Txalaparta

Txalaparta argitaletxeko webgunean kontatzen denez "Lantaldearen hazia Altaffaylla Tafallako kultura-elkartea izan zen, 1985ean tokiko gaiak eta memoria historikoari buruzkoak argitaratzen hasi zena. 'Navarra 1936. De la Esperanza al Terror' lanak adibidez inpaktu izugarria eragin zuen argitaletxe- eta politika-arloan."

1987aren amaieran sortu zen Txalaparta Argitaletxea. "Garai hartan, euskal argitaletxe konprometitu, progresista eta independentea altxatzea ez zen erraza. Trantsizioak alderdi sozial eta politikoarekin konprometitutako argitaletxe asko desagerrarazi zituen, eta liburuaren merkatua gero eta esku gutxiagotan biltzen ari zen. Liburu-dendetan Che Guevararen liburuak ere desagertu ziren. Horri gehitu behar zitzaion euskal politikaren egoera eta kontakizun propio baten alde egitearen ondorioak: prozesu judizialak, isunak, boikotak, mehatxuak..."

Bazkideak eta proiektua sostengatzeko 'Gure Liburuak' garatzea izan dira argitaletxearen zutabeak: argitaletxearen liburuak etxera eramateko bitarteko izan zen hasiera batean eta gaur egun 40 argitaletxe independente baino gehiagoren liburuak banatzen ditu.eta irakurle-kluba ere badu.

KOMIKIGINTZA

2000. urtean "Zitroi ur komikiak.Joseba Sarrionandia komikitan" argitaratu zuen, Napartheid komiki kolektiboaren partaidetzaz.

2006 urtean eleberri grafikoa kontzeptua zabaltzen hasi zenean Paul Austerren 'Kristalezko hiria' eleberriaren komiki egokitzapena argitaratu zuen

2013 urtean Maite Gurrutxagaren 'Habiak' komikia argitaratu zuen eta lan honek Euskadi Ilustrazio saria lortu. Urte berean 'Munduko bandarik txarrena' komikia argitaratu zuen Txalapartak: Jose Carlos Fernandesen lana Portugesetik itzuli zuen Bego Montorio Uribarrenek.

2016tik 2019ra euskal komikigileen lanak argitaratu ditu: Mattin, Belatz, Adur Larrea,... eta Tupust! emakume komikigileen lehen antologia.

2021ean frantziar komikigintzako komiki lan bat ekarri zuen euskarara: Jacob. Gaueko langilea.

2022: 4 KOMIKI EUSKARAZ

2022 urtean gaztelaniatik euskarara bi komiki ekarri zituen Txalapartak : batetik Beascoa etxeak 2020 urtean gazteleraz haurrentzat argitaratutako Leire Salaberria Urdanpilleta andoaindarraren 'Bat gehiago gara' eta bestalde gaztetxoentzat 'Holakoak dira gure hilekoak', Carolina de Prada Antón 'EsCarolota' Madrildar autorearen komikia (jatorrizkoa 2019an 'Así son nuestras reglas', Pol·len edicions).

Euskal egileei dagokionez, irailaren 30ean Bilboko Louise Michel liburudendan eta ondoren Getxoko Azokan aurkeztu zen Garazi Albizua idazle santurtziarraren gidoiaz Olga Carmona marrazkigile andaluzak sortutako 'La apuesta de Cloto' komikia (Cósmica Editorial). Euskaraz Txalapartak 'Iruleak' izenburupean argitaratu zuen.

Durangoko Azokan 'Hodeien gaineko aldean' aurkeztu zen, Bertol Arrietaera Sandra Garayoaren artean sortutako komikia.

2023: 2 KOMIKI EUSKARAZ

Txalapartaren eskutik argitaratu zen Yurre Ugarte gidoilariak eta Julen Ribas irudigieak euskaraz sortutako 'Iris XXII' komikia.

George Orwellen 'Abereen etxaldea' eleberriaren komiki egokitzapena ere argitaratu zuen Txalapartak, Maxe L'Hermenier eta Thomas Labourot

2024

2024 urtean, Portugalgo Krabelinen Iraultzaren 50. urteurrenean Bertrand Editora-ren eskutik Raquel Varela historialariak eta Robson Vilalba irdugileak 'Utopia' komikia argitaratu zuten portuguesez: egun berean heldu ziren katalanez eta gazteleraz komiakren bertsioak eta baita euskaraz ere Txalapartaren eskutik 'Herriak du gehien agintzen' izenburupean.

TXALAPARTA ARGITALETXEAK EUSKARAZ ARGITARATU DITUEN KOMIKIAK

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2024	Herriak du gehien agintzen	Txalaparta	Raquel Varela	Robson Vilalba	Portugesetik itzulia	Eskarne Mujika Gallastegi	2024, aldiberean Portuguesez (Bertrand Editora), katalanez, gazteleraz, euskaraz
2023 ABENDUA	Iris XXII	Txalaparta	Yurre Ugarte	Julen Ribas	Euskaraz Jatorrizkoa		2023
2023 ABENDUA	Abereen etxaldea	Txalaparta	Maxe L'Hermenier George Orwellen jatorrizko historioa	Thomas Labourot	Jatorrizkoa frantsesez	Aiora Jaka	2021, 'La ferme des animaux', Jungle
2022 AZAROA	Hodeien gaineko aldean	Txalaparta	Bertol Arrieta	Sandra Garayoa	Euskaraz jatorrizkoa		2022 Azaroa, gazteleraz aldiberean 'En la parte más alta de las nubes', Bang Ediciones
2022 IRAILA	Iruleak	Txalaparta	Garazi Albizua	Olga Carmona	Euskaraz eta gazteleraz aldi berean		2022, euskaraz Txalapartak, gazteleraz Cósmica Editorial argitaletxearen eskutik 'La apuesta de Cloto'
2022 IRAILA	Holakoak dira gure hilekoak	Txalaparta	Carolina de Prada Antón 'EsCarolota'	Carolina de Prada Antón 'EsCarolota'	Gazteleraz Jatorrizkoa	Itziar Diez de Ultzurrun Sagalà	2019 'Así son nuestras reglas' (Pol·len edicions)
2022 MARTXOA	Bat gehiago gara	Txalaparta	Leire Salaberria Urdanpilleta	Leire Salaberria Urdanpilleta	Gazteleraz Jatorrizkoa	Iraitz Urkulo Rodríguez	2020 Beascoa Ediciones
2021 AZAROA	Jacob. Gaueko langilea	Txalaparta	Matz	Léonard Chemineau	Frantsesez Jatorrizkoa	Bego Montorio Uribarren	2017 'Le Travailleur de la nuit', Edit Rue de Sèvres
2019 AZAROA	Antzara Eguna	Txalaparta	Harkaitz Cano	Adur Larrea	Euskaraz Jatorrizkoa		2019 11 AZAROA
2019 MARTXOA	Tupust! 1.	Txalaparta	Tupust! Kolektiboa	Tupust! Kolektiboa	Euskaraz Jatorrizkoa		2019ko Martxoa
2018 EKAINA	Gerezi Garaia	Txalaparta	Belatz	Belatz	Euskaraz jatorrizkoa		2018 Ekaina
2016 09 IRAILA	Zarrakamalda	Txalaparta	Iñaki Martiarena "Mattin"	Iñaki Martiarena "Mattin"	Euskaraz Jatorrizkoa		2016 09 IRAILA
2013	Habiak	Txalaparta	Dejabu Panpin Laborategia / Maite Gurrutxaga	Maite Gurrutxaga	Edizio Elebiduna		2013
2013	Munduko bandarik txarrena	Txalaparta	Jose Carlos Fernandes	Jose Carlos Fernandes	Portugesetik itzulia	Bego Montorio Uribarren
2006	Kristalezko hiria	Txalaparta	Paul Karasik, Paul Austerren eleberriaren egokitzapena	David Mazzucchelli	Ingelesez jatorrizkoa	Harkaitz Cano	1994, City of Glass
2000	Zitroi ur komikiak.Joseba Sarrionandia komikitan	Txalaparta	Sarrionandia, Joseba	Napartheideko marrazkilariak	Euskaraz jatorrizkoa		2000
GUZTIRA : 16 KOMIKI EUSKARAZ