bat, gutxienez, 30 urtetik beherako pertsona batentzat izatea aurreikusi da oinarrietan, eta bat emakume batentzat izatea. KOMIKIAK SORTZEKO EUSKO JAURLARITZAREN DIRU LAGUNTZA DEIALDIA, AURREKO URTEETAKO IRABAZLEAK

EUSKAL KOMIKIGINTZARI BURUZKO GERTAERA ETA ESTEKA INTERESGARRIAK

KOMIKIEKIN HARREMANA DUTEN GERTAERAK

2017 urtean Mikel Begoña eta Kike Infamek 'Komikia:euskal komikia 1975-2017 El cómic vasco' liburua argitaratu zuten. Liburuaren aurkezpenarekin batera erakusketa bat antolatu zen: erakusketa gaurkotu dute, eta 1975 urtetik gaur arte komikigintzak Euskal Herrian izan duen bilakaeraren ikuspegi orokor bat eskaintzen du, azken hiru urteotako ekoizpenaren laginekin. 'Komikia, 1975tik' erakusketa 2021 urteko ekainaren 27ra bitartean ikusi ahalko da, Bakioko Txakolingunean ERAKUSKETAREN ORDUTEGIAK Urrian astelehenetik larunbatera 10:00-14:00 /16:00-18:00 ; Igandetan 10:00-15:00 Azarotik apirila bitarte Asteartetik igandera 10:00-14:00 Maiatza eta ekainean astelehenetik larunbatera 10:00-14:00 / 16:00-18:00 ; Igandetan 10:00-15:00

2020ko maiatzean Italiako Bolognako Children’s Book Fair jardunaldiak ospatu behar ziren, eta euskal komikigintza hizpide izango zen egitarauaren barne, Euskal irudigileak elkartearen eskutik. COVID19 pandemiaren baitan, Streaming bidez egin behar izan zen Euskal komikigintzaren historiari buruzko ekitaldia, eta jada Youtuben dago eskuragarri gazteleraz Kike Infameren gidaritza eta gidoiarekin Ainara Azpiazu "Axpik" eta Mikel Begoñak izandako solasaldia: 70. hamarkadatik XXI menderarte euskal komikigintzak egindako ibilbidea izan zuten hizpide, eta gaur egungo egoera aztertu zuten ere.

 Etxepare Euskal Institutuaren eskutik, Maite Gurrutxaga ilustratzailea Bruselako Fete de la BD jaialdiko mahai-inguru batean parte hartu du, emakumeak komikigintzan gaia hizpide hartuta.

Wilfrid Lupano gidoilariarekin eta Paul Cauuet irudigilearekin batera sortutako 'Le Loup en slip' lanarengatik Pauen bizi den Mayana Itöiz ilustratzaile baionesa 2020 urteko Eisner komiki sari bat jasotzeko finalisten artean geratu da, zehazki 9–12 Urte bitarteko haurrentzako kategorian (Best Publication for Kids). Azkenean Raina Telgemeier-ek irabazi zuen saria "Guts" lanarengatik.

Markoren ‘Indiara Bidaia’ komikiak irabazi du Ermuako Ezekiel Etxebarria saria, Ermuako Udal Liburutegian gehien irakurri den euskarazko liburuaren autoreari ematen zaion saria

* Nafarroako Kontuen Ganberak Cesar Oroz marrazkilariaren "Orduko aditzaileak oraingo auditoreak" komikia argitaratu du euskaraz eta gaztelaniaz, egoitza bisitatzen duten gazteei eskaintzeko helburuarekin.

* 2020ko otsailean Balmasedako gerra eta diktadura frankistari buruzko 12 orrialdetako komikia argitaratu zuen Cesar Llagunok, Zunbeltz Matabuenaren testuekin, "Balmaseda 1937" elkartearen enkarguz euskara zein gaztelaniazko bertsioetan; Alberto Garai arduratu da euskarazko bertsioaz. Une historiko horretan hainbeste gertaera zituzten kontatzeko eta ikuspegi anitzak barneratzeko beharraren ondorioz,  sormen prozesuan zehar  6 bertsio oso zirriborratu omen zituztela azken emaitza sortu arte, eta erakusketa bat egin zen Balmasedan proiektuaren barne sortutako marrazkiekin

KOMIKI AZOKAK ETA JARDUNALDIAK

2020ean ez da egin Getxoko komiki azoka. Hau izan da antolatzaileek zabaldutako mezua: "Getxoko Kultur Etxeak 2020ko urriaren 2tik 4ra aurreikusita zegoen Getxoko 19. Komiki Azoka bertan behera behera uztea erabaki du COVID-19ak eragindako larrialdi-egoera eta esparru itxietan jarduerak egiteko eta ekitaldi jendetsuetan edukiera mugatzeko irizpideak aztertu ostean. Halaber, urruntze soziala bermatzeko neurriak ere kontuan hartu dira" Getxoko Azokaren ordez, urriaren 30 eta 31ean (ostirala/larunbata) Komiki Jardunaldiak, hitzaldi eta erakusketak, antolatu dira Erromoko kultur etxean. Egitarau osoan Mikel Begoñaren euskarazko komikigintzari buruzko saioa izan da euskaraz burutu den bakarra.

COMIKD Donostiako Nazioarteko IV. Komiki eta Manga Jaialdia

COMIKD Donostiako Nazioarteko IV. Komiki eta Manga Jaialdia Apirilan egitea aurreikusten zen: COVID19 pandemia dela eta hasiera batean uztailak 3-4-5era atzeratu zen, baina oraindik ez da ospatu. Gipuzkoako Foru Aldundiarekin lankidetzan Komiki lehiaketa antolatu da. LANAK AURKEZTEKO EPE BERRIA: 2020ko azaroak 14 bitarte. OINARRIAK

komikizaleok geroz eta azoka eta topagune propio gehiago dituzte, eta literatur jardueretan ere komikiak bere lekua hartzen ari da poliki-poliki

EGUTEGIA: KOMIKI JARDUNALDIAK, AZOKAK ETA KOMIKIAREN PRESENTZIA DUTEN LITERATUR TOPAKETAK

• 2020ko neguan Antsoainen lehen aldiz Komiki eta ilustrazio sozialari buruzko Jardunaldiak antolatu dira.

2020 urtean COVID19 pandemiak hankaz gora jarri ditu egutegiak:

Saran IKUSI-MIKUSI Haur eta Gazte Literatura Azoka ospatu behar zen, baina aurten ez da egingo eta 2021 urteko apirilean ospatuko da.

2019an antolatu zen ere Ziburuko lehen liburu azoka ere, baina aurten ez da egingo eta 2021 urteko ekaineko lehen asteburuan ospatuko da.

HEROES COMIC CON Azoka Barakaldoko BEK-en

Heroes Comic Con azokako lehenengo edizioa https://bilbaoexhibitioncentre.com/eu/heroes-comic-con-lehenengo-aldiz-izango-da-bilbon/ Bilbao Exhibition Centre-n ospatzea espero zen 2020ko ekainaren 13an. Madrilen eta Valentzian ospatzen diren edizioetara gehituko litzateke Bilbokoa.

JADA BURUTU DIRENAK

Urtarrilean Angulemako Komiki Jaialdian euskal egileen presentzia nabarmena izan da, komikiak aurkezten, sinatzen eta proiektu berrietarako kontaktuak egiten. Mikel Begoñak komikeri blogerako kronika idatzi du.

Otsailaren 12tik 21era Antsoainen Komiki eta ilustrazio sozialari buruzko lehendabiziko Jardunaldiakantolatu dira. Zaldieroa eta Myrian Camerosen erakusketak ikusi ahal izango dira, eta hizlarien artean Cesar Oroz, Txema Estevan, Azagra, Encarna Revuelta, Rosa Codina... eta Andaluzia, Aragoi eta Catalunyako marrazkilari eta gidoilariek hartuko dute parte

Sarako Idazleen Biltzarra irailaren 6ean ospatu zen. Hauek dira bertan parte hartu zuten komikigileetako batzuk: Mattin, Txakur Gorria, Marko, Asisko..eta komikiak argitaratu izan dituzten argitaletxeak ere bertan egonen dira: Elkar, Euskaltzaindia, Nabarralde, Zortziko...

Irailaren 3tik urriaren 4ra Tiza elkarteak antolatuta Nafarroako XI. Komiki Azoka" ospatu zen Iruñean, Lizarran eta Elizondon. Sevillako Jose Luis Agreda-k egin ditu aurtengo edizioko kartelak. ERAKUSKETAK: 9 erakusketa Iruñean, 3 Lizarran eta bat Elizondon. JARDUERAK: Iruñea eta Lizarran Komikigileen solasaldiak, tailerrak... EUSKARAZKO JARDUERAK * Irailak 11, ostirala, Lizarra 19:30 Topaketa Buyan komikiaren egileekin Lizarrako Fray Diego Kultur Etxea * Irailak 19, larunbata, 10:00-14:00,Elizondo Komiki Tailerra Euskaraz Belatzen eskutik 14 urtetik gorakoentzat. Arizkunenea . Pintura tailerra, 1. solairua. Plaza mugatuak. Izena emateko: tizacomic@gmail.com * Irailak 26a, larunbata,11:00 Elizondo: Sorkuntza-lantegia Legoekin Discover Bricks-en eskutik. 5 eta 12 urte bitarteko haurrentzat Plaza mugatuak. Izena emateko: info@discoverbricks.es 636 479 965 edo 636450745

KOMIKIEI BURUZKO SOLASALDI ETA IRAKURKETA TAILERRAK

• DONOSTIA: Beste ikasturte batez, 2020ko ekaina bitarte Igor Leturiak Intxaurrondoko Kulturetxean dinamizatzen dituen saioak antolatu ziren. Urtarrilaren 14an Yurre Ugarte eta Joseba Larratxeren Joana Maiz eta Martxoaren 10ean Mikel Santos Belatzen Gerezi garaia komikiei buruzko solasaldiak egin ziren autoreekin.

COVID pandemia dela eta eta eta maiatzean egitea aurreikusten zen Buyan - Heriotzaren uhartea. komikiari buruzko lsolasaldia azaroaren 10ean egingo da.

Urriak 7 bitarte, "Bizitza borrokan binetaz bineta" erakusketa ikusi ahal izan da, Lucio Urtubia anarkista nafarraren biografian oinarritutako Gerezi-garaia eleberri grafikoaren sorkuntza prozesuari buruzkoa. Irudiak Belatz ilustratzaile eta gidoilariarenak dira. Erakusketaren komisarioak: Kike Infame eta Jose Carlos Torre.

• USURBIL: urriaren 22an, 19:00etan, Sutegi liburutegian, Yurre Ugarte eta Joseviskyren 'Joana Maiz' komikia mintzagai.

Komikiak jada eskuragarri dituzte Liburutegian; saioan parte hartzeko aldez aurretik izena eman behar da Liburutegian bertan.

• TOLOSA: Joseba Larratxek dinamizatu ditu Tolosan otsailetik maiatzera asteartetan antolatzen diren Irakurketa klubaren saioak. Otsailaren 18an lehen solasaldia “Joana Maiz” komikiaren egileekin, Yurre Ugarte Tolosar gidoilaria eta Joseba Larretxe marrazkilariarekin. Jarraian martxoaren 31an Asisko Urmenetaren “Aztihitza Xahoren biografikoa”, Apirilaren 28an Tupust! Kolektiboaren “Tupust!” antologia, eta maiatzaren 26an: Harkaitz Canoren eta Adur Larrearen “Antzara eguna”.

• OÑATI: Konfinamendu garaian, Oñatiko Liburutegiak "Literatura, komikia eta erresistentzia: Joana Imaz" bideo-solasaldia antolatu zuen Yurre Ugarterekin

• ALGORTA: Uribe Kostako Irakurzaleen Txokoaren ikasturteari amaiera emateko ekainaren 18an, Mikel Begoña eta Adur Larrea Arditutakoak komiki liburuaz mintzatu ziren.

• BIZKAIA: Skolastika gune feministak emakumeen eta literaturaren inguruko gaiak lantzen ditu, eta komikigintzari buruzko jarduera ugari antolatu izan dituzte (hitzaldiak, gazteentzako saioak, erakusketak...) eta komikteka dute, mundu osokoe makumeen komikiak gordetzen dituen liburutegia.

• BARTZELONA

Asisko Urmenetaren "Eusklabo alaiak" / "Els EUSclaus feliços" abenduaren 15ean hartuko dute mintzagai Bartzelonako euskal literaturari buruzko irakurle klubean

GAZTELERAZ

• IRUÑEA: Iruñeako Yamaguchi kulturgunean gazteleraz komikiaren inguruko blog bat dute informazio ugarirekin eta jarduera anitzak antolatzen dituzte.

• ERMUA: 2018an hasi ziren helduentzako komikien irakurketa klubeko saioekin, eta Kike Infame arduratzen saioak dinamizatzeaz.

• GASTEIZ: Estitxu Urretxuren eskutik Komikia eta eleberri grafikoa irakurketa kluba burutu da: 2017an euskaraz egin ziren saio batzuk

2020 URTEAN INDARREAN DAUDEN LEHIAKETA EDO DEIALDIAK

GALTZAKOMIK LEHIAKETA

Galtzaundi Euskara Taldeak, Ibarrako Udalarekin elkarlanean, 13. Ibarra Galtzakomik komiki lehiaketa antolatu du.Hiru adin tartetan baiatzen dira mailak: 9 urte azìkoak (2011an jaiotakoak barne), 10-12 urte bitartekoak (2010ean eta 2008an jaitakoak barne), 13 urtetik 16 urtera (2007an eta 2004an jaitakoak barne) eta 17 urtetik gorakoak (2003an jaitakoak barne) LANAK AURKEZTEKO AZKEN EGUNA: azaroak 30 OINARRIAK

CRASH COMIC LEHIAKETA

Atiza elkarteak Crash Cómic Komiki Lehiaketa antolatu du. Parte hartu ahal izango dute Araban ikasten duten, lan egiten duten edo bizi diren pertsonek.. Lehiaketan onartuko dira gehienez hiru komiki egile bakoitzeko, originalak eta aurretiaz argitaratu gabeak. Lehiaketa bi modalitatetan banatzen da, adin irizpideak kontuan hartuta: A Modalitatea: 12 eta 17 urte arteko pertsonentzat B Modalitatea: 18 eta 35 urte arteko pertsonentzat OINARRIAK LANAK AURKEZTEKO AZKEN EGUNA: Azaroak 1

DOBERA ELKARTEA HERNANIKO KRONIKA ALDIZKARIA KROMIKIA LEHIAKETA

Dobera Euskara Elkarteak antolatutako komiki lehiaketan hiru kategoria izango dira: haurrak (6-11 urte), gazteak (12-17 urte), eta helduak (18 urtetik gora). Aurkeztutako lanek originalak izan behar dute, beste inon aurkeztu gabekoak; eta Kromikiak ezin du egilearen izenik izan agerian. Partehartzaile bakoitzak, Kromiki bakarra aurkeztu ahal izango du. Hernanirekin zerikusia duten komikiak izango dira, eta testuek euskeraz idatzita behar dute. Tamaina, Kroni­kan argitaratzen diren Kromikien berbera izango dute: 26 zen­­timetroko zabalera, eta 7,3 zen­ti­metroko altu­era. Txuri-bel­tzean zein kolo­re­tan egin daitezke. Lanak aurkezteko epea, urriaren 16ra arte OINARRIAK

COMIKD AZOKAKO II LEHIAKETA

Gipuzkoako Foru Aldundiko Kultura Departamentuak eta COMIKD azokak elkarlanean antolatzen duten komiki-lehiaketaren bigarren ediziorako lanak aurkezteko epea zabaldu da, azaroak 14 bitarte. “Donostian girotutako zientzia-fikziozko komikia” da 2020ko edizioaren gaia. Mundu osoko komiki-egile ez-profesionalei zuzenduta dago sariketa,lanak orijinalak eta argitaragabeak izan behar dute eta euskaraz, espainieraz, frantsesez eta ingelesez aurkeztu daitezke komikiak. Bi kategoria daude: 6 eta 13 URTE BITARTEKOAK: irabazleek paper-gauzetan 500 eta 200 eurotako sariak jasoko dituzte saritzat 14 URTETIK GORAKOAK: Dirutan, 1.200 euro irabazleak, eta 800 euro bigarrenak. 2020ean Azoka antolatuko ez den arren Parte hartzaile guztiek izango dute beren lana ikusgai Azokaren webgune ofizialean LANAK AURKEZTEKO EPE BERRIA: 2020ko azaroak 14 bitarte. OINARRIAK

• BILBOKO ITSAS MUSEOKO KOMIKI LEHIAKETA: 2019an egin zen lehen edizioa, otsailaren amaiera amaitu zen epea. 2020ean ez da antolatuko ote denik ziurtatu.

18 URTE AZPIKOENTZAT ZUZENDUAK Hiri eta herri askotan antolatzen dira gaztetxoentzako literatur lehiaketak, eta askotan komikiek ere izaten dute bere atala. Lehiaketa bakoitzak bere arautegia du, kasu batzuetan partaidetza irekia da (adibidez Elkar Ilustrazio eta Ipuin Lehiaketaren barne Euskal Herriko DBH 3. eta 4. mailako ikasleek parte hartu dezakete) eta beste batzuetan soilik bertakoek hartu dezakete parte, adibidez Donostiako Koldo Mitxelena Sariketa edo eta Iruñeko Udalak urtero antolatu ohi dituen Literatur lehiaketaren barne Komiki kategoriak daude. Neguan Aiarako Hogeitaulau euskara elkarteak 6-12 urte bitarteko ikasleentzako, postal, komiki eta ipuin lehiaketa antolatu izan du.

18 URTE AZPIKOENTZAT ZUZENDUAK

12. ELKAR ILUSTRAZIO ETA IPUIN LEHIAKETA

Adinaren arabera 3 modalitatetan aurkez daitezke lanak (ilustrazioa, ipuina, komikia edo bineta). Komikia edo binetaren kasuan DBH 3. eta 4. mailako ikasleek aurkeztu ahal izango dituzte lanak. 'Lanak aurkezteko epea luzatu dute antolatzaileek ' Ipuin klasiko bat komiki ala bineta bihurtu beharko dute. Komiki edo binetak eskuz zein ordenagailuz sortuak izan daitezke eta euskaraz idatziak izan behar dute. Teknika eta materiala guztiz libreak izango dira, baina komikia edo bineta A4 tamainako orrialde bakar batean entregatu beharko da. Parte hartzaile bakoitzak komiki edo bineta bakar bat aurkeztu ahal izango du. OINARRIAK.

TOKIAN TOKIKO LEHIAKETAK

BERGARAKO KOLDO ELEIZALDE LITERATUR LEHIAKETA 2020

Bergarako Koldo Eleizalde lehiaketan genero hauetan parte hartu daiteke: ipuin idatzia, komikia, bertsoa, ipuin-kontaketa, antzerkia, txisteak eta poesia. Bergaran jaiotakoek edo bertan bizi direnek zein ikasi edo lan egiten dutenek har dezakete parte. Lanak aurkezteko epea apirilaren 24ra bitartekoa izango da. OINARRIAK

ARRASATE LITERATUR LEHIAKETA 2020

Debagoienean bizi edota ikasten duten ikasleentzat, AED elkarteak Arrasateko literatur lehiaketa antolatu du. Genero hauetan parte hartu daiteke: narrazioa, ilustrazioa, bertsopaperak, mikroipuina, poesia eta komikia. Komikiaren kasuan DBH3-DBH4koek sei bineta egin beharko dituzte A4 neurriko orri bakarrean eta Batxilergoa 1-2koek sei bineta egin beharko dituzte. Lanak aurkezteko epea ekainaren 11ra atzeratu dute eta e-postaz jasoko dira.OINARRIAK

AURKEZPEN EPEA ITXIA DUTENAK

Komiki lehiaketen atalean urtean zehar antolatu ohi diren edo eta jada epea itxia duten lehiaketei buruzko informazioa ikusi daiteke