2020

2020ean ARGITARATUTAKO KOMIKIAK

'''Zerrenda hau eguneratze bidean dago. Urte honetako beste komikiren bat ezagutzen baduzu, idatzi komikipedia(a-bildua)gmail.com helbidera'''

DATA	IZENBURUASUPE	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
01 URTARRILA	Matematikako eta informatikako aparteko istorioak komikian	Saure	Nesim Fintz	Han-Mi Kim	Jatorrizkoa frantsesez	Belén Pikabea Laoniz	2018, "Les Histoires extraordinaires des mathématiques et de l'informatique en bandes dessinées", Editions Anfortas.
02 OTSAILA	Kanpoaldean	Ekonomia Alternatibo eta Solidarioaren Sarea REAS	Ana Serna (Al Borde films)	Amaia Ballesteros	Edizio elebiduna	Itziar Orbegozo	2020ko Otsaila
03 MARTXOA	Samaldan	Oxfam Intermon	Susanna Martín	Susanna Martín	Gazteleraz jatorrizkoa	Gotzone Olarra	2020ko Martxoa
04 APIRILA	Kobane Calling orain	Farmazia Beltza	Zerocalcare	Zerocalcare	Italieratik itzulia	Koldo Izagirre	2016 Cobane Calling (Bao Publishing, italieraz).Euskarazko edizioa 2020ko Italiako bigarren argitaraldia hartzen du abiapuntu. Azala, mapak eta oharrak dira lehen eta bigarren edizioen arteko ezberdintasun nagusiak. Euskarazko edizioan bi extra gehiago daude: “Groviglio” eta “Macelli" istorioak.
05 MAIATZA	Claude eta Morino 1. Madarikazioa Claude eta Morino Saila	Astiberri Txikiberri Argitalpen-zigilua	Adrien Albert	Adrien Albert	Jatorrizkoa frantsesez	Bego Montorio Uribarren	2018, "Claude et Morino 1", Editions L'école des loisirs
06 EKAINA	Kanpoan	Egilea editore/Valentinaysumundo	Valentina Morisoli	Valentina Morisoli	Edizio eleanitza	?	2020, "Kanpoan" / "Fuera" / "Fuori"
07 UZTAILA	Uxío Uxío Saila 1	Astiberri Txikiberri Argitalpen-zigilua	Martín Romero	Martín Romero	Jatorrizkoa galegoz	Bego Montorio Uribarren	2020, Astiberri, aldiberean galegoz, euskaraz, gazteleraz, katalanez
07 UZTAILA	Emakume guztiok	Astiberri	Elizabeth Casillas	Higinia Garay	Gazteleratik itzulia	Bego Montorio Uribarren	2020, aldiberean euskaraz eta gazteleraz "Todas Nosotras" Astiberri
08 ABUZTUA	Ed Framed 4	Egilea editore/Ahabi Comics	Ian Nose	Ian Nose	Edizio eleanitza		2020ko martxoaren 26tik ekainaren 23ra astez aste argitaratutako zintak
09 IRAILA	Dortokaren promesa Dortokaren promesa Saila	Harriet Ediciones	Stephane Piatzszek	Tieko	Frantsesetik itzulia	Miel Angel Elustondo Etxeberria	2020/06, La promesse de la Tortue (Bamboo Édition)
09 IRAILA	Gizonak behar direnez gero1.Joseph	Harriet Ediciones	Philippe Pelaez	Victor L. Pinel	Frantsesetik itzulia	Miel Angel Elustondo Etxeberria	2020/06, Puisqu'il faut des hommes (Bamboo Édition)
10 URRIA	Basolatik berri onik ez	Ikastolen Elkartea/Xabiroi	Asisko	Joseba Larratxe Josevisky	Euskaraz jatorrizkoa		lehen atala 2017ko otsaileko Xabiroi aldizkariaren 43. zenbakian eta 2020ko ekaineko 56. zenbakian azkena
10 URRIA	Labirintoa	Ekonomia Alternatibo eta Solidarioaren Sarea REAS / ALBOAN	Ana Serna / Marta Gómez / Paula Iglesias (Al Borde films)	Amaia Ballesteros	Edizio elebiduna	Belaxe, Koop. Elk.	2020ko urria
10 URRIA	Biga 1. Benetan identifikatu gabeko animalia	Astiberri Txikiberri Argitalpen-zigilua	Romain Pujol	Vincent Caut	Jatorrizkoa frantsesez	Jon Muñoz	2014 Avni 1(Milan editeur)
10 URRIA	Kontaktuberria	Harriet Ediciones	Bruno Duhamel	Bruno Duhamel	Frantsesetik itzulia	Miel Angel Elustondo Etxeberria	2019 08 abuztua #Nouveaucontact, Frantsesez (Grand Angle)
11 AZAROA	Tigrea amesgaiztoaren kontra	Astiberri Txikiberri Argitalpen-zigilua	Emily Tetri	Emily Tetri	jatorrizkoa ingelesez	Jon Muñoz	2018 Tiger vs. Nightmare (First second)
11 AZAROA	Burnizko potoa	Denon Artean Cenlit	Antton Kazabon	Jokin Mitxelena	Euskaraz jatorrizkoa		2020 azaroa
11 AZAROA	Elkano, mundua beletan	Gipuzkoako Foru Aldundia	Álber Vazquez	Iñaki Holgado/Pc. Delafuente/kolorea: A.Espinosa	Jatorrizkoa gazteleraz	Miel Angel Elustondo Etxeberria	2020ko azaroa, gazteleraz eta euskaraz aldiberean
11 AZAROA	Ada Lovelace: zenbakien liluratzailea	IkasElkar	Jordi Bayarri	Jordi Bayarri	Gazteleratik itzulia	Maialen Berasategi Catalan	2019 Ada Lovelace, la encantadora de números
11 AZAROA	Helize	Harriet Ediciones	Mikel Begoña	Iñaket|	Euskaraz eta gazteleraz argitaratua.	Euskarazko bertsioa gidoilariaren eskutik	2020, gazteleraz aldiberean, Hélice
11 AZAROA	Superpatata 1/10 Erdi arora bidaia SUPERPATATAREN JATORRIA SAILA (SUPERPATATA BILDUMA)	Bang Ediciones / Mamut Comics	Artur Laperla	Artur Laperla	Jatorrizkoa Katalanez eta Gazteleraz	Esther López Epelde	2020 azaroa Superpatata 10 (Bang Ediciones)
11 AZAROA	Burgosko Auzia. Iraultza eta bizi!	Gara	Mikel Antza	Adur Larrea	Euskaraz Jatorrizkoa|		2020, euskaraz jatorrizkoa
2020 11 AZAROA	Klak!	Zortziko	Iñaki Martiarena "Mattin"	Iñaki Martiarena "Mattin"	Euskaraz Jatorrizkoa|		2020 azaroa
11 AZAROA	Inurrategi anaiak. Mendiari bihotz emanak	Mendi Film Festival SUA edizioak argitaletxearekin	Ramon Olasagasti	Cesar Llaguno	Euskaraz eta gazteleraz argitaratua.	Euskarazko bertsioa gidoilariaren eskutik	2020 11 Azaroa
2020	Sugarren mende	Gure Berriak / Erroa / Lapurdi 1609 elkartea	Asisko	Asisko	Euskaraz Jatorrizkoa|		2020 11 Azaroa
12 ABENDUA	Mina eta oroimena	Saure/ Fernando Buesa Fundazioa	Aurora Cuadrado Fernández	Daniel Rodríguez Redondo / Alfonso Pinedo / Carlos Cecilia / Fran Tapias	Jatorrizkoa gazteleraz	Aritz Gorrotxategi	2020 abendua, 'Dolor y memoria'.
12 ABENDUA	Foixeko Katalina	Nabarralde	Angel Rekalde	Ainara Azpiazu Axpi	Bi edizio, euskaraz eta gazteleraz	?	2020 12 ABENDUA
12 ABENDUA	Ilargiaren orrazia / Erroak Saila 1	Egilea Editore / Erroak	Amaya Echevarria	Tiago Battesti	Bi edizio, euskaraz eta frantsesez	Nahia Zubeldia	2020 12 ABENDUA

ORRIALDEKO KOPURU LABURREKO KOMIKIAK

2020ko otsailean Balmasedako gerra eta diktadura frankistari buruzko 12 orrialdetako komikia argitaratu zuen Cesar Llagunok, Zunbeltz Matabuenaren testuekin, "Balmaseda 1937" elkartearen enkarguz euskara zein gaztelaniazko bertsioetan; Alberto Garai arduratu da euskarazko bertsioaz. Une historiko horretan hainbeste gertaera zituzten kontatzeko eta ikuspegi anitzak barneratzeko beharraren ondorioz, sormen prozesuan zehar 6 bertsio oso zirriborratu omen zituztela azken emaitza sortu arte, eta erakusketa bat egin zen Balmasedan proiektuaren barne sortutako marrazkiekin Txalaparta Liburuak webgunean erosi daiteke

[ 20 orrialdetako komiki batean jaso ditu Gogoan Sestao Elkarteak hiri honetan 1936ko gerran gertatutakoak, Aitor Urkiola "Brontxe" marrazkilari ondarrutarraren eskutik 'Gerrako oroitzapenak 1936/1937' izenburupean. Bizkaia irratian autorearekin egin dute berba. Sestaoko Denetariko liburudendan dago eskuragarri

BERRARGITALPENAK

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
11 AZAROA	Ilargia helburu Tintinen Abenturak Saila	Zephyrum Ediciones/Trilita Ediciones	Hergé	Hergé	Frantsesetik itzulia	Inazio Mujika Iraola	1953, Objectif Lune
11 AZAROA	Ilargian oinez Tintinen Abenturak Saila	Zephyrum Ediciones/Trilita Ediciones	Hergé	Hergé	Frantsesetik itzulia	Inazio Mujika Iraola	1954, On a marché sur la Lune
2020 11 AZAROA	Aztia	SALVAT/BRUÑO Asterix Bilduma Klasikoa 19)	Goscinny	Uderzo	Frantsesetik itzulia	Maddalen Arzallus Antia	1972, Le Devin
2020 11 AZAROA	Zesarren erramu-koroa	SALVAT/BRUÑO Asterix Bilduma Klasikoa 18)	Goscinny	Uderzo	Frantsesetik itzulia	Maddalen Arzallus Antia	1972, Les Lauriers de César

KOMIKIGINTZARI BURUZKO LANAK

DATA	IZENBURUA	ARGITARATZAILEA	EGILEAK	JATORRIZKO HIZKUNTZA
2020 07 UZTAILA	Abdon Gonzalez de Alaizaren alfabetoa	Arabako Foru Aldundia	Miel Angel Elustondo Etxeberria / IRUDIAK Asier Iturralde 'Gaston'	Euskaraz

EUSKO JAURLARITZAREN 2018 eta 2019 URTEKO DIRU LAGUNTZEN SARIDUNAK
2019an eta 2020ean argitaratu diren komikiak

2019 urteko lehiaketako diru laguntzak irabazi dituzten autoreak: JADA ARGITARATUAK Alex Machok jaso zuen laguntza Harriet gidoilariarekin "Lotsa eta oroimina" komikia sortzeko. Harriet etxeak argitaratu zuen eta Getxoko Komiki Azokan aurkeztu zen. Iñaki Martiarena Otxotorena "Mattin" marrazkilariak "Belardo, ba al zatoz? komikia sortu zuen: Berriak 2019an argitaratu zuen eta Durangoko Azokan aurkeztu zen. Iñaki Martinez Hernandez "Iñaket" marrazkilariak "Helize" proiekturako jaso zuen diru laguntza. Facebook-eko bere orrialdean argitaratu ohi ditu sormen prozesuaren laginak. 2020ko azaroan argitaratu du Harriet Ediciones etxeak. ORAINDIK ARGITARATU GABE Higinia Garay Zaratek "La palabra que empieza por A" komiki proiekturako jaso zuen diru laguntza. 2018 urteko lehiaketako diru laguntzak irabazi dituzten autoreak: JADA ARGITARATUAK Aritz Trueba marrazkilariak eta Buyan komikia sustatzen duen ekipoak "BUYAN” proiektua garatu dute (lan-prozesua sare sozialetan erakutsi zuten ari dira). 2019 urrian euskaraz, ingelesez Estatu Batuetan eta frantsesez argitaratu da. Harkaitz Cano idazleak eta Adur Larreak marrazkilariak elkarlanean Antzar eguna komikia sortu dute: 1984an GAL-ek hildako Santi Brouard-en azken uneak komikiratuko dituzte. 2019ko abenduan Txalapartak argitaratu du, eta katalanez eta galegoz argitaratzea ere aurreikusten zen. GAZTELERAZ ARGITARATUAK 2020ko udazkenean argitaratu da Susanna Martín Bartzelonan jaiotako Bilbotarrak eta Miguel Angel Giner Bou-k elkarrekin sortutako Ofensiva final komikia. Dolmen argitaletxeak atera du gaztelaniaz (oraingoz ez da konfirmatu euskarazko bertsiorik egongo ote den): Erdialdeko Amerikan emakumeei buruzko dokumentala egiten ari den Iratxeren ibilerak kontatu dituzte. Bilbon orain dela 10 urte baino gehiagoz bizi den Victor Santos valentziar autore ezagunak 'Kurosawa, El samurái Caído' komikia argitaratu du 2020ean Norma argitaletxearen eskutik (oraingoz ez da konfirmatu euskarazko bertsiorik egongo ote den) ITURRIA: Igor leturiak bere blogean 2018 urteko saridunen proiektuei buruz idatzi du

KOMIKIAK SORTZEKO EUSKO JAURLARITZAREN DIRU LAGUNTZA DEIALDIA 2020

Eusko Jaurlaritzak 2017 urtean lehen aldiz diru laguntza deialdia egin zuen komikiak eta liburu ilustratuak sortzeko 2020 urteko deialdirako proiektuak aurkezteko ESKAERA EPEA Martxoaren 10ean amaitu zen OINARRIAK 15.000 euroko 4 laguntza eman dira komiki bat edo nobela grafiko bat argitaratzea helburu duten ilustrazio-proiektuentzat. Laguntzetako bat, gutxienez, 30 urtetik beherako pertsona batentzat izatea aurreikusi zen oinarrietan, eta bat emakume batentzat izatea. EUSKARAZ ARGITARATU DIRENAK Alex Orbe: Hasiera batean komiki proiektuak 'Arrakalak eta amak' izena zuen baina behin betiko izena 'Jarraitu inurriari' izan da: 2021eko irailean argitaratu du Harriet Ediciones Etxeak eta Unai Elorriaga arduratu da gidoiaz; idazle honen komikigintzako lehen lana izango da. GAZTELERAZ ARGITARATU DIRENAK Shukare Otero Murua: 'Voces de Chimalpopoca' : Proiektuaren Facebook orrialdean informazio gehiago. 2021ean argitaratu du Astiberri etxeak soilik gazteleraz ORAINDIK ARGITARATU GABE Julen Ribas Sasiain: 'Sua' Josune Urrutia Asua: 'Hoy no es el día' KOMIKIAK SORTZEKO EUSKO JAURLARITZAREN DIRU LAGUNTZA DEIALDIA, AURREKO URTEETAKO IRABAZLEAK

EUSKAL KOMIKIGINTZARI BURUZKO GERTAERA ETA ESTEKA INTERESGARRIAK

KOMIKIEKIN HARREMANA DUTEN GERTAERAK

H28 aldizkaria berpiztu da!

2017 urtean Mikel Begoña eta Kike Infamek 'Komikia:euskal komikia 1975-2017 El cómic vasco' liburua argitaratu zuten. Liburuaren aurkezpenarekin batera erakusketa bat antolatu zen: erakusketa gaurkotu dute, eta 1975 urtetik gaur arte komikigintzak Euskal Herrian izan duen bilakaeraren ikuspegi orokor bat eskaintzen du, azken hiru urteotako ekoizpenaren laginekin. 'Komikia, 1975tik' erakusketa 2021 urteko ekainaren 27ra bitartean ikusi ahalko da, Bakioko Txakolingunean ERAKUSKETAREN ORDUTEGIAK Urrian astelehenetik larunbatera 10:00-14:00 /16:00-18:00 ; Igandetan 10:00-15:00 Azarotik apirila bitarte Asteartetik igandera 10:00-14:00 Maiatza eta ekainean astelehenetik larunbatera 10:00-14:00 / 16:00-18:00 ; Igandetan 10:00-15:00

2020ko maiatzean Italiako Bolognako Children’s Book Fair jardunaldiak ospatu behar ziren, eta euskal komikigintza hizpide izango zen egitarauaren barne, Euskal irudigileak elkartearen eskutik. COVID19 pandemiaren baitan, Streaming bidez egin behar izan zen Euskal komikigintzaren historiari buruzko ekitaldia, eta jada Youtuben dago eskuragarri gazteleraz Kike Infameren gidaritza eta gidoiarekin Ainara Azpiazu "Axpik" eta Mikel Begoñak izandako solasaldia: 70. hamarkadatik XXI menderarte euskal komikigintzak egindako ibilbidea izan zuten hizpide, eta gaur egungo egoera aztertu zuten ere.

 Etxepare Euskal Institutuaren eskutik, Maite Gurrutxaga ilustratzailea Bruselako Fete de la BD jaialdiko mahai-inguru batean parte hartu du, emakumeak komikigintzan gaia hizpide hartuta.

Wilfrid Lupano gidoilariarekin eta Paul Cauuet irudigilearekin batera sortutako 'Le Loup en slip' lanarengatik Pauen bizi den Mayana Itöiz ilustratzaile baionesa 2020 urteko Eisner komiki sari bat jasotzeko finalisten artean geratu da, zehazki 9–12 Urte bitarteko haurrentzako kategorian (Best Publication for Kids). Azkenean Raina Telgemeier-ek irabazi zuen saria "Guts" lanarengatik.

Markoren ‘Indiara Bidaia’ komikiak irabazi du Ermuako Ezekiel Etxebarria saria, Ermuako Udal Liburutegian gehien irakurri den euskarazko liburuaren autoreari ematen zaion saria

* Nafarroako Kontuen Ganberak Cesar Oroz marrazkilariaren "Orduko aditzaileak oraingo auditoreak" komikia argitaratu du euskaraz eta gaztelaniaz, egoitza bisitatzen duten gazteei eskaintzeko helburuarekin.

KOMIKI AZOKAK ETA JARDUNALDIAK

DURANGOKO AZOKA

Durangoko Azokan azken urteotan komikigintzak bere lekua izatea lortu du. 2020ean antolatu diren ekitaldien barne bi komiki aurkezpen egingo dira Abenduaren 5ean 13:30etik 14:30era bi solasaldi izango dira, eta sarrera erreserba egin ezkero biak ikusteko aukera izango da. Asisko Urmeneta Sugarren mende [Asisko Urmeneta + Joseba Larratxe: Basolatik berri onik ez] Durangoko Azokako On-line dendaren bidez eskuratu ahal izango dira 2020ean hainbat argitaletxek plazaratutako euskarazko komikiak.

komikizaleok geroz eta azoka eta topagune propio gehiago dituzte, eta literatur jardueretan ere komikiak bere lekua hartzen ari da poliki-poliki

EGUTEGIA: KOMIKI JARDUNALDIAK, AZOKAK ETA KOMIKIAREN PRESENTZIA DUTEN LITERATUR TOPAKETAK

• 2020ko neguan Antsoainen lehen aldiz Komiki eta ilustrazio sozialari buruzko Jardunaldiak antolatu dira.

2020 urtean COVID19 pandemiak hankaz gora jarri ditu egutegiak:

Saran IKUSI-MIKUSI Haur eta Gazte Literatura Azoka ospatu behar zen, baina aurten ez da egingo eta 2021 urteko apirilean ospatuko da.

2019an antolatu zen ere Ziburuko lehen liburu azoka ere, baina aurten ez da egingo eta 2021 urteko ekaineko lehen asteburuan ospatuko da.

HEROES COMIC CON Azoka Barakaldoko BEK-en

Heroes Comic Con azokako lehenengo edizioa https://bilbaoexhibitioncentre.com/eu/heroes-comic-con-lehenengo-aldiz-izango-da-bilbon/ Bilbao Exhibition Centre-n ospatzea espero zen 2020ko ekainaren 13an. Madrilen eta Valentzian ospatzen diren edizioetara gehituko litzateke Bilbokoa.

COMIKD Donostiako Nazioarteko IV. Komiki eta Manga Jaialdia

COMIKD Donostiako Nazioarteko IV. Komiki eta Manga Jaialdia Apirilan egitea aurreikusten zen: COVID19 pandemia dela eta hasiera batean uztailak 3-4-5era atzeratu zen, baina oraindik ez da ospatu. Gipuzkoako Foru Aldundiarekin lankidetzan Komiki lehiaketa antolatu da. LANAK AURKEZTEKO EPE BERRIA: 2020ko azaroak 14 bitarte. OINARRIAK

JADA BURUTU DIRENAK

Urtarrilean Angulemako Komiki Jaialdian euskal egileen presentzia nabarmena izan da, komikiak aurkezten, sinatzen eta proiektu berrietarako kontaktuak egiten. Mikel Begoñak komikeri blogerako kronika idatzi du.

Otsailaren 12tik 21era Antsoainen Komiki eta ilustrazio sozialari buruzko lehendabiziko Jardunaldiakantolatu dira. Zaldieroa eta Myrian Camerosen erakusketak ikusi ahal izango dira, eta hizlarien artean Cesar Oroz, Txema Estevan, Azagra, Encarna Revuelta, Rosa Codina... eta Andaluzia, Aragoi eta Catalunyako marrazkilari eta gidoilariek hartuko dute parte

Sarako Idazleen Biltzarra irailaren 6ean ospatu zen. Hauek dira bertan parte hartu zuten komikigileetako batzuk: Mattin, Txakur Gorria, Marko, Asisko..eta komikiak argitaratu izan dituzten argitaletxeak ere bertan egonen dira: Elkar, Euskaltzaindia, Nabarralde, Zortziko...

Irailaren 3tik urriaren 4ra Tiza elkarteak antolatuta Nafarroako XI. Komiki Azoka" ospatu zen Iruñean, Lizarran eta Elizondon. Sevillako Jose Luis Agreda-k egin ditu aurtengo edizioko kartelak. ERAKUSKETAK: 9 erakusketa Iruñean, 3 Lizarran eta bat Elizondon. JARDUERAK: Iruñea eta Lizarran Komikigileen solasaldiak, tailerrak... EUSKARAZKO JARDUERAK * Irailak 11, ostirala, Lizarra 19:30 Topaketa Buyan komikiaren egileekin Lizarrako Fray Diego Kultur Etxea * Irailak 19, larunbata, 10:00-14:00,Elizondo Komiki Tailerra Euskaraz Belatzen eskutik 14 urtetik gorakoentzat. Arizkunenea . Pintura tailerra, 1. solairua. Plaza mugatuak. Izena emateko: tizacomic@gmail.com * Irailak 26a, larunbata,11:00 Elizondo: Sorkuntza-lantegia Legoekin Discover Bricks-en eskutik. 5 eta 12 urte bitarteko haurrentzat Plaza mugatuak. Izena emateko: info@discoverbricks.es 636 479 965 edo 636450745

2020ean ez da egin Getxoko komiki azoka. Hau izan da antolatzaileek zabaldutako mezua: "Getxoko Kultur Etxeak 2020ko urriaren 2tik 4ra aurreikusita zegoen Getxoko 19. Komiki Azoka bertan behera behera uztea erabaki du COVID-19ak eragindako larrialdi-egoera eta esparru itxietan jarduerak egiteko eta ekitaldi jendetsuetan edukiera mugatzeko irizpideak aztertu ostean. Halaber, urruntze soziala bermatzeko neurriak ere kontuan hartu dira" Getxoko Azokaren ordez, urriaren 30 eta 31ean (ostirala/larunbata) Komiki Jardunaldiak, hitzaldi eta erakusketak, antolatu dira Erromoko kultur etxean. Egitarau osoan Mikel Begoñaren euskarazko komikigintzari buruzko saioa izan da euskaraz burutu den bakarra.

KOMIKIEI BURUZKO SOLASALDI ETA IRAKURKETA TAILERRAK

• DONOSTIA: Beste ikasturte batez, 2020ko ekaina bitarte Igor Leturiak Intxaurrondoko Kulturetxean dinamizatzen dituen saioak antolatu ziren. Urtarrilaren 14an Yurre Ugarte eta Joseba Larratxeren Joana Maiz eta Martxoaren 10ean Mikel Santos Belatzen Gerezi garaia komikiei buruzko solasaldiak egin ziren autoreekin.

COVID pandemia dela eta eta eta maiatzean egitea aurreikusten zen Buyan - Heriotzaren uhartea. komikiari buruzko lsolasaldia azaroaren 10ean egingo da.

Urriak 7 bitarte, "Bizitza borrokan binetaz bineta" erakusketa ikusi ahal izan da, Lucio Urtubia anarkista nafarraren biografian oinarritutako Gerezi-garaia eleberri grafikoaren sorkuntza prozesuari buruzkoa. Irudiak Belatz ilustratzaile eta gidoilariarenak dira. Erakusketaren komisarioak: Kike Infame eta Jose Carlos Torre.

• USURBIL: urriaren 22an, 19:00etan, Sutegi liburutegian, Yurre Ugarte eta Joseviskyren 'Joana Maiz' komikia mintzagai.

Komikiak jada eskuragarri dituzte Liburutegian; saioan parte hartzeko aldez aurretik izena eman behar da Liburutegian bertan.

• TOLOSA: Joseba Larratxek dinamizatu ditu Tolosan otsailetik maiatzera asteartetan antolatzen diren Irakurketa klubaren saioak. Otsailaren 18an lehen solasaldia “Joana Maiz” komikiaren egileekin, Yurre Ugarte Tolosar gidoilaria eta Joseba Larretxe marrazkilariarekin. Jarraian martxoaren 31an Asisko Urmenetaren “Aztihitza Xahoren biografikoa”, Apirilaren 28an Tupust! Kolektiboaren “Tupust!” antologia, eta maiatzaren 26an: Harkaitz Canoren eta Adur Larrearen “Antzara eguna”.(data hauek aldatuz joan ziren COVID pandemiaren egunerokotasunaren baitan)

• OÑATI: Konfinamendu garaian, Oñatiko Liburutegiak "Literatura, komikia eta erresistentzia: Joana Imaz" bideo-solasaldia antolatu zuen Yurre Ugarterekin

• ALGORTA: Uribe Kostako Irakurzaleen Txokoaren ikasturteari amaiera emateko ekainaren 18an, Mikel Begoña eta Adur Larrea Arditutakoak komiki liburuaz mintzatu ziren.

• BIZKAIA: Skolastika gune feministak emakumeen eta literaturaren inguruko gaiak lantzen ditu, eta komikigintzari buruzko jarduera ugari antolatu izan dituzte (hitzaldiak, gazteentzako saioak, erakusketak...) eta komikteka dute, mundu osokoe makumeen komikiak gordetzen dituen liburutegia.

• BARTZELONA

Asisko Urmenetaren "Eusklabo alaiak" / "Els EUSclaus feliços" abenduaren 15ean hartuko dute mintzagai Bartzelonako euskal literaturari buruzko irakurle klubean

GAZTELERAZ

• IRUÑEA: Iruñeako Yamaguchi kulturgunean gazteleraz komikiaren inguruko blog bat dute informazio ugarirekin eta jarduera anitzak antolatzen dituzte.

• ERMUA: 2018an hasi ziren helduentzako komikien irakurketa klubeko saioekin, eta Kike Infame arduratzen saioak dinamizatzeaz.

• GASTEIZ: Estitxu Urretxuren eskutik Komikia eta eleberri grafikoa irakurketa kluba burutu da: 2017an euskaraz egin ziren saio batzuk

2020 URTEKO LEHIAKETA EDO DEIALDI AIPAGARRIAK

GALTZAKOMIK LEHIAKETA

Galtzaundi Euskara Taldeak, Ibarrako Udalarekin elkarlanean, 13. Ibarra Galtzakomik komiki lehiaketa antolatu du.Hiru adin tartetan baiatzen dira mailak: 9 urte azìkoak (2011an jaiotakoak barne), 10-12 urte bitartekoak (2010ean eta 2008an jaitakoak barne), 13 urtetik 16 urtera (2007an eta 2004an jaitakoak barne) eta 17 urtetik gorakoak (2003an jaitakoak barne) LANAK AURKEZTEKO AZKEN EGUNA: azaroak 30 OINARRIAK

CRASH COMIC LEHIAKETA

Atiza elkarteak Crash Cómic Komiki Lehiaketa antolatu du. Parte hartu ahal izango dute Araban ikasten duten, lan egiten duten edo bizi diren pertsonek.. Lehiaketan onartuko dira gehienez hiru komiki egile bakoitzeko, originalak eta aurretiaz argitaratu gabeak. Lehiaketa bi modalitatetan banatzen da, adin irizpideak kontuan hartuta: A Modalitatea: 12 eta 17 urte arteko pertsonentzat B Modalitatea: 18 eta 35 urte arteko pertsonentzat OINARRIAK LANAK AURKEZTEKO AZKEN EGUNA: Azaroak 1

35 URTE AZPIKOENTZAT NAFARROAKO KUTXA FUNDAZIOAREN EUSKARAZKO KOMIKI SARIA

2020! urtean Nafarroako Kutxa Fundazioak komiki lehiaketa antolatu zuen 35 urte azpikoentzat. Oinarrien arabera, saria hutsik geratzen ez bada, irabazleak 2000 eurotako saria jasotzeaz gain, Luces de Gálibo argitaletxearen bidez lortuko du bere komikia argitaratua izatea urtebeteko epean gehienez Lanak aurkezteko epea itxita

DOBERA ELKARTEA HERNANIKO KRONIKA ALDIZKARIA KROMIKIA LEHIAKETA

Dobera Euskara Elkarteak antolatutako komiki lehiaketan hiru kategoria izango dira: haurrak (6-11 urte), gazteak (12-17 urte), eta helduak (18 urtetik gora). Aurkeztutako lanek originalak izan behar dute, beste inon aurkeztu gabekoak; eta Kromikiak ezin du egilearen izenik izan agerian. Partehartzaile bakoitzak, Kromiki bakarra aurkeztu ahal izango du. Hernanirekin zerikusia duten komikiak izango dira, eta testuek euskeraz idatzita behar dute. Tamaina, Kroni­kan argitaratzen diren Kromikien berbera izango dute: 26 zen­­timetroko zabalera, eta 7,3 zen­ti­metroko altu­era. Txuri-bel­tzean zein kolo­re­tan egin daitezke. Lanak aurkezteko epea, urriaren 16ra arte OINARRIAK

COMIKD AZOKAKO II LEHIAKETA

Gipuzkoako Foru Aldundiko Kultura Departamentuak eta COMIKD azokak elkarlanean antolatzen duten komiki-lehiaketaren bigarren ediziorako lanak aurkezteko epea zabaldu da, azaroak 14 bitarte. “Donostian girotutako zientzia-fikziozko komikia” da 2020ko edizioaren gaia. Mundu osoko komiki-egile ez-profesionalei zuzenduta dago sariketa,lanak orijinalak eta argitaragabeak izan behar dute eta euskaraz, espainieraz, frantsesez eta ingelesez aurkeztu daitezke komikiak. Bi kategoria daude: 6 eta 13 URTE BITARTEKOAK: irabazleek paper-gauzetan 500 eta 200 eurotako sariak jasoko dituzte saritzat 14 URTETIK GORAKOAK: Dirutan, 1.200 euro irabazleak, eta 800 euro bigarrenak. 2020ean Azoka antolatuko ez den arren Parte hartzaile guztiek izango dute beren lana ikusgai Azokaren webgune ofizialean LANAK AURKEZTEKO EPE BERRIA: 2020ko azaroak 14 bitarte. OINARRIAK

• BILBOKO ITSAS MUSEOKO KOMIKI LEHIAKETA: 2019an egin zen lehen edizioa, otsailaren amaiera amaitu zen epea. 2020ean ez da antolatuko ote denik ziurtatu.

18 URTE AZPIKOENTZAT ZUZENDUAK Hiri eta herri askotan antolatzen dira gaztetxoentzako literatur lehiaketak, eta askotan komikiek ere izaten dute bere atala. Lehiaketa bakoitzak bere arautegia du, kasu batzuetan partaidetza irekia da (adibidez Elkar Ilustrazio eta Ipuin Lehiaketaren barne Euskal Herriko DBH 3. eta 4. mailako ikasleek parte hartu dezakete) eta beste batzuetan soilik bertakoek hartu dezakete parte, adibidez Donostiako Koldo Mitxelena Sariketa edo eta Iruñeko Udalak urtero antolatu ohi dituen Literatur lehiaketaren barne Komiki kategoriak daude. Neguan Aiarako Hogeitaulau euskara elkarteak 6-12 urte bitarteko ikasleentzako, postal, komiki eta ipuin lehiaketa antolatu izan du.

18 URTE AZPIKOENTZAT ZUZENDUAK

12. ELKAR ILUSTRAZIO ETA IPUIN LEHIAKETA

Adinaren arabera 3 modalitatetan aurkez daitezke lanak (ilustrazioa, ipuina, komikia edo bineta). Komikia edo binetaren kasuan DBH 3. eta 4. mailako ikasleek aurkeztu ahal izango dituzte lanak. 'Lanak aurkezteko epea luzatu dute antolatzaileek ' Ipuin klasiko bat komiki ala bineta bihurtu beharko dute. Komiki edo binetak eskuz zein ordenagailuz sortuak izan daitezke eta euskaraz idatziak izan behar dute. Teknika eta materiala guztiz libreak izango dira, baina komikia edo bineta A4 tamainako orrialde bakar batean entregatu beharko da. Parte hartzaile bakoitzak komiki edo bineta bakar bat aurkeztu ahal izango du. OINARRIAK.

TOKIAN TOKIKO LEHIAKETAK

BERGARAKO KOLDO ELEIZALDE LITERATUR LEHIAKETA 2020

Bergarako Koldo Eleizalde lehiaketan genero hauetan parte hartu daiteke: ipuin idatzia, komikia, bertsoa, ipuin-kontaketa, antzerkia, txisteak eta poesia. Bergaran jaiotakoek edo bertan bizi direnek zein ikasi edo lan egiten dutenek har dezakete parte. Lanak aurkezteko epea apirilaren 24ra bitartekoa izango da. OINARRIAK

ARRASATE LITERATUR LEHIAKETA 2020

Debagoienean bizi edota ikasten duten ikasleentzat, AED elkarteak Arrasateko literatur lehiaketa antolatu du. Genero hauetan parte hartu daiteke: narrazioa, ilustrazioa, bertsopaperak, mikroipuina, poesia eta komikia. Komikiaren kasuan DBH3-DBH4koek sei bineta egin beharko dituzte A4 neurriko orri bakarrean eta Batxilergoa 1-2koek sei bineta egin beharko dituzte. Lanak aurkezteko epea ekainaren 11ra atzeratu dute eta e-postaz jasoko dira.OINARRIAK

AURKEZPEN EPEA ITXIA DUTENAK

Komiki lehiaketen atalean urtean zehar antolatu ohi diren edo eta jada epea itxia duten lehiaketei buruzko informazioa ikusi daiteke