2024

2024 URTEKO EUSKARAZKO KOMIKIAK

Beste proiekturen bat ezagutzen baduzu, gehitu zerrendara edo bidali mezu bat komikipedia (a bildua) gmail.com helbidera

PAPEREAN ARGITARATUTAKOAK

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
02 OTSAILA	Girls' Last Tour 3 / Girls' Last Tour Saila	Harriet Ediciones KABE Argitalpen-zigilua	Tsukumizu	Tsukumizu	Japonieratik itzulia	Iker Alvarez	2014-2018 Shinchosa argitaletxeko Go Go Bunch aldizkarian 少女終末旅行 / Shoujo Shuumatsu Ryokou
02 OTSAILA	Biga 6. Arrosa koloreko bizitza BIGA SAILA	Astiberri Txikiberri Argitalpen-zigilua	Romain Pujol	Vincent Caut	Jatorrizkoa frantsesez	Bego Montorio Uribarren	2019 Avni 6(Milan editeur)
03 MARTXOA	Zu zara nire eguzki errea Ahizpak Saila 7	Hachette Cómic	Christophe Cazenove / William	William	Jatorrizkoa frantsesez	Miren Garate / Bakun itzulpen zerbitzuak	2012 Les Sisters 7 'Mon coup d'soleil, c'est toi ' Bamboo Édition
02 OTSAILA	Wanted: Erretratu odoltsua	Harriet Ediciones	David Boriau	Steven Dhondt	Jatorrizkoa frantsesez	Miel Angel Elustondo Etxeberria	2023/07 Wanted, portrait de sang (Drakoo, Bamboo Édition taldearen baitan)
MARTXOA	Bubu eta haren lagunak	A fin de cuentos	Yoon-sun Park	Yoon-sun Park	Jatorrizkoa frantsesez	Joana Pochelu	2022 'Boubou et ses amis', Biscoto argitaletxea
03 MARTXOA	Munduaren itzulia 80 egunean	Cartem Comics	Jean-Michel Coblence Julio Verneren eleberriaren egokitzapena	Younn Locard	Jatorrizkoa frantsesez	Bego Montorio Uribarren	2021 Le tour du monde en 80 jours (Casterman)
03 MARTXOA	Luteziako bizitzia	SALVAT/BRUÑO Idefix eta menderakaitzak Saila 3	Olivier Serrano Marine Lachenaud (Gosciny eta Uderzoren Asterix saila erreferentzia bezala hartuta)	David Etiene / Philippe Fenech(Uderzoren Asterix saileko irudiak erreferentzia bezala hartuta)	Jatorrizkoa frantsesez	Maddalen Arzallus Antia	2022an 'Ça balance pas mal à Lutèce!'Les Editions Albert René
04 APIRILA	24 ordu ohianean	Ttarttalo	Lan Cook	Stacey Thomas	Ingelesetik itzulia	Unai Brea	2022 Hours in the jungle (Usborne Publishing Ltd)
04 APIRILA	Iratxo txikia eta ibarreko munstroa	Astiberri Txikiberri Argitalpen-zigilua	Álvaro Ortiz	Álvaro Ortiz	Jatorrizkoa gazteleraz	Bego Montorio Uribarren	2024 'La pequeña genia y el monstruo del valle'(Astiberri)
04 APIRILA	Herriak du gehien agintzen	Txalaparta	Raquel Varela	Robson Vilalba	Portugesetik itzulia	Eskarne Mujika Gallastegi	2024, aldiberean Portuguesez (Bertrand Editora), katalanez, gazteleraz, euskaraz
04 APIRILA	Bi ahizpa	Harriet Ediciones	Isabelle Sivan	Bruno Duhamel	Frantsesetik itzulia	Miel Angel Elustondo Etxeberria	2024, 'Deux soeurs' (Bamboo / Grand Angle)
04 APIRILA	Tupust! 3.	Tupust! Kolektiboa Egilea editore	Tupust! Kolektiboa 23 egile	Tupust! Kolektiboa 23 egile	Euskaraz jatorrizkoa		2024ko Apirila
05 MAIATZA	Change the World 1 / Change the World Saila	Harriet Ediciones KABE Argitalpen-zigilua	Yuya Kanzaki	Yuya Kanzaki	Japonieratik itzulia	Iker Alvarez	2018 Shinchoosa argitaletxeko Comic Bunch aldizkarian (チェンジザワールド―今日から殺人鬼―) / Change the World: Kyou kara Satsujink / Bloodthirsty killer from today
05 MAIATZA	Otaku bat Jainko Lanetan 1 / Otaku bat Jainko Lanetan Saila	Harriet Ediciones KABE Argitalpen-zigilua	Rootport	Tomomi Usui	Japonieratik itzulia	Iker Alvarez	2021 Japoniarrez Shinchosha argitaletxeko Comic Bunch aldizkarian 神と呼ばれたオタク / Kami to Yobareta Otaku / An otaku called God
05 MAIATZA	MO. Behi euskaldun baten memoriak	Pamiela	Pello Varela Bernardo Atxagaren eleberriaren egokitzapena	Juan Suárez	Euskaraz jatorrizkoa (Bernardo Atxagaren euskarazko liburuan oinarritua, komikirako gaztelerazko gidoia egin da.)	Bernardo Atxaga eta Asun Garikano arduratu dira euskarazko bertsioaz	2024 maiatza, aldiberean euskaraz eta gazteleraz (Mo. Memorias de una vaca. Ediciones La Cúpula)
06 EKAINA	Menderakaitzen zirkua	SALVAT/BRUÑO Idefix eta menderakaitzak Saila 4	Yves Coulon / Simon Lecocq / Cédric Bacconnier (Gosciny eta Uderzoren Asterix saila erreferentzia bezala hartuta)	David Etiene /Philippe Fenech/Rudy(Uderzoren Asterix saileko irudiak erreferentzia bezala hartuta)	Jatorrizkoa frantsesez	Maddalen Arzallus Antia	2023an 'Les Irréductibles font leur cirque'Les Editions Albert René
06 EKAINA	Superpatata 2/3 Estolderian SUPERPATATA: NAHASPILA KOSMIKOA SAILA (SUPERPATATA BILDUMA)	Bang Ediciones / Mamut Comics	Artur Laperla	Artur Laperla	Jatorrizkoa Katalanez eta Gazteleraz	Esther López Epelde	2024 ekaina: Superpatata, Enredo cósmico 3,'En las cloacas'(Bang Ediciones/Mamut)
07 UZTAILA	Biga 7. Txantxak sortzeko makina BIGA SAILA	Astiberri Txikiberri Argitalpen-zigilua	Romain Pujol	Vincent Caut	Jatorrizkoa frantsesez	Bego Montorio Uribarren	2020 Avni 7(Milan editeur)

KOMIKIGINTZAREN INGURUKO JARDUERA ETA ALBISTEAK 2024 URTEAN

NAFARROAKO KOMIKIAREN AZOKA

irailaren 6tik 29ra Tiza elkarteak antolatuta Nafarroako XV. Komiki Azoka" ospatuko da Iruñean nagusiki (ekintza batzuk Lizarran ere egingo dira eta oraingoz ez da beste egoitzarik jakinarazi) Nafarroako Komiki Azoka ez da komikien salmenta postuetan oinarritzen, baizik eta hilabeteko epean garatzen diren hitzaldi, erakusketa, tailer eta beste jarduerek dute garrantzia. Azokaren XV. edizioa da aurtengoa eta abuztuan zehar jakinaraziko dira irailean antolatu diren ekintzak: komiki aurkezpen eta sinatze txandak, erakusketak, solasaldiak, tailerrak... Ohi bezala, Azokaren ikur izango den kartela izan da jakinarazi den lehendabiziko gauza: aurtengoa Galiziako Bea Lemak sortu du, bere komikietan erabiltzen duen brodatze teknika erabiliz eta Irurtzungo kiliki bat protagonista bilakatuta.

Bea Lema da aurtengo kartelaren egilea: A Coruñan jaio zen 1985 urtean. ilustratzailea eta komikigilea da. Orain arteko bere lanek, oro har, kutsu autobiografikokoa izan dute.. Grafikoki, marrazketa eta brodatua erabiltzen ditu bere ilustrazio eta komikietarako euskarri gisa. 2017an, A Coruñako Diputazioaren XII. Castelao Komiki Saria jaso zuen 'O Corpo de Cristo' bere lehen eleberri grafikoagatik, amaren gaixotasun mentala neskato baten ikuspegitik tratatzen duen proiektu autobiografikoa. 2022an Angoulême-ko (Frantzia) Maison des Auteurs-en egoitza egiteko beka jaso zuen, Bere lehen komiki hartan oinarritu zen eta Sarbacane argitaletxeak Frantziar Estatuan argitaratu zuen 'Des maux à dire' izenburupean; Astiberrik argitaratu zuen gazteleraz 'El Cuerpo de Cristo izenburupean' Publikoaren Saria lortu zuen 2024ko Angoulêmeko Komiki Jaialdian eta Montrealen atzerriko lanik onenarena.| Orain arte jakinarazi diren jarduerak Irailaren 12an, osteguna: lanak sinatuko ditu eta jendaurreko solasaldi batean parte hartuko du. Ostiralean Lizarrako Karlismoaren Museoan Artaxoako Esther Vital izango du lagun. Biak stop-motion animaziozko ekoizpenak garatzen ari dira ehunezko materialetan oinarrituta. Lemak 'O Corpo de Cristo' bere lehen eleberri grafikoaren egokitzapenean ari da lanean; Vitalek 'Non dago Heleny?' Brasilgo diktadurari buruzko bideo-lana egin zuen, eta martxan duen hurrengo proiektuak militarraren tortura eta hilketa gune klandestino bat izango du ardatz, "Casa da Morte". Larunbatean, hilak 14, Iruñean ,Pinocheten diktadurari aurre egin zieten Txileko arpilleristen borrokan inspiratutako tailer bat izango da. Brasilen eta beste lekuetan ere erabiltzen da protesta modu hau.

Urteko lehen hilabeteetan burutu diren jarduerak

KOMIKIGINTZARI BURUZKO AZTERKETA, ALBISTE ETA ARTIKULUAK

Josean Morlesín Melladok Correo taldeko hedabidetan 'Komiki biografikoen sortze prozesuaren zokoak' artikulua argitaratu du, bost euskal komikigileren gogoetak jasota:

• Dani Fano ('Migel Marmolen hamaika eta bat jaiotzak', 'Sasi artean Elgeta', azken hau Koldo Izagirre eta Garluk Agirrerekin egina)
• Joseba Larratxe ('Ni ez naiz Mikel Laboa', Unai Iturriaga eta Harkaitz Canoren gidoiarekin)
• Adur Larrea ('Gabriel Aresti biografikoa', 'Antzara eguna' Harkaitz Canoren gidoiarekin)
• Laida Ruiz ('Elur gorrituaren egunak', Amaia Telleriaren gidoiarekin)
• Asisko Urmeneta ('Gora Euskal Herrientsak!', 'Aztihitza - Xahoren biografikoa').

Sustrai Colinak 7K aldizkarirako egunkari eta aldizkarierako zintagintzari buruzko artikulua egin du.

Naroa Zubillaga Gómez-ek 'Euskal komiki-liburuak. Goranzko joera baten azterketa' azterlana argitaratu du Fontes Linguae Vasconum aldizkarian.

HARRIET EDICIONES

Irailean euskal egileen lanak argitaratuko ditu Harriet-ek

Batetik Asier Iturralde Gonzalez de Alaiza "Gaston" irudigilearen 'Egun bat Beti Berdin Tabernan' istorioa.

Bestetik Gregorio Muro "Harriet-ek 'Mugako Dragoiak' sailaren "Azote" izenburuko bigarren liburukia merkaturatuko da: oraingoan Pedro Camello arduratuko da irudietaz eta Dani Seijas koloreaz.

• Urtea amaitu baino lehen argitaratuko da ere Mikel Begoña gidoilariak eta Igor Sarralde Ussia irudigileak sortzen ari diren 'Argia iraungi zen tokia' komikia.

• Agustín Ferrer Casas Iruñeko egileak komiki berria argitaratuko du udazkenean: Gazteleraz Grafitok argitaratuko du eta euskaraz Harriet Ediciones-ek

Adi egon Argitaletxearen webguneari

"ANGEL GOGOAN" ARITZ IRIGOIENEN ESKUTIK

Aritz Irigoien Gartxitorena Iruñeko marrazkilariak Angel Berruetari buruzko komiki bat egiteko lehen pausuak eman zituen orain dela urte batzuk: 2024 urtean 20 urte betetzen direnez hilketa horretatik, lanean jarri da berriz ere eta udara amaieran argitaratzeko asmoa duela adierazi du sareetan.

ASTIBERRI

Astiberri argitaletxeak Paco Roca komigilearen 'Ahanzturaren leizea' komikia argitaratuko du abuztuaren 29an

TXIKIBERRI

Astiberriko zigiluak irailean 'Zipotz' komikia argitaratuko du Josephine Markek 'Txangoan Txiripaz' lanaren egileak alemanez idatzitako Der Bärbeiss gazteentzako liburu ezagunaren egokitzapena egin du.

MANGA EUSKARAZ

Harriet euskal argitaletxeak KABE_Argitalpen-zigilua-ren bidez 6 manga serie ezberdin argitaratu ditu jada.

'Cube Arts' eta 'Heroines Game' osorik irakurri daitezke jada.

Azken urteetan argitaratu dituen beste Manga sail batzuetan liburuki berriak helduko dira liburudenda eta liburutegietara

irailean: - 'Girls Last Tour' Sailaren 4. eta 5. liburukiak (guztira 6 dira) - 'Otaku bat jainko-- lanetan' 2 liburukia (guztira 4 dira) - Dinosaurs Sanctuary #4 (oraingoz Japonian 6 liburuki argitaratu dira)

Urtea amaitu baino lehen 'Change the World' komikiaren 2. liburukia eskuratu ahal izango dela aurreikusten da (guztira 5 atal dira).

Adi egon Argitaletxearen webguneari, lehen Twitter zen X sareari eta Instagram-en duten kontuari.   

Mangaberri webgunean orain arte euskaraz argitaratu diren manga komikien zerrenda osatu dute eta argitaratzea espero diren beste lan batzuen berri eman dute.

IDEFIX ETA MENDERAKAITZAK

2021 urtean Éditions Albert Renék 'Idéfix et les Irréductibles' komiki saila argitaratzeari ekin zion, izen bereko telebistako animazio serie bat emititzen hastearekin batera. Frantziar Estatuan 6 komiki album argitaratu dira orain arte, bakoitzak 3-4 istorio labur dituelarik. Gidoilari eta irudigile ezberdinek parte hartu dute istorioen sorkuntzan, batzuk hasieratik, beste batzuk azken zenbakietan, batzuk istorioren batean eta beste batzuk anitzetan.

Gazteleraz eta katalanez 2022 urtean argitaratu zen lehen albuma, eta euskaraz 2023ko otsailean heldu zen lehen liburukia liburudenda eta liburutegietara eta urte bereko azaroan bigarrena. 2024 urteko udaberri udazkenean 2 ale gehiago argitaratu dira eta irailean iritsiko da saltoki eta liburutegietara 5. liburukia, 'Idefix eta Druida': bertan Idefixek Asterixen istorioetako hainbat pertsonai ezagutuko ditu, besteen artean Panoramix eta Amnésix druidak ('Le combat des chefs') baita 'Aztia' abenturako Prolix ere edo 'Urrezko Igitaia' istorioko Amérix.

XXI mendean argitaratu diren Asterix-en gainontzeko istorioekin egin bezala, Maddalen Arzallus Antiak euskaratu ditu lan hauek, Bakun itzulpen zerbitzuak enpresaren bidez.

BANG EDICIONES, MAMUT ZIGILUA

2024ko ekainean SuperPatata pertsonaiaren Nahaspila kosmikoa sailaren 3. liburukia argitaratu da: 'Estolderian'. Honekin amaiera eman zaio espazioko trilogia honi.

Irailean Marko Torres egilearen 'Superninja Kururo' argitaratuko da.

ZEROCALCARE EUSKARAZ BERRIZ ERE

Farmazia Beltzak udazkeneanZerocalcareren komiki berria argitaratuko du euskaraz.TalaiosKoop ere tartean izango da.

'Cuando muori resta a me' izenburupean argitaratu zen maiatzean Italian eta La Stampa egunkariaren arabera asteko libururik salduena izan zen, ia 30.000 aletako langa gaindituta.

ERROAK SAILA 3: ITSASOA

Amaya Echevarriaren ideia eta gidoietan oinarrituta eta Tiago Battesti irudigilearekin elkarlanean, 2020ko abenduan iritsi zen zaleen eskuetara Erroak saileko lehen liburukia, 'Ilargiaren orrazia'; bigarrena, Gizotso, 2023 urtean plazaratu zen eta 2024 urterako argitaratu nahi dute Itsasoa, sailaren 3. alea. Guztira 2028 urtera bitarte, urtez urte ale bat argitaratuta, 7 liburukiz osatutako saga osatu nahi dute.

Amaia eta Tiagoz gain, koloreztatze lanetan Chistophe Leon gehituko da lantaldera, Nahia Zubeldiak itzultzen ditu lanak frantsesetik eusrara, eta lantaldean Peio Lataste aritzen da zuzendari artistiko lanetan eta Benoît Etcheverry egitasmoaren komunikazioaz arduratzen da.

Autoedizioa eta "Crowfunding" finantziaketa sistema dira egitasmo honen ezaugarri bereziak.

SUBERVIOLA

Bilkuia webgunean kontatzen denez, Mikel Irure, Aitor Razkin eta Iñaki Sagardoi Gregorio Suberviola (Morentin, 1896) anarkista nafarraren bizitza kontatuko duen komikiaren proiektuan ari dira lanean. Komikia finantzatzeko aitzinsolasa argitaratu eta salgai jarri dute. Facebook-eko orrialdean erakusten ari dira komikiaren sorkuntza prozesua 2024 urtean Antsoaingo Txokogorrin erakusketa bat antolatu zen Gregorio Suberviolari buruz bere heriotzaren 100. urteurrenean: komikiaren lagin batzuekin erakusketa antolatu zen eta Iñaki Sagardoik hitzaldi batean parte hartu zuen.

CESAR OROZ ETA MINTZOA ARGITALETXEA

Mintzoa argitaletxeak eta Cesar Orozek akordioa egin dute Nafarroako historiari buruz gutxienez 5 bat komiki liburu argitaratzeko.

2023 urtean argitaratu zen 'Zirt Zart Nafarroan : Noaingo Bataila 1521' komikia argitaratu zen eta hurrengo alea 2024 edo 2025 urtean argitaratuko litzateke.

XABIROI ALDIZKARIA

Xabiroi aldizkaria urtean 4 aldiz argitaratu ohi da, otsaila, ekaina, urria eta abenduan.

4 aleak jasotzeko harpidetza 14 euroren truke egin daiteke.

Udazkenean iritsi ohi da urtero Ikastolen Elkarteak sustatzen duen aldizkarian atalka agertu den istorio baten albuma.