Astiberri

ASTIBERRI ARGITALETXEA

2001 urtean sortu zen Bilbon Astiberri komiki argitaletxea. Nazioarteko komikilarien lanak argitaratzen ditu, Estatu Frantziarrekoak, Estatu Batuetakoak eta Estatu Espainiarrekoak nagusiki.

500 komiki baino gehiago argitaratu ditu sortu zenetik, eta hauetatik 40 inguru euskaraz argitaratu ditu. Hasiera batean haur eta helduentzako komikiak tartekatu zituen Astiberrik, urtero 2 edo ale, baina 2020 urtetik aurrera kopuruetan aldaketa iritsi zen Txikiberri Argitalpen-zigilua jarri baitzuen martxan: honen ondorioz urtero euskaraz argitaratutako komiki kopurua nabarmen handitu du Astiberrik, baina argitaratutako lanen artean haur/gazteen liburuak helduen kopurei gailendu zaizkee: 2020tik Astiberriki euskaraz argitaratu dituen 15 komikietatik soilik 2 izan dira helduentzat, hain zuzen ere Elizabeth Casillas/Higinia Garay euskal egileen 'Emakume guztiak' eta 'Maus' Pulitzer saria. Julen Gabiria itzultzaileak jakinarazi du Astiberrik euskaraz argitaratuko duela Joe Saccok Plaestinari buruz egindako komikia.

ASTIBERRI ETA EUSKARA 2000/2014/2020

2000. hamarkadan haurrentzako bizpairu liburu ilustratu eta komiki argitaratu eta gero, 2014 urtean hasi zen Astiberri jarraikortasunez euskarazko komikiak argitaratzen : ibilbide honetan euskaraz zein gazteleraz argitaratutako lehen lana Javier de Isusi donostiarraren 'Baleak ikusi ditut' komikia izan zen, eta ondoren euskarara itzulitako Euskal Herritik kanpoko autoreen lanak merkaturatu ditu nagusiki (Paco Roca, Zapico, Frederik Peeters...). Euskal autoreei dagokionez, Isusiren 'Asylum' Komikiaren bigarren edizioa gazteleraz eta euskaraz argitaratu ondoren, 2018ko urriaren 18an Dani Fano donostiarraren 'Migel Marmolen hamaika eta bat bizitzak' komikia argitaratu zuen. https://twitter.com/gabiriakopa/status/1658125083809021952 Julen

2020 urtean Astiberri Infantil/Txikiberri Argitalpen-zigilua jarri zuten martxan, gazteleraz, euskaraz eta katalanez haurrentzako komikiak argitaratzeko proiektua, eta maiatzean iritsi zen dendetara lehen alea: Adrien Albert autorearen "Claude eta Morino 1. Madarikazioa" komikia; urtean zehar beste dozena erdi komiki argitaratu ziren, eta 2021/2022 urteetan autore berri batzuren lanak eta zenbait sailen 2., 3. edo eta liburukiak argitaratu ziren .Argitaletxearen arabera, 6 urtetik gorako haurrei zuzenduta dago zigilu hau. Txikiberriko ale guztiak gazteleraz argitaratzen dira baina denak ez dira euskaraz argitaratu.

EUSKARAZ ARGITARATUTAKO LANAK

Euskaraz argitaratutako lehen lanak argitaletxea sortu berritan heldu ziren,2002 urtetik aurrera euskaraz eta gazteleraz argitaratu baitzen Raquel Alzate, Ricardo del Río eta Aritza Bergararen Mitologika saila, ilustrazio eta testuz osatutako liburua (3 liburuki guztira).

2004ean argitaratu zuen Astiberrik euskarazko bere lehen komikia, haurrentzako Gugu sailean: Errege kalamitatea. "Adalbertok ez du lotsa handirik" Lewis Trondheimen gidoiaz eta Fabrice Parmeren marrazkiez; Joxe Rojas izan zen euskaratzailea. Gaztelaniaz, katalanez eta galegoz argitaratu zen ere.

Gugu sailak izan dituen beste 6 liburuen artean soilik Dave McKean eta Neil Gaimanen Otsoak hormetan album ilustratua argitaratu zen euskaraz.

2004 urtean ere gazteleraz eta euskaraz argitaratu zuen (Deustuko Unibertsitatearekin batera) Juan Manuel Díaz de Guereñuk Habeko mik ekimenari buruz egindako azterlana: Habeko mik Euskal komiki ahalegina (1982-1991). Mikel Ugaldek itzuli zuen euskarara.

Jarraikortasunez euskarazko komikiak argitaratzen 2014 urtean hasi zen Astiberri, eta Javier de Isusiren Baleak ikusi ditut lana izan zen lehen emaitza: gazteleraz eta euskaraz une berean argitaratu zuten, Bego Montorio arduratu zen lan hori euskarara itzultzeaz, eta bera arduratu izan da ere handik aurrera Astiberrik euskaraz argitaratu dituen eskararako itzulpen guztietaz.

2014 urtetik aurrera, urtero komiki bat edo bi argitaratu izan ditu euskaraz, baina denak (lehen aipatutako Isusiren kasua izan ezik) berralgitalpenak eta Euskal Herritik kanpoko autoreen lanak izan dira, komikigintzako harribitxiak denak: Paco Rocaren Zimurrak (2014) eta Etxea (2016), Miguel Gallardoren 'Maria eta biok' (2014) eta 'Mariak 20 urte betetzen ditu' (2015), Alfonso Zapicoren 'Dublindarra' (2015), eta Frederik Peeters-en 'Pilula Urdinak' (2016)

2016eko irailean Argiak argitaratu zuen Jabi Zabalak Fernando Tarancon Astiberri argitaletxeko arduradunari egindako elkarrizketa.

2017 urtean berragitaratu zuen euskaraz eta gazteleraz 2015 urtean Isusik CEAR erakundearentzat egindako Asylum komikia. Urte berean Emilio Ruiz eta Ana Mirallesen Waluk komikia argitaratu zen. Ondo maite nazazu: tratu txarreko istorio bat komikiaren euskarazko bertsioa argitaratu zuen ere Astiberrik, Bizkaiko Aldundiaren Emakumea Babesteko eta Familiei Laguntzeko Zerbitzurako , baina komikia ez den salgai jarri: Bizkaiko liburutegi sarean eskuragarri dago eta Eusko Jaurlaritzako Katalogo Bateratuaren bidez eskuratu daiteke.

Ibilbide honetan, hasiera batean gazteleraz komiki bat argitaratu eta urte batzuetara argitaratu izan zituen Astiberrik euskarazko bertsioak, baina 2016tik aurrera batera merkaturatu ditu komiki berdinaren Estatu espainiarreko hizkuntza ezberdinetan argitaraturako komikiak, adibidez Etxea, Waluk, Zubigileak...

2018an Alfonso Zapico asturiarraren Los puentes de Mosku/Zubigileak komikia argitaratu zuen euskaraz.

2017-2018 eta 2019an hurrenez hurren Emilio Ruiz eta Ana Miralles komikigileen Waluk Sailaren hiru liburukiak argitaratu zituen euskaraz Astiberrik. 2011ean sortu zuten bi autoreek Hartz zuriaren lehen komikia, baina bigarrena ez zen 2017 urterarte iritsi. Urte horretan bertan argitaratu zen lehen atalaren euskarazko bertsioa: 2018an bigarren atala euskaraz argitaratu zen, "Bidaia handia" izenburupean eta 2019ko hirugarrena, "Txakur handiaren bidea", denak Bego Montorioren itzulpenarekin.

2018KO URRIA: DANI FANOREN KOMIKIAREN ARGITALPENA

Migel Marmolen hamaika eta bat jaiotzak 8 urtetan zehar Dani Fanok landutako proiektu pertsonala izan da eta Eusko Jaurlaritzak 2017 urtean komikiak eta liburu ilustratuak sortzeko antolatutako diru laguntza deialdiaren saridunetako bat izan zen.

2019: "WALUK"-en HIRUGARRENA ETA "SALTO", EUSKAL GATAZKA ANDALUZIAR BATEN ETA BELGIAR BATEN IKUSPEGITIK

Emilio Ruiz eta Ana Mirallesek 2019ko apirilean argitaratu zuten Waluk Sailaren hirugarren atala gazteleraz Astiberrirekin, eta aldiberean argitaratu zen euskaraz.

Helduentzako komikigintzan, "Salto" izan zen Astiberriren urteko argitalpena: Mark Bellido gidoigilearen esperientziaren emaitza da Salto, Euskal Herrian bizkartzain jardun zuen garaikoa, eta Judith Vanistendael belgikarrak ekarri du marrazkitara. Astiberriko sinopsiaren arabera "Valentziako herri txiki batean bizi da Miquel, eta badu zoriontsu izateko behar duena: maite duen familia eta inguruko umeen estimua ekarri dion banatzaile lanpostua litxarreria denda batean. Baina Miquelek amets bat du. Idazle izan nahi du. Sinetsita dago ezin dela idatzi bizitza zirraragarria izan ezean, eta bizimodua aldatzea erabakitzen du; estatuaren zerbitzuko bizkartzaina izateko aurkezten du bere burua. Lehen lanpostuak Euskal Herrira eramango du, non hautetsiek etengabeko zaintza behar duten." Getxoko Azokan aleak sinatzen egon ziren bi autoreak.

2020 ASTIBERRI INFANTIL/TXIKIBERRI SAILA

Astiberri argitaletxearen eskutik Astiberri Infantil/Txikiberri izenpean 2020ko martxotik aurrera gazteleraz, euskaraz eta katalanez haurrentzako komikiak argitaratzeko proiektua jarri zen martxan: COVID19 egoera dela eta ez zen erraza izan argitalpenen martxa zehaztea, baina Astiberrik azkenean lortu zuen aurreikusitako album guztiak kaleratzea. Lehen alea maiatzaren 28an iritsi zen liburudendetara, Adrien Albert autorearen 'Claude eta Morino 1. Madarikazioa' komikia; uztailean Martín Romeroren "Uxío" argitaratu zen, urrian merkaturatuko zen Romain Pujol eta Vincent Caut autore frantziarren Biga 1. Benetan identifikatu gabeko animalia eta azaroaren 19an Emily Tetriren "Tiger Vs. Nightmare" (8 urte azpikoentzako mailan Eisner Sari bat jasotakoa). Komiki hauetako batzuk sail baten lehen alea dira, beraz oso argitalpen interesgarriak izan daitezke haur literaturaren munduan pertsonai identifikagarriek eta "sagek" duten garantzia kontuan hartuta. 'Argitaletxearen arabera, Txikiberri 6 urtetik gorako haurrei zuzenduta dago, baina badira gatzetxoentzako komikiak ere, nahiz eta azken kasu honetan gazteleraz argitaratu diren denak denak ez diren euskarara itzuli.

`Claude eta Morino´ komikiaren kaleratzearen arira, Imanol Mercerok 'Claude eta Morino' komikiari buruzko iruzkina egin zuen Berrian "Olatu berria ote dator?" izenburupean, eta Astiberrik irekitako bideari buruzko hausnarketa egin zuen, haurrentzako bereziki sortutako komikikiak hizpide hartuta.

Txikiberri Argitalpen-zigilua bigarrena 'Uxío' komikia izan zen, uztailean argitaratua

Martín Romero galiziarrak sortu dituen istorioek "mutiko baten abentura eta gorabeherak umorez, poesiaz eta bizitasunez jasotzen dituzte, pare bat orrialdetako kontakizun laburretan bildurik. Horietakoren batean, parte hartzeko ere eskatuko dio irakurleari."

Jatorrizkoa galegoz 2019an A Coruñako Diputazioak ematen duen Castelao komiki saria lortu zuen, haur eta gazteentzako atalean.

2020 URTEKO HELDUENTZAKO KOMIKIAK EUSKARAZ

‘Emakume guztiok’ komiki liburua 2020ko uztailean argitaratu zen Mundu Bat Gobernuz Kanpoko erakundearen eta Astiberriren eskutik: Mundu Baten enkarguz eta proiektu zabalago baten baitan, gidoia Elizabeth Casillasek egin du eta marrazkiak Higinia Garayk. El Salvadorren abortu delitua egotzita espetxeratu dituzten emakumeak dira kontakizunaren ardatza.

2020ko uztailaren 17an aurkeztu zen komikia Donostiako Tabakaleran, eta ‘La historia de todas nosotras’ dokumentala proiektatu zen ere eta Node taldeak koreografia bat eskeini zuen

2020ean Jon Muñoz Astiberrirako itzultzaile lanetan hasi zen, Txikiberri Saileko ‘Biga’ eta ‘Tigrea amesgaiztoaren kontra’ komikiak itzuliz. Ordurarte Bego Montorio Uribarren izan zen euskararazko bertsioen arduradun bakarra (2020ean ‘Claude eta Morino’, 'Uxío' eta ‘Emakume guztiok’ komikiak euskararatu ditu) eta orain bien lanari esker irakurri daitezke Astiberriko komikiak euskaraz. 

2021 TXIKIBERRIko ISTORIO BERRIAK ETA JARRAIPENAK. HELDUENTZAKO EUSKARAZ KOMIKIRIK EZ AURTEN.

2021 urtean Txikiberriren baitan Anouk Ricard frantziarraren 'Patti eta inurriak' Komikia argitaratu zuen Astiberrik: 2020 urtean hasiera izan zuten pertsonaien sail batzuk jarraipena izan zuten:'Claude eta Morino' sailaren bigarren albuma eta 'Biga' saileko bi liburuki argitaratu ziren.

Bego Montorio Bizkaia Irratiko 'Irakurrieran' saioan Txikiberri sailaz mintzatu zen.

Baina Txikiberriko komiki guztiek ez dute euskarazko bertsiorik... 2021ean soilik gaztelaniaz argitaratu ditu Astiberrik adinez nagusigoak diren haur eta gaztetxoentzat bideratutako 3 komiki: 'Los Muértimer','Utralazer' eta 'Nimona'.

2021 urtean Astiberrik ez zuen helduentzako euskarazko komikirik argitaratu, baina hurrengo urteetan indarrez eta haziera nabarmen batez berrekin zion arlo honi: koalitatiboki komikigintzako nazioarteko komiki entzutetsuak euskarara ekarriz eta koantitatiboki ere 2024 urtetik aurrera.

2022 URTEA: EISNER ETA PULITZER SARIKETEN IKURRAK EUSKARAZ

2022 urtean Astiberrik euskaraz argitaratu zituen 4 komikietatik 3 Txikiberri Argitalpen-zigilukoak izan zirenm

Batetik Álvaro Ortiz Zaragozarraren 'Iratxo txikia eta shatranj partida' argitaratu zuen eta BIGA sailaren 4. liburukia.

Bestetik 10 urtetik gorako irakurleentzat 2010 urteko 'Smile' komikia ekarri zuen euskarara Astiberrik. Lan honi esker Eisner sari entzutetsua jaso zuen Raina Telgemeier egileak.

Helduentzat, Julen Gabiriak euskarara ekarri zuen ‘Maus: A Survivor's Tale’ komikia; Art Spiegelman suediar/estatubatuarrak 1980tik aurrera ‘Raw’ komiki aldizkarian atalka argitaratutako istorioa. 1992 urtean Pulitzer sari bat jaso zuen lehen komikia izan zen. Eleberri grafiko hau komikigilea eta Vladek haren aitaren arteko elkarrizketetan oinarritzen da, aitak kontzentrazio-esparru batean bizi izandakoak hizpide dutela.

2023 TXIKIBERRI LEHEN ALDIZ ALEMANIARRETIK EUSKARARA ETA JOE SACCOREN 'PALESTINA'

Euskaraz argitaratzen dituen lanen artean Txikiberri bildumakoak nagusi dira Astiberriren katalogoan.

Zenbait sailek jarraipena izaten ari dira, adibidez Martín Romero galiziarraren 'Uxío' 2 liburukia argitaratu da eta BIGA sailaren 5. liburukia bidean da.

Bestalde, gazte literaturaren baitan Josephine Mark alemaniarraren 'Txangoan txiripaz' argitaratu da, minbiziaren gaia zeharka lantzen duen komikia. Naroa Zubillagak egin du itzulpena.

7 urtetik gorako irakurleentzat Lucas Ferreyra argentinarraren 'Piqo-Piqo eta Indotxinako txipiroi erraldoi izugarria' argitaratu zuen, Astiberrik ohi duen bezala aldierean gazteleraz, euskaraz eta katalanez.

Helduentzat, Julen Gabiriak euskarara ekarri zuen Joe Sacco-ren ‘Palestina‘ komikia, jarraipena emanez Astiberrik azken urteetan nazioarteko komikigintzaren ikurrak gure hizkuntzara itzultzeko ildoari: XX mendeko azken hamarkadan sortu zen komiki honen XXI mendeko berrargitalpen honek bat egin zuen garai berean Gazako sarraskia handiarekin, eta Gabiriak komunikabideetan eta komiki aurkezpenetan Palestinako gatazkaren perspektiba historikoa eta gaur egungoa txertatu ahal izan ditu, beti ere egilearen eta komikiaren ezaugarrietatik abiatuta.

2024 TXIKIBERRIN 'BIGA','IRATXO TXIKIA' eta 'ZIPOTZ'

2024ko otsailaren 22an argitaratu da euskaraz Biga 6 'Arrosa koloreko bizitza' eta apirilean 'Iratxo txikia' sailaren bigarren liburukia.

2024 HEARTSTOPPERS

Nerabeentzat Astiberrik Alice Oseman-ek sortutako 'Heartstopper' sailaren lehen bi liburukiak argitaratuko ditu (itzultzailea Naroa Zubillaga).

2024 ISUSI, ROCA, PRATT ETA JOE SACCO BERRIZ ERE EUSKARAZ

Komikigitzaren klasiko berri bat egongo da laster eskuragarri: Hugo Pratt-ek sortu zuen Corto Maltese-ren abenturen lehen atala 'Itsaso gaziaren balada bat', Irene Hurtado de Saratxok euskarara ekarria.

Julen Gabiriak Joe Sacco-ren 'Gerra Gazan' ekarri du euskarara.

Gazteleraz argitaratutako komikien euskarazko edizioak ere argitaratu ditu: euskal egileen artean Javier de Isusiren Goizero eta bestalde Paco Roca Valentziarraren Ahanzturaren leizea.

EUSKARAZ ARGITARATUTAKO KOMIKIAK

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2024 12 ABENDUA	Itsaso gaziaren balada bat	Astiberri	Hugo Prat	Hugo Prat	Jatorrizkoa italieraz	Irene Hurtado de Saratxo	1967 Sgt Kirk aldizkarian atalka
2024 12 ABENDUA	Gerra Gazan	Astiberri	Joe Sacco	Joe Sacco	Jatorrizkoa ingelesez	Julen Gabiria	2024 01 The Comic Journal webgunean eta ondoren Fantagraphics-ek paperean argitaratu du.
2024 12 ABENDUA	Heartstopper 1. Bi mutilen enkontrua Heartstopper Saila	Astiberri Txikiberri Argitalpen-zigilua	Alice Oseman	Alice Oseman	Jatorrizkoa ingelesez	Naroa Zubillaga	2016an webcomic formatuan, 2019an paperean
2024 12 ABENDUA	Heartstopper 2. Zu etxerako! Heartstopper Saila	Astiberri Txikiberri Argitalpen-zigilua	Alice Oseman	Alice Oseman	Jatorrizkoa ingelesez	Naroa Zubillaga	2016an webcomic formatuan, 2019an paperean
2024 11 AZAROA	Goizero	Astiberri FICE Spain, Agintzari, Resilis	Javier de Isusi	Javier de Isusi	Jatorrizkoa gazteleraz	Nekane Gonzalez Gerriko	2024 11 Azaroa aldiberean gazteleraz eta katalanez (Astiberri)
2024 IRAILA	Zipotz	Astiberri Txikiberri Argitalpen-zigilua	Annette Pehnt --- Josephine Mark	Josephine Mark --- Jutta Bauer	Jatorrizkoa alemanez	Naroa Zubillaga	2024 apirila, 'Der Bärbeiß' ‎Kibitz Verlag argitaletxea
2024 08 ABUZTUA	Ahanzturaren leizea	Astiberri	Paco Roca Rodrigo Terrasa	Paco Roca	Gazteleratik itzulia	Bego Montorio Uribarren	2023 (Astiberri)
2024 07 UZTAILA	Biga 7. Txantxak sortzeko makina BIGA SAILA	Astiberri Txikiberri Argitalpen-zigilua	Romain Pujol	Vincent Caut	Jatorrizkoa frantsesez	Bego Montorio Uribarren	2020 Avni 7(Milan editeur)
2024 APIRILA	Iratxo txikia eta ibarreko munstroa	Astiberri Txikiberri Argitalpen-zigilua	Álvaro Ortiz	Álvaro Ortiz	Jatorrizkoa gazteleraz	Bego Montorio Uribarren	2024 'La pequeña genia y el monstruo del valle'(Astiberri)
2024 02 OTSAILA	Biga 6. Arrosa koloreko bizitza BIGA SAILA	Astiberri Txikiberri Argitalpen-zigilua	Romain Pujol	Vincent Caut	Jatorrizkoa frantsesez	Bego Montorio Uribarren	2019 Avni 6(Milan editeur)
2023 12 ABENDUA	Palestina	Astiberri	Joe Sacco	Joe Sacco	Jatorrizkoa ingelesez	Julen Gabiria	1993–1995 atalka 9 zatitan eta 2001 urtean liburuki bakarrean, Fantagraphics Books.
2023 1O URRIA	Piqo-Piqo eta Indotxinako txipiroi erraldoi izugarria	Astiberri Txikiberri Argitalpen-zigilua	Lucas Ferreyra	Lucas Ferreyra	Jatorrizkoa gazteleraz	Bego Montorio Uribarren	2023, aldiberean gazteleraz eta katalanez
2023 05 MAIATZA	Biga 5. Bat eta bakarra BIGA SAILA	Astiberri Txikiberri Argitalpen-zigilua	Romain Pujol	Vincent Caut	Jatorrizkoa frantsesez	Bego Montorio Uribarren	2018 Avni 5(Milan editeur)
2023 O4 APIRILA	Txangoan txiripaz	Astiberri Txikiberri Argitalpen-zigilua	Josephine Mark	Josephine Mark	Jatorrizkoa alemanez	Naroa Zubillaga	2022 urtean, 'Trip mit Tropf' (Kibitz Verlag argitaletxea)
2023 O3 MARTXOA	Uxío eta lagunak Uxío Saila 2	Astiberri Txikiberri Argitalpen-zigilua	Martín Romero	Martín Romero	Jatorrizkoa galegoz	Bego Montorio Uribarren	2023 O3, Astiberrik aldiberean galegoz, euskaraz, gazteleraz, katalanez
2022 12 ABENDUA	Maus	Astiberri	Art Spiegelman	Art Spiegelman	Jatorrizkoa ingelesez	Julen Gabiria	1980–1991 urteen artean atalka Raw aldizkarian, 1991 urtean liburuan Pantheon Books
2022 10 URRIA	Irri egin	Astiberri Txikiberri Argitalpen-zigilua	Raina Telgemeier	Raina Telgemeier	Jatorrizkoa ingelesez	Miel Angel Elustondo Etxeberria	2010 Smile (Scholastic/Graphix)
2022 07 UZTAILA	Biga 4. Biga endreda-makila BIGA SAILA	Astiberri Txikiberri Argitalpen-zigilua	Romain Pujol	Vincent Caut	Jatorrizkoa frantsesez	Bego Montorio Uribarren	2017 Avni 4(Milan editeur)
2022 MAIATZA	Iratxo txikia eta shatranj partida	Astiberri Txikiberri Argitalpen-zigilua	Álvaro Ortiz	Álvaro Ortiz	Jatorrizkoa gazteleraz	Bego Montorio Uribarren	2022 'La pequeña genia y la partida de shatranj'(Astiberri)
2021 10 URRIA	Biga 3. Errekreazioak, klik eta ekin BIGA SAILA	Astiberri Txikiberri Argitalpen-zigilua	Romain Pujol	Vincent Caut	Jatorrizkoa frantsesez	Jon Muñoz	2016 Avni 3(Milan editeur)
2021 06 EKAINA	Claude eta Morino 2. Zorionak zuri! Claude eta Morino Saila	Astiberri Txikiberri Argitalpen-zigilua	Adrien Albert	Adrien Albert	Jatorrizkoa frantsesez	Bego Montorio Uribarren	2019, "Claude et Morino 2" Joyeux Anniversaire!, Editions L'école des loisirs
2021 04 APIRILA	Biga 2. Super laguna! BIGA SAILA	Astiberri Txikiberri Argitalpen-zigilua	Romain Pujol	Vincent Caut	Jatorrizkoa frantsesez	Jon Muñoz	2014 Avni 2(Milan editeur)
2021 03 MARTXOA	Patti eta inurriak	Astiberri Txikiberri Argitalpen-zigilua	Anouk Ricard	Anouk Ricard	Jatorrizkoa frantsesez	Bego Montorio Uribarren	2010 'Patty et les fourmis' (Gallimard Bd)
2020 11 Azaroa	Tigrea amesgaiztoaren kontra	astiberri Txikiberri Argitalpen-zigilua	Emily Tetri	Emily Tetri	jatorrizkoa ingelesez	Jon Muñoz	2018 Tiger vs. Nightmare (First second)
2020 10 URRIA	Biga 1. Benetan identifikatu gabeko animalia BIGA SAILA	Astiberri Txikiberri Argitalpen-zigilua	Romain Pujol	Vincent Caut	Jatorrizkoa frantsesez	Jon Muñoz	2014 Avni 1(Milan editeur)
2020 07 UZTAILA	Emakume guztiok	Astiberri	Elizabeth Casillas	Higinia Garay	Gazteleratik itzulia	Bego Montorio Uribarren	2020, aldiberean euskaraz eta gazteleraz "Todas Nosotras" Astiberri
2020 07 UZTAILA	Uxío Uxío Saila 1	Astiberri Txikiberri Argitalpen-zigilua	Martín Romero	Martín Romero	Jatorrizkoa galegoz	Bego Montorio Uribarren	2020, Astiberri, aldiberean galegoz, euskaraz, gazteleraz, katalanez
202O 05 MAIATZA	Claude eta Morino 1. Madarikazioa	Astiberri Txikiberri Argitalpen-zigilua	Adrien Albert	Adrien Albert	Jatorrizkoa frantsesez	Bego Montorio Uribarren	2018, "Claude et Morino 1", Editions L'école des loisirs
2019 10 URRIA	Salto	Astiberri	Mark Bellido	Judith Vanistendael	Gazteleraz jatorrizkoa	Bego Montorio Uribarren	2016, frantsesez argitaratu zen "Salto" komikia (Le Lombard, Bruselas)
2019 04 APIRILA	Waluk 3: Txakur handiaren bidea WALUK SAILA	Astiberri	Emilio Ruiz	Ana Miralles	Gazteleratik itzulia	Bego Montorio Uribarren	2019, Waluk La ruta del Can Mayor Astiberri
2018 ABENDUA	Waluk 2: Bidaia handia WALUK SAILA	Astiberri	Emilio Ruiz	Ana Miralles	Gazteleratik itzulia	Bego Montorio Uribarren	2017, Waluk La gran travesiaAstiberri
2018 10 URRIA	Migel Marmolen hamaika eta bat jaiotzak	Astiberri	Dani Fano	Dani Fano	Edizio elebiduna	Koldo Izagirre	2018ko iraila: Los doce nacimientos de Miguel Marmol (El Salvadorren Museo de la Palabra y la Imagen, Urrian Estatu Espainiarrean Astiberri.) Dani Fanoren urteetako proiektu pertsonala eta Eusko Jaurlaritzak 2017 urtean komikiak eta liburu ilustratuak sortzeko antolatutako diru laguntza deialdiaren proiektu saridunetako bat
2018 05 MAIATZA	Zubigileak	Astiberri	Alfonso Zapico	Alfonso Zapico	Gazteleratik itzulia	Bego Montorio Uribarren	2018 Los puentes de Moscú (Astiberri)
2017 11 AZAROA	Ondo maite nazazu: tratu txarreko istorio bat	Bizkaiko Foru Aldundiaren Emakumea Babesteko eta Familiei Laguntzeko Zerbitzua / Astiberri	Rosalind B. Penfold	Rosalind B. Penfold	Ingelesetik itzulia	Arrate Hidalgo	2005 Dragonslippers. This is what an abusive relationship loock like: Rosalind B.Penfold(Penguin Group,Canada)
2017 10 URRIA	Waluk WALUK SAILA	Astiberri	Emilio Ruiz	Ana Miralles	Gazteleratik itzulia	Bego Montorio Uribarren	2011, Waluk Astiberri
2017 02 OTSAILA	Asylum	Berrargitarapena Astiberriren eskutik / jatorrizkoa CEAR Euskadi	Javier de Isusi	Javier de Isusi	Edizio elebiduna	Bego Montorio Uribarren	2015ean CEAR-ek argitaratutako lanaren berrargitalpena
2016 10 URRIA	Pilula urdinak	Astiberri	Frederik Peeters	Frederik Peeters	Frantsesetik itzulia	Bego Montorio Uribarren	2001 Frantsesez (Atrabile) 2003 Gazteleraz (Astiberri)
2016 06 EKAINA	Etxea	Astiberri	Paco Roca	Paco Roca	Gazteleratik itzulia	Bego Montorio Uribarren	2016 06 EKAINA (Astiberri)
2015	Dublindarra	Astiberri	Alfonso Zapico	Alfonso Zapico	Gazteleratik itzulia	Bego Montorio Uribarren Eskarne Mujika Gallastegi	2011 Dublinés (Astiberri)
2015	Mariak 20 urte ditu	Astiberri	Miguel Gallardo / Maria Gallardo	Miguel Gallardo	Gazteleratik itzulia	Bego Montorio Uribarren	2015, aldiberean jatorrizkoa eta euskaraz: María cumple 20 años (Astiberri)
2014 05 MAIATZA	Baleak ikusi ditut	Astiberri	Javier de Isusi	Javier de Isusi	Edizio elebiduna	Bego Montorio Uribarren	2014 aldiberean jatorrizkoa eta euskaraz: "He visto Ballenas" (Astiberri)
2014	Maria eta biok	Astiberri	Miguel Gallardo / Maria Gallardo	Miguel Gallardo	Gazteleratik itzulia	Bego Montorio Uribarren	2007 gazteleraz, Maria y yo (Astiberri)
2014	Zimurrak	Astiberri	Paco Roca	Paco Roca	Gazteleratik itzulia	Bego Montorio Uribarren	2007-04 Frantsesez "Rides"(Delcourt) 2007-11 Gazteleraz "Arrugas" (Astiberri)
2004	Errege kalamitatea: Adalbertok ez du lotsa handirik	Astiberri	Lewis Trondheim	Fabrice Parme	Frantsesetik itzulia	Joxe Rojas	2001, Le roi catastrophe, Delcourt

KOMIKIGINTZARI BURUZKO AZTERLANAK

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2004	Habeko mik Euskal komiki ahalegina (1982-1991)	Astiberri	Juan Manuel Díaz de Guereñu	Habeko mik aldizkarietako eta albumetako irudiak	Edizio elebiduna	Iñaki Ugalde	2004 Aldiberean gazteleraz eta euskaraz