2025

2025 URTEKO EUSKARAZKO KOMIKIAK

Beste proiekturen bat ezagutzen baduzu, gehitu zerrendara edo bidali mezu bat komikipedia (a bildua) gmail.com helbidera

PAPEREAN ARGITARATUTAKOAK

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
01 URTARRILA	Txillardegi (eta Monzon) Bergaran	Komikifilms Egilea editore	Kote Camacho de Miguel	Kote Camacho de Miguel	Euskaraz jatorrizkoa		2023 urtean 'Hona Bostekoa!' bilduman
02 OTSAILA	Basoa argitan	SALVAT/BRUÑO Idefix eta menderakaitzak Saila 6	Matthieu Choquet Cédric Bacconnier Olivier Jean-Marie (Gosciny eta Uderzoren Asterix saila erreferentzia bezala hartuta)	Jean Bastide(Uderzoren Asterix saileko irudiak erreferentzia bezala hartuta)	Jatorrizkoa frantsesez	Maddalen Arzallus Antia	2024ean 'Le foret lumiere' Les Editions Albert René
02 OTSAILA	Elgeta 1937: Emakumeen memoria	Aiert Zubigarai "3izkai" Egilea editore	Aiert Zubigarai "3izkai"	Aiert Zubigarai "3izkai"	Euskaraz jatorrizkoa		2025 otsaila
02 OTSAILA	Buztan eta guzti 1 / Buztan eta guzti Saila	Harriet Ediciones KABE Argitalpen-zigilua	Mizu Sahara	Mizu Sahara	Japonieratik itzulia	Iker Alvarez	2018tik 2021 urteen artean Monthly Comic Zenon aldizkarian 尾かしら付き (Okashiratsuki)
02 OTSAILA	Change the World 2 / Change the World Saila	Harriet Ediciones KABE Argitalpen-zigilua	Yuya Kanzaki	Yuya Kanzaki	Japonieratik itzulia	Iker Alvarez	2018 Shinchoosa argitaletxeko Comic Bunch aldizkarian (チェンジザワールド―今日から殺人鬼―) / Change the World: Kyou kara Satsujink / Bloodthirsty killer from today
O2 OTSAILA	Lily eta Dudu-munstroa 1	Harriet Ediciones	Mic	Val	Frantsesetik itzulia	Miel Angel Elustondo Etxeberria	2020, 'Lily et Doudoumonstre' (Bamboo Édition taldearen baitan)

ORRIALDE LABURREKO KOMIKIAK

Ermua binetetan sailaren 3. zenbakia.

"Ermua binetetan" Ermuko Udala eta liburutegiaren argitarapen egitasmo bat da, Komikiaren bidez, udalerriko une ezezagunenetako batzuk jasotzen dituen istorio-bilduma da. Komikien sorkuntza 3 egileren elkarlanean du jatorria :Mikel Begoña gidoigileak, Kike Infame marrazkilariak eta Daniel Gojénola kolorista. Ermuan paperean banatzen da doan eta PDF euskarrian eskuragarri dago.

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2025	Merkurioren hego bizkorrak Ermua binetetan 3	Ermuko Udala	Mikel Begoña Kike Infame	Kike Infame kolorista Daniel Gojenola	Euskaraz eta gazteleraz	?	2025

2025 URTEAN EUSKARAZ ARGITARATZEA AURREIKUSTEN DIREN KOMIKIAK

Oraingoz argitaratze edo sortze bidean dauden proiektu hauen berri izan dugu

Beste proiekturen bat ezagutzen baduzu, gehitu zerrendara edo bidali mezu bat komikipedia (a bildua) gmail.com helbidera

ERROAK SAILA 3: ITSASOA

Amaya Echevarriaren ideia eta gidoietan oinarrituta eta Tiago Battesti irudigilearekin elkarlanean, 2020ko abenduan iritsi zen zaleen eskuetara Erroak saileko lehen liburukia, 'Ilargiaren orrazia'; bigarrena, Gizotso, 2023 urtean plazaratu zen

2025 urtean argitaratuko da 'Itsasoa', sailaren 3. alea. Apirilak 13 bitarte aurresalmenta eta Crowfunding" finantziaketa kanpaina zabalik dago eta komikia zein beste sariak eskuratzeko aukera dago Ulule plataformaren bidez.

Informazio gehiena frantsesez dago baina euskaraz bertsio bat argitaratuko da eta tokiko sareekin lotuta dago egitasmoa, Eusko monetarekin adibidez.

Guztira 2028 urtera bitarte, urtez urte ale bat argitaratuta, 7 liburukiz osatutako saga osatu nahi dute.

Amaia eta Tiagoz gain, koloreztatze lanetan Chistophe Leon gehituko da lantaldera, Nahia Zubeldiak itzultzen ditu lanak frantsesetik eusrara, eta lantaldean Peio Lataste aritzen da zuzendari artistiko lanetan eta Benoît Etcheverry egitasmoaren komunikazioaz arduratzen da.

Autoedizioa eta "Crowfunding" finantziaketa sistema dira egitasmo honen ezaugarri bereziak.

GEURETIK SORTUAK: 2025ean KOMIKIGINTZAKO PROIEKTUAK GARATUKO DITUZTEN SORTZAILEAK

'Geuretik Sortuak' Udalbiltzak 3. urtez antolatutako ekimenaren baitan jakinarazi dira proiektuak garatuko dituzten sortzaieen izenak eta egonaldiak non egingo dituzten

Komikigintzari dagokionez hau da zerrenda:

• Eñaut Aiartzaguena: Ataun eta Etxarri-Aranatz.

• Amane Apalategi: Hernani.

• Uxue Bereziartua: Araitz, Larraun, Betelu eta Lekunberri.

• Usue Egia: Legorreta.

• Patricia Etxegarai: Ziortza-Bolibar.

• Eneritz Ibarra: Atharratze.

• Asier Iturralde 'Gaston': Mutriku.

"ANGEL GOGOAN" ARITZ IRIGOIENEN ESKUTIK

Aritz Irigoien Gartxitorena Iruñeko marrazkilariak Angel Berruetari buruzko komiki bat egiteko lehen pausuak eman zituen orain dela urte batzuk: 2024 urtean 20 urte betetzen ziren hilketa horretatik, eta sare sozialetan proiektuaren berri ematen ari dira.

MANGA EUSKARAZ

Harriet euskal argitaletxeak KABE_Argitalpen-zigilua-ren bidez oraingoz 7 manga serie ezberdin argitaratu ditu.

'Cube Arts' eta 'Heroines Game' osorik irakurri daitezke jada.

2025EKO NEGUAN JADA ARGITARATU DIRENAK

• Change the World: 2. liburukia eskuragarri dago, 5 alez osatuko da saila.

• 'Buztan eta guzti' izenburuko manga 2025 urteko nobedadeetako bat da eta eskuratu daiteke jada Harriet/Kabe-ren webgunean, liburudenda eta liburutegietan.

URTEAN ZEHAR ARGITARATUKO DIRENAK

• Dinosaurs Sanctuary: Segur aski Kabek udaberrian argitaratuko du hurrengo liburukia; orain arte Japonian 6 ale argitaratu dira baina oraingoz sailak ez du amaiera zenbakirik.

• Girls Last Tour: Segur aski 2025 urtean sailaren azken bi liburukiak argitaratuko dira euskaraz.

• Otaku bat jainko lanetan: Segur aski sailaren azken bi liburukiak argitaratuko dira euskaraz 2025 urtean.

Adi egon Argitaletxearen webguneari, lehen Twitter zen X sareari eta Instagram-en duten kontuari.   

Mangaberri webgunean orain arte euskaraz argitaratu diren manga komikien zerrenda osatu dute eta argitaratzea espero diren beste lan batzuen berri eman dute.

IDEFIX ETA MENDERAKAITZAK

2021 urtean Éditions Albert Renék 'Idéfix et les Irréductibles' komiki saila argitaratzeari ekin zion, izen bereko telebistako animazio serie bat emititzen hastearekin batera. Frantziar Estatuan 8 komiki album argitaratu dira orain arte, eta liburuki bakoitzean normalean 3-4 istorio labur biltzen dira. Gidoilari eta irudigile ezberdinek parte hartu dute istorioen sorkuntzan, batzuk hasieratik, beste batzuk azken zenbakietan, batzuk istorioren batean eta beste batzuk anitzetan.

Gazteleraz eta katalanez 2022 urtean argitaratu zen lehen albuma, eta euskaraz 2023ko otsailean heldu zen lehen liburukia liburudenda eta liburutegietara eta urte bereko azaroan bigarrena. 2025eko negutik 6. liburukia eskuragarri dagoda, 'Basoa argitan' izenburukoa.

XXI mendean argitaratu diren Asterix-en gainontzeko istorioekin egin bezala, Maddalen Arzallus Antiak euskaratu ditu lan hauek, Bakun itzulpen zerbitzuak enpresaren bidez.

BANG EDICIONES, MAMUT ZIGILUA

Martxoan Marko Torres egilearen]l 'Superninja Kururo' sailaren 2. liburukia argitaratuko da.

SUBERVIOLA

Bilkuia webgunean kontatzen denez, Mikel Irure, Aitor Razkin eta Iñaki Sagardoi Gregorio Suberviola (Morentin, 1896) anarkista nafarraren bizitza kontatuko duen komikiaren proiektuan ari dira lanean. Komikia finantzatzeko aitzinsolasa argitaratu eta salgai jarri dute. Facebook-eko orrialdean erakusten ari dira komikiaren sorkuntza prozesua 2024 urtean Antsoaingo Txokogorrin erakusketa bat antolatu zen Gregorio Suberviolari buruz bere heriotzaren 100. urteurrenean: komikiaren lagin batzuekin erakusketa antolatu zen eta Iñaki Sagardoik hitzaldi batean parte hartu zuen.

ARITZ LOPEZ ARRUE EDITORE BILA

Aritz López Arrúe gasteiztar irudigile eta diseinatzaileak Gasteizko Udalaren 'Haziak' ideia gazteen lehiaketara proiektu bat aurkeztu zuen eta horri esker 'El Caballero Ganso' komikia sortzeko diru laguntza eta aholkularitza jaso du.

2025 urterako amaituta edukiko du lana eta editorea aurkitzeko lanetan dabil.

Elkarrizketa gazteleraz

XABIROI ALDIZKARIA

Xabiroi aldizkaria urtean 4 aldiz argitaratu ohi da, otsaila, ekaina, urria eta abenduan.

4 aleak jasotzeko harpidetza 14 euroren truke egin daiteke.

Udazkenean iritsi ohi da urtero Ikastolen Elkarteak sustatzen duen aldizkarian atalka agertu den istorio baten albuma.